Kolesteroli

Kolesteroli është një substancë yndyrore si dyll dhe pjesërisht i nevojshëm për trupin e njeriut. Pa të asnjë individ nuk mund të jetojë. Është i nevojshëm për qelizat, nervat dhe prodhimin e hormoneve.

Kolesteroli i pashkrishëm - 80% e tij prodhohet nga mëlçia, ndërsa 20% merret nga ushqimi. Ai nuk shkrihet në gjak, kështu që transportohet aty ku është i nevojshëm, duke u lidhur me proteinat e yndyrshme, të cilat janë dy llojesh: të mira dhe të këqija: proteinat LDL me dendësi të ulët (të këqija) dhe proteinat HDL me dendësi të lartë (të mira). Proteinat Ldl e dërgojnë kolesterolin në periferi, ndërsa ato Hdl e transportojnë nga periferia në mëlçi. Kolesteroli i tepërt mund të depërtojë në muret e brendshme të arterieve, duke shkaktuar pllakat.

Funksionet e kolesterolit

1. Rrit qëndrueshmërinë e membranave qelizore ndaj faktorëve mekanikë dhe fizikë.
2. Pengon nëpërmjet bishtave hidrofobë përshkrueshmërinë ndaj molekulave dhe joneve polare.
3. Në temperatura të ulta nuk lejon ngrirjen e membranës duke rritur fluiditetin e saj.
4. Në temperatura të larta, bashkëveprimi i bishtave të kolesterolit me ato të fosfolipideve nuk lejon çorganizimin e membranës.
5. Rregullon lëvizjen e lipideve të membranës.