Myezini

Myezini duke e thirrur Ezanin prej minares

Myezini (turqisht: müezzin nga arabishtja: مؤذن‎‎, muʾaḏḏin) është personi i caktuar për të thirrur ezanin për çdo namaz. Posti i myezinit është me shumë rëndësi, sepse bashkësia mvaret prej thirrjes së tij për rendin e faljes siç duhet.

Roli dhe përgjegjësitë

Myezini përzgjidhet pas karakterit të tij të mirë, zërit dhe aftësisë për të shërbyer në xhami. Megjithatë, myezini nuk është ulema. Gjatë thirrjes së ezanit, myezini drejtohet kah Kibla, në drejtim të Qabes në Mekë.

Këndimi i myezinit

Thirrja e myezinit në falje çmohet si një formë arti, i cili pasqyrohet në këndimin melodioz të ezanit. Në Turqi mbahet për çdo vit një ndodhi për të gjetur myezinin më të mirë në vend.