Marrëdhëniet mes Shqipërisë dhe Çadit

Marrëdhëniet Shqipëri-Çad

Shqipëria	Çadi

Shqipëria dhe Çadi kanë vendosur marrëdhënie diplomatike në vitin 2008.

Marrëdhëniet politike

Që nga formimi i marrëdhënieve diplomatike, delegatë shqiptarë e çadianë kanë zhvilluar takime, mbledhje, konferenca e samite të përbashkëta me qëllim forcimin e thellimin e marrëdhënieve politike, ekonomike e kulturore dhe bashkëpunim në sektorë e fusha të ndryshme në organizatat ku të dy vendet bëjnë pjesë. Më 7 maj 2008, Këshilli i Ministrave i Shqipërisë miratoi dërgimin e trupave në Çad në Afrikën qendrore, si pjesë e misionit të Bashkimit Evropian në atë vend. “Shqipëria po zgjeron në këtë fazë shumë të rëndësishme praninë e saj në operacionet ndërkombëtare paqeruajtëse”, tha Kryeministri Sali Berisha. Misioni paqeruajtës i Bashkimit Evropian është vendosur në Çad për të shuar frikën e një lufte të plotë në një vend të shkatërruar nga dekada tensionesh midis veriut kryesisht arabo-mysliman dhe jugut kryesisht të krishterë dhe animist, dhe së fundmi nga një përhapje e dhunës nga rajoni i Darfurit i shkatërruar nga konflikti në Sudanin fqinj. Qeveria është zotuar gjithashtu për një kontingjent trupash paqeruajtëse për të shërbyer si pjesë e misionit të Kombeve të Bashkuara në Liban dhe se kjo do të rrisë praninë ushtarake të vendit në Afganistan. “Motoja jonë, si vend, ka qenë të jemi të pranishëm kudo që është NATO dhe BE”, shtoi Berisha. Shqipëria kishte trupa të vendosura si pjesë e misioneve të udhëhequra nga Shtetet e Bashkuara në Afganistan dhe Irak. Në Irak, Shqipëria mbante një kontingjent prej 120 trupash jo-luftarake, aktualisht të stacionuar në Aeroportin e Mosulit. Së bashku me Kroacinë, Shqipëria u ftua të bashkohej me NATO-n në samitin e Bukureshtit në prill të atij viti. Më 7 prill 2009, Shqipëria dërgoi misionin e dytë ushtarak në Çad, këtë herë si një vend anëtar i NATO-s. Gjashtëdhjetë e tre ushtarë shqiptarë u nisën për t'u bashkuar me një forcë të udhëhequr nga Bashkimi Evropian në Çad. Misioni i parë u kthye në muajin mars të vitit 2009 pas një misioni gjashtëmujor që ndihmonte në mbrojtjen e refugjatëve nga rajoni Darfur i Sudanit. Refugjatët u strehuan në kampe pranë kryeqytetit të Çadit, N'Djamena. Shqipëria kishte kontingjente të vogla trupash në Bosnje dhe Afganistan, ku ishte zotuar të rrisë mbështetjen e tyre. Trupat shqiptare do të shoqëronin konvojet dhe personalitetet, do të mbronin objekte të veçanta dhe do të siguronin bazën ushtarake. Sipas Ministrit të Mbrojtjes, Gazmend Oketa, ushtria duhej të merrte pjesën më të madhe të meritave për arritjen e anëtarësimit të vendit në NATO. Më 10 qershor 2014, në një raport të publikuar nga Instituti Ndërkombëtar i Paqes, tregohet se gjatë viteve të formimit të marrëdhënieve me Çadin, Shqipëria ka kontribuar në misione paqëruajtëse në Çad si vend anëtar i NATO-s, me qëllim vendosjen e stabilitetit politik në vend. Gjithashtu, Shqipëria ka kontribuar në sigurinë kombëtare në Çad, duke dërguar delegatë shqiptarë në Çad për të diskutuar me delegatë çadianë, e duke biseduar në mënyrë të ndërsjelltë me ta me qëllim angazhimin e ruajtjes së qëndrueshmërisë të njëtrajtshme dhe të gjithanshme shtetërore në Çad.

Marrëdhëniet ekonomike

Të dy vendet eksportojnë mallra dhe shërbime te njëri tjetri. Tregtia e importeve eksporteve përfshin industrinë ushqimore dhe pijet, industrinë mekanike, industrinë elektrike, industrinë elektronike, industrinë e hekurit, industrinë e drurit, industrinë minerale, industrinë tekstile si dhe industrinë inerte.

Shiko edhe

• Marrëdhëniet e jashtme të Shqipërisë