Logopedia

Zonat e Vernikes dhe e Brocës

Logopedia është një fushë e cila praktikohet nga specialistë të quajtur logopedë, të cilët janë të aftë të vlerësojnë, diagnostikojnë dhe trajtojnë çrregullime të komunikimit, çrregullime konjitive, çrregullime të zërit dhe të gëlltitjes.

Përkufizimi

Logopedia (terapia e të folurit) është një shkencë që merret me parandalimin, zbulimin, diagnostikimin dhe trajtimin e çrregullimeve të komunikimit njerëzor, e cila përfshin të gjitha proceset dhe funksionet që lidhen me artikulimin e të folurit, perceptimin dhe prodhimin e gjuhës gojore dhe të shkruar, si dhe format e komunikimit jo verbal (përkufizimi i Shoqatës Evropiane të Patologëve të të folurit dhe të gjuhës).

Logopedi është një ekspert i pavarur, veprimtaritë qendrore të të cilit kryhen në fushën e parandalimit, vlerësimit dhe ndërhyrjes në rastet e çrregullimeve të komunikimit njerëzor, trajtimin e tyre dhe kërkimin shkencor ( përkufizimi i Shoqatës Botërore të Patologëve të të folurit dhe të gjuhës - IALP), dhe logopedia është një profesion në zhvillim përgjatë linjave të shkencës së aplikuar dhe të pastër .

Ndryshe njihet edhe si patologjia e të folurit (ose patologjia e të folurit dhe gjuhës) dhe është një fushë ndërdisiplinare e psikologjisë, pediatrisë dhe shëndetësisë që zakonisht praktikohet nga një terapist i të folurit dhe gjuhës, ose më shkurtimisht "logoped". Patologjia e gjuhës dhe të folurit konsiderohet "një profesion i lidhur me shëndetin" së bashku me audioologjinë, optometrinë, terapinë okupacionale, psikologjinë e rehabilitimit, terapinë fizike, analizën e sjelljes dhe të tjera. Përveç kësaj, logopedia merret edhe me hulumtime të aplikuara dhe themelore në këtë fushë.

Logopedët specializohen në vlerësimin, diagnostikimin dhe trajtimin e çrregullimeve të komunikimit (dëmtimet e të folurit dhe gjuhës), çrregullimet njohëse të komunikimit, çrregullimet e zërit dhe çrregullimet e gëlltitjes.

Logopedët gjithashtu luajnë një rol të rëndësishëm në diagnostikimin dhe trajtimin e çrregullimit të spektrit të autizmit (shpesh në një ekip me pediatër dhe psikologë).

Shih gjithashtu

• Belbëzimi
• Disleksia
• Psikologjia
• Pedagogjia speciale

Literatura

• Fisher SE, Scharff C (2009). "FOXP2 as a molecular window into speech and language". Trends Genet. 25 (4): 166–77. doi:10.1016/j.tig.2009.03.002. PMID 19304338. {{cite journal}}: Mungon ose është bosh parametri |language= (Ndihmë!)
• "Discussion Meeting Issue 'Language in developmental and acquired disorders: converging evidence for models of language representation in the brain' - Table of Contents". Royal Society Publishing. 2014. Marrë më 31. 12. 2013. {{cite web}}: Mungon ose është bosh parametri |language= (Ndihmë!); Shiko vlerat e datave në: |accessdate= (Ndihmë!)
• Nelson HD, Nygren P, Walker M, Panoscha R (2006). "Screening for speech and language delay in preschool children: systematic evidence review for the US Preventive Services Task Force". Pediatrics. 117 (2): e298–319. doi:10.1542/peds.2005-1467. PMID 16452337. {{cite journal}}: Mungon ose është bosh parametri |language= (Ndihmë!)
• Howell, Peter (2011). Recovery from stuttering. New York: Psychology Press/Taylor Francis Group. ISBN 978-1-84872-916-2. OCLC 814245820. {{cite book}}: |ref=harv i pavlefshëm (Ndihmë!); Mungon ose është bosh parametri |language= (Ndihmë!)