Kërceni tek përmbajtja

Luiz Ejlli

Nga Wikipedia, enciklopedia e lirë
Luiz Ejlli
Lindi12 korrik 1985 (39 vjeç)
Shkodër, Shqipëri
PrejardhjaDukagjin, Shqipëri
Profesioni
  • Këngëtar
  • muzikant
  • personazh televiziv
  • aktor
Vitet aktive2004–aktualisht
Bashkëshorti/ja
​
(m. 2023)​

Luiz Ejlli (lindur më 12 korrik 1985) është këngëtar, kantautor,[1] aktor, ish-diplomat dhe personalitet televiziv. Ejlli fitoi edicionin e 44-të të Festivalit të Këngës duke përfaqësuar kështu Shqipërinë në Eurovision 2006. Pas shumë vitesh mungesë në muzikë, ai mori famë të jashtëzakonshme për pjesëmarrjen e tij në sezonin e dytë të Big Brother Albania VIP në Top Channel, ku ai fitoi vendin e parë. Në 2010, Ejlli u caktua si Sekretar i Parë për Kulturë dhe Turizëm në Ambasadën Shqiptare të Francës.

Jeta personale

[Redakto | Redakto nëpërmjet kodit]

Luiz Ejlli lindi më 12 korrik 1985 në Shkodër të Shqipërisë. Ai studioi në shkollën e mesme artistike "Prenk Jakova" në Shkodër për muzikë në instrumentin e fagotit nga viti 1991 deri në 2002. Debutimi i tij artistik ishte në edicionin e parë të programit Ethet e së Premtes Mbrëma (varianti shqip i programit Idol), ku u rendit ndër pesë më të mirët. Në edicionin e dytë të programit, ai fitoi çmimin e parë. Vijoi pjesëmarrja e tij në Festivalin e Këngës 43 me këngën "Hëna dhe Yjet Dashurojnë" ku u rendit i dyti. Ai mori pjesë sërish në Festivalin e Këngës 44 me këngën "Zjarr e ftohtë", që fitoi garën dhe me të cilën përfaqësoi Shqipërinë në Festivalin Evropian të Këngës 2006.[2] Kënga nuk kaloi fazën e gjysmëfinales.[3]

Në nëntor 2010, Ejlli bashkëpunoi me Juliana Pashën në këngën "Sa e Shite Zemrën", me të cilën garuan në garën Kënga Magjike dhe fituan.[4][5] Po atë vit, Ejlli u caktua nga Qeveria e Shqipërisë si ataché në rolin e Sekretarit të Parë për Kulturë dhe Turizëm për Ambasadën Shqiptare në Paris.[6]

Më 24 dhjetor 2022, Ejlli mori pjesë në sezonin e dytë të programit të realitetit Big Brother VIP Albania (varianti i Big Brother ku merr pjesë estrada shqiptare). Gjatë kësaj periudhe që qëndroi në shtëpi, ai inçizoi këngën "Me ty"[7] të kushtuar prezantueses televizive Kiara Tito, bashkëpjesëmarrëse në garë, dhe e lëshoi më 14 shkurt 2023 në Ditën e Shën Valentinit. Më 6 maj 2023, Ejlli doli si fituesi i sezonit të dytë. Po atë mbrëmje, Ejlli dhe Tito u martuan në transmetim të drejtpërdrejtë televiziv.[8]

Pas pjesëmarrjes dhe fitores në sezonin e dytë të BBVA, Ejlli luajti rolin e Besit në filmin romantiko-komedik Në Kuadër të Dashurisë.[9]

Jeta personale

[Redakto | Redakto nëpërmjet kodit]

Ejlli u martua gjatë finales së sezonit të dytë të programit të realitetit Big Brother VIP Albania me prezantuesen Kiara Tito. Çifti ka një fëmijë me emrin Luna Mari.[10]

