Marin Myftiu
.jpg)
Marin Myftiu është dizajner shqiptar i specializuar në fushën e dizajnit të produktit dhe transportit. Ai ka studiuar elektronikë në Institutin Harry T. Fultz në Tiranë, arkitekturë në Fakultetin e Inxhinierisë Ndërtimore dhe dizajn transporti në Istituto d’Arte Applicata e Design (IAAD) në Torino. Në karrierën e tij ka punuar në projekte të ndryshme që lidhin dizajnin industrial me teknologjinë dhe inovacionin.
Ndër punimet më të njohura të tij janë koncepti i veturës elektrike Jaguar XKX (Xtreme KinematiX), i cili përfshin zgjidhje të avancuara aerodinamike dhe teknologji për gjenerimin e energjisë, si dhe biçikleta konceptuale nCycle, e zhvilluar në bashkëpunim me Skyrill, e cila dallon për dizajn minimalist dhe elementë funksionalë të integruar. Ai është autor edhe i projekteve si Smart Guide, një sistem për menaxhimin e kabllove, dhe koncepti U.DTR, që kombinon karakteristikat e një kompjuteri stacionar dhe laptopi.[1] [2]
Myftiu ka realizuar gjithashtu interpretime të reja të modeleve ikonike automobilistike, të publikuara në media të njohura si Yanko Design dhe Designboom. Ai mban postin e Krye-Dizajnerit në kompaninë italiane NCS Company në Carpi, ku merret me dizajn, prototipizim dhe kërkim e zhvillim. Portofoli i tij është i pasqyruar gjerësisht në platformën Behance dhe rrjetet sociale.[3]
Referime
[Redakto | Redakto nëpërmjet kodit]- 1 2 "The nCycle is Here". Yanko Design (në anglishte amerikane). 2014-08-29. Marrë më 2020-09-29.
- ↑ "Core77 Design Awards 2013 Honorees: Transportation, Part Two". Core77 (në anglisht). 2013-08-20. Marrë më 2020-10-05.
- ↑ "Huracan City Rover by Marin Myftiu and Team, Albania | Michelin Challenge Design" (në anglishte amerikane). Arkivuar nga origjinali më 22 shtator 2023. Marrë më 2020-10-05.