Olimpo

Olimpo
Zhanri	Dramë adoleshentësh Dramë sportive Mister
Krijuar nga	Jan Matheu Laia Fogue Ibai Abad
Në role kryesore	Clara Galle Nira Oshaia Agustín Della Corte Nuno Gallego María Romanillos Andy Duato Najwa Khliwa Juan Perales Martí Cordero Jesús Rubio Melina Matthews
Kompozitori/ja	Pablo Borghi
Shteti i origjinës	Spanjë
Gjuha origjinale	Spanjisht
Nr. i sezoneve	1
Nr. i episodeve	8
Prodhimi
Producentët ekzekutivë	Ruben Goldfarb Xavier Toll
Producenti/ja	Antonio Asensio
Kamera	Carlos Garcés Miquel Prohens
Montazherët	Irene Blecua Ascen Marchena
Konfigurimi i kamerës	Single-camera
Kohëzgjatja	42–53 minuta
Kompania prodhuese	Zeta Producciones
Publikimi origjinal
Rrjeti	Netflix
Publikimi	20 qershor 2025 (2025-06-20)

Olimpo (titulli origjinal, në spnjsh.: Olympo) është një serial spanjoll dramatik për adoleshentë, krijuar dhe shkruar nga Jan Matheu, Laia Foguet dhe Ibai Abad për Netflix. Seriali zhvillohet në Qendrën Pirineos për Performancë të Lartë, një shkollë fiktive elitare trajnimi, që pret sportistët e rinj më premtues në vend, dhe fokusohet në marrëdhëniet e tyre ndërpersonale ndërsa konkurrojnë për të fituar marrëveshje prestigjioze dhe fitimprurëse sponsorizimi me markën globale të modës Olimpo, duke u përpjekur të dëshmojnë veten si më të mirët në sportet që kanë zgjedhur. Sezoni i parë u publikua më 20 qershor 2025.

Premisa

Historia përqendrohet te Amaja, kapitenia e ekipit kombëtar të Spanjës në notin artistik. E motivuar, e disiplinuar dhe vazhdimisht e rreptë me veten, Amaja tronditet kur shoqja e saj më e mirë dhe bashkëlojtarja, Nuria, e tejkalon papritur në performancë. Teksa përhapet fjala për përmirësime "të pashpjegueshme" në qendrën stërvitore, Amaja dhe bashkëmoshatarët e saj detyrohen të përballen me anën më të errët të ambicies. Pyetja në zemër të serialit: sa larg janë të gatshëm të shkojnë për të arritur majat?

Aktorët dhe personazhet

Kryesorë

• Clara Galle si Amaja Olaberria, një notare artistike e talentuar dhe tepër konkurruese
• Nira Oshaia si Zoe Moral, një heptatloniste dhe e sapoardhur në QPL, që fsheh një sekret
• Agustín Della Corte në rolin e Roke Perez, një lojtar regbi dhe homoseksual
• Nuno Gallego si Kristjan Delajave, i dashuri i Amajas dhe anëtar i ekipit të regbis
• María Romanillos si Nuria Borges, ish-mikesha më e mirë, partnere në duet dhe më vonë rivale e Amajas
• Andy Duato si Renata Aguilera, një heptatloniste
• Najwa Khliwa si Fatima Amazian, anëtare e ekipit të notit artistik
• Juan Perales si Sebas Sendon, një anëtar i pasur dhe konfliktual i ekipit të regbis
• Martí Cordero si Çarli Lago, lojtar regbi dhe miku më i ngushtë i Sebasit
• Jesús Rubio si Iker Delajave, vëllai i madh dhe i suksesshëm i Kristjanit
• Melina Matthews si Hana Kastro, një përzgjedhëse që punon për Olimpo dhe ish-medaliste olimpike që është stërvitur në QPL

Të përsëritur

• Vicenta Ndongo si Izabela Duran, drejtoresha e Qendrës Pirineos për Performancë të Lartë
• Alexandra Prokhorova si Svetlana Rominova, trajnerja e ekipit të notit artistik
• Mario de la Rosa si Havier Montes, trajneri i ekipit të regbis
• Juan López-Tagle si Hakobo Fuentes, trajneri i ekipit të heptatlonit
• Nicolás Furtado si Hugo Teikseira, një përzgjedhës që punon për markën Olimpo
• Chos si Pepa Grasia, fizioterapiste në QPL
• Gleb Abrosimov si Diego Sorokov, notar në QPL
• Alberto Ávila si Miki, anëtar i ekipit të heptatlonit
• Laura Moray si Xhenifer Pina, çikliste në QPL me një lidhje të veçantë me Zoen
• Laura Ubach si Peke, anëtare e ekipit të notit artistik
• Nerea Mazo si Klaudia Tur, çikliste në QPL dhe shoqe e Xheniferit
• Ismael Fritschi si Ganter Bronstejn, pronar i një kabine pranë QPL-së ku sportistët shkojnë për të festuar
• Fanny Gautier si Jolanda Medina, drejtoreshë e Agjencisë Spanjolle Anti-Doping

Produksioni

Xhirimet për serialin filluan zyrtarisht më 23 korrik 2024, së bashku me njoftimin e aktorëve kryesorë. Traileri i parë për serialin u publikua më 29 prill 2025.