Pjesëmarrja në festivale

[Redakto | Redakto nëpërmjet kodit]
Data Kënga konkurruese Festivali
dhjetor 2004 "Hëna dhe Yjet Dashurojnë" Fest 43
shtator 2005 "Mëngjes" Mikrofoni i Artë 2005
dhjetor 2005 "Zjarr e Ftohtë" Fest 44 (çmimi i parë)
maj 2006 Eurovision 2006
shtator 2006 "Për Një Vajzë që Di të Dojë"[a] Mikrofoni i Artë 2006
dhjetor 2008 "Një Jetë"[b] Fest 47
nëntor 2010 "Sa e Shite Zemrën" Kënga Magjike 2010 (çmimi i parë)
shtator 2011 "Iluzion" Netët e Klipit
dhjetor 2013 "Kthehu" Fest 52
dhjetor 2015 "Pa Mbarim" Fest 54
dhjetor 2017 "Ra një Yll"[c] Fest 56

Shënime:

  1. ^ Si akt krahas Rudit dhe XXL-it.
  2. ^ Bashkë me Juliana Pashën.
  3. ^ Bashkë me Rezarta Smajën.

Filmografia

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ "Kantautori shkodran Luiz Ejlli nuk arrin të gjejë më femra të sinqerta...e pohon vetë". ShkodraWeb. Marrë më 12 qershor 2023.
  2. ^ "Kai i Alvanía tha ekprosopitheí apó..." Και η Αλβανία θα εκπροσωπηθεί από... [Dhe Shqipëria do të përfaqësohet nga...] (në greqisht). Forthnet. 19 dhjetor 2005. Arkivuar nga origjinali më 28 korrik 2011. Marrë më 25 maj 2010.
  3. ^ "Eurovision Song Contest 2006", Wikipedia (në anglisht), 2023-02-19, marrë më 2023-02-27
  4. ^ mateo (2023-01-14). ""Koha sekretin do ta zbulojë"/ Çfarë thotë Juliana Pasha për Luiz Ejllin (Video)". BoldNews.al (në anglishte amerikane). Marrë më 2025-03-18.
  5. ^ "Kënga Magjike, fitojnë Juliana Pasha dhe Luiz Ejlli". Telegrafi. 2010-11-21. Marrë më 2025-03-18.
  6. ^ "Dhendri i Topallit emerohet Sekretar i Pare ne Ambasaden Shqiptare ne Paris". Shqiperia. Marrë më 2025-03-18.
  7. ^ Luiz Ejlli - Me Ty (Official Video), marrë më 2023-03-23
  8. ^ "Martohen Luizi dhe Kiara, më në fund puthja e shumëpritur". Ora News. 1 shkurt 2023. Marrë më 18 mars 2025.
  9. ^ Top Channel Films [@topchannelfilms] (27 qershor 2023). "Aktorët që janë pjesë e filmit "Në kuadër të dashurisë"…" – nëpërmjet Instagram.
  10. ^ ""Kam botën këtu"- Me Lunën në krah Luiz Ejlli flet për planet për një fëmijë tjetër. Ja kuptimi i emrit të vogëlushes". Gazeta Shqiptare Online. 1 maj 2024. Marrë më 18 mars 2025.

Referime

[Redakto | Redakto nëpërmjet kodit]
  1. Luiz Ejlli takohet me Kevin Jacobs, fituesin e Big Brother Kanada, Lokimagazine.com, marrë më 26 shkurt, 2024.
  2. Më i suksesshëm filmi i tyre apo i Borës dhe Donaldit? Ja çfarë thotë Luiz Ejlli, Lokimagazine.com. marrë më 26 shkurt, 2024.
  3. Eksperti e zbulon, kjo është shifra e “frikshme” që Luiz Ejlli fiton nga reklamat, Lokimagazine.com. marrë më 26 shkurt, 2024.
  4. Luiz Ejllin dhe Kiara Titon i gjeni tashmë edhe në libër, ja si quhet (Foto), Lokimagazine.com. marrë më 26 shkurt, 2024.
  5. Nga fotot te karriera, njihuni me Luiz Ejllin ndër vite!, Lokimagazine.com. marrë më 26 shkurt, 2024.

Lidhje të jashtme

[Redakto | Redakto nëpërmjet kodit]
Çmimet dhe arritjet
Parardhësi 
Ledina Çelo
me "Tomorrow I Go" 		Shqipëria në Festivalin Evropian të Këngës
2006 		Pasardhësi 
Frederik Ndoci
me "Hear My Plea"
Marrë nga "https://sq.wikipedia.org/w/index.php?title=Luiz_Ejlli&oldid=2773143"