Kozak Braçi
Kozak Braçi (lindur më 12 Qershor 1993, në Tiranë) është një personazh publik shqiptar, i njohur kryesisht për aktivitetin e tij në rrjetet sociale si TikTok dhe Instagram, ku mban titullin e vetëshpallur "Mbreti i TikTok-ut". Ai u bë i famshëm përmes videove "Live" ku bashkëbisedon me ndjekësit dhe personazhe të tjerë të njohur, shpesh duke përdorur një gjuhë pa dorashka dhe humor kontrovers.
Jeta e hershme
[Redakto | Redakto nëpërmjet kodit]Kozaku u rrit në lagjen Allias të Tiranës. Përpara se të bëhej i famshëm në internet, ai ka pasur një jetë të thjeshtë, duke u marrë me aktivitete të ndryshme, përfshirë edhe pasionin e tij të hershëm për boksin dhe muzikën hip-hop.
Tani Kozaku është i martuar me partneren e tij, Denisa Bajrami, dhe në vitin 2023 ata u bënë prindër të një djali të quajtur Denaro. Që pas lindjes së djalit, ai ka deklaruar disa herë se po përpiqet të moderojë gjuhën e tij në rrjetet sociale, ndonëse mbetet po aq aktiv.
Karriera në Media Sociale
[Redakto | Redakto nëpërmjet kodit]Popullariteti i tij shpërtheu rreth viteve 2020-2021, veçanërisht gjatë periudhës së pandemisë, kur videot e tij live në Instagram nisën të mblidhnin dhjetëra mijëra shikues në kohë reale.
Karakteristikat e përmbajtjes:
[Redakto | Redakto nëpërmjet kodit]Live-et në TikTok/Instagram: Kozaku njihet për debatet me personazhe të tjerë të rrjeteve sociale (si Fabio Dushku, Kleviol Ahmeti, etj.).
Muzika: Ai ka publikuar disa këngë të zhanrit hip-hop/trap, të cilat kanë marrë miliona shikime në YouTube, si "Banda", "Psikopat" dhe bashkëpunime të ndryshme, më i njohuri ai me Feron i titulluar "Money" .
Intervistat: Ka qenë i ftuar në emisione të njohura televizive në Shqipëri dhe Kosovë, si "Zonë e LIrë" me Arian Çanin, ku ka rrëfyer historitë e tij personale.
Ngjarje dhe Polemika
[Redakto | Redakto nëpërmjet kodit]Figura e Kozak Braçit është shoqëruar shpesh me ngjarje që kanë pushtuar mediat rozë dhe ato të kronikës:
Rrëmbimi i pretenduar (2021): Në shtator të vitit 2021, Kozaku u bë protagonist i një lajmi bujshëm ku u raportua se ishte marrë forcërisht në një makinë nga disa persona pas një konflikti online me Fabio Dushkun. Ngjarja u zgjidh me ndërhyrjen e policisë.
Rivalitetet online: Ai është i njohur për "sherre" virtuale me shumë personazhe të botës së krimit apo të showbizz-it, gjë që i ka sjellë herë pas here pezullime të llogarive të tij sociale.