Kungulleshka me salcë pesto dhe borzilok të freskët

Për 4 persona nevojiten :

4 kungulleshka

2 lugë supe borzilok të freskët

1 lugë supe dhiozmë

1 thelpi hudhër të grirë

1 lugë supe salcë pesto të gatshme

I presim kungulleshkat në feta dhe i kaurdisim në vaj ulliri së bashku me hudhrën. Rregullojmë me kripë e piper dhe i përziejmë me salcën pesto dhe borzilokun e freskët dhe dhiozmën.

Shkojnë mjaft mirë për të shoqëruar peshk të pjekur.

Shënim

Nëse nuk ju gjendet salcë pesto e gatshme mund ta bëni vetë atë, si më poshtë :

6 filxhanë gjethe borziloku të freskët

1 filxhan vaj ulliri

4 kokrra hudhër

kripë e piper

100 gram fara të boçës së pishës

1 filxhan djathë parmezana

Grijini në blender të gjitha lëndët e sipërpërmendura dhe salca është gati. Përdorni një lugë për këtë recetë dhe pjesën tjetër mund ta ruani në frigorifer për ta përdorur me makarona.