Episodet

Sezoni 1 (2025)

Nr. gjithsej	Titulli	Regjia	Skenari	Data e transmetimit origjinal
1	"Kjo nuk është në nivel olimpik" (Esto no es nivel olímpico)	Marçal Forés	Ibai Abad, Laia Foguet, and Jan Matheu	qershor 20, 2025 (2025-06-20)
Zoe rekrutohet për të ndjekur Qendrën Pirineos për Performancë të Lartë dhe, me hezitim, pranon të bashkohet me ekipin e heptatlonit. Ajo njeh Nurian, një notare artistike që po rikuperohet nga një dëmtim në shpatull, e cila i bën një guidë të qendrës dhe ia prezanton shoqen e saj më të mirë dhe partnere në duet, Amajan, bashkë me grupin e tyre të gjerë shoqëror. Përfaqësues nga marka globale e modës Olimpo mbërrijnë në QPL për të dhënë bursa fitimprurëse për disa prej sportistëve. Zoe has vështirësi të përshtatet me mjedisin e ri dhe vendoset në skuadër me Renatën, e cila nuk e pranon dhe nuk i flet fare. Nëna e Amajas, një ish-sportiste e dështuar, e këshillon të shkëputet nga Nuria sepse po e tërheq poshtë, dhe pretendon se ajo ka gënjyer për dëmtimin për të shkuar me pushime. Nuria refuzon t'i tregojë të vërtetën Amajas, ndërsa kjo e fundit nis të testojë vajza të tjera për ta zëvendësuar atë në duet. Gjatë stërvitjes në regbis, Kristjani rrezikon të dëmtohet dhe trajneri i thotë se performanca e tij është nën nivel dhe se duhet të largohet nga QPL-ja. Hugoja, një nga përfaqësuesit e Olimpo-s, takohet fshehurazi me Nurian, e cila e paralajmëron se Amaja mund t'i ketë zbuluar. Zoe përfiton një nga sponsorizimet e Olimpo-s, duke shkaktuar zemërimin dhe zilinë e sportistëve të tjerë. Rokeja lidhet fshehurazi me notarin Diego, i cili nuk dëshiron ta bëjë publike lidhjen e tyre. Amaja zbulon që Pekeja është duke përdorur doping (substanca të ndaluara), por pranon të mos ia thotë trajnerit. Pasi Rokeja shfryn te Kristjani për zhgënjimin ndaj Diegos, Kristjani poston një foto të Rokes dhe Diegos bashkë. Zoe përpiqet të largohet nga QPL-ja, por bindet nga Hugoja të qëndrojë. Nuria mëson se Amaja po përpiqet ta zëvendësojë dhe e tejkalon atë gjatë një seance stërvitjeje para të gjithëve. Por më pas humbet ndjenjat, dhe Zoe bashkë me Amajan hidhen në pishinë për ta shpëtuar.
2	"Qaj ose fito" (Llorar o ganar)	Marçal Forés	Ibai Abad, Laia Foguet, and Jan Matheu	qershor 20, 2025 (2025-06-20)
Nuria dërgohet në infermieri dhe Amaja u thotë mjekëve të bëjnë analizë për substanca në sistemin e saj. Rokeja merr komente urrejtjeje pas publikimit të fotos me Diegon, i cili e godet me grusht në fytyrë. Ai gjithashtu shkarkohet nga roli i kapitenit të ekipit të regbit në favor të Çarlit, por trajneri refuzon t'i japë një arsye. Kristjani i thotë Amajas se po largohet, dhe ajo e kritikon për mungesën e përpjekjes në stërvitje dhe për mënyrën se si kjo do të ndikojë në imazhin e saj. Zoe shtiret sikur dëmton kyçin e këmbës për të shmangur stërvitjen, dhe përballet me Amajan për faktin që e ka shtyrë shumë Nerian. Më vonë, ajo largohet nga QPL-ja dhe ndiqet nga Renata, e cila e paralajmëron se qëndrimi i saj mund ta kushtojë me humbjen e sponsorizimit dhe përjashtimin. Zoe zbulon se duhet të qëndrojë në QPL për të shmangur mundësinë që të përfundojë në burg. Amaja tronditet kur sheh Nerian të pavetëdijshme, me Hugon që i mban dorën. Vëllai i Kristjanit, Ikert, vjen ta marrë nga QPL-ja dhe e qorton për dobësinë e tij. Rokeja e dëgjon Xheniferin duke u përpjekur të bindë Klaudian të përdorë substanca të ndaluara. Pas një raundi intensiv sparringu, ai i rrëfen Amajas se mendon që Sebasi mund të jetë homoseksual. Në një festë, Amaja e quan Zoen mashtruese dhe ajo ia kthen duke e akuzuar për gjendjen në të cilën ndodhet Nuria. Sebasi përpiqet të kryejë marrëdhënie me Zoen, por nuk arrin të eksitohet, dhe ajo e siguron se nuk ka problem. Renata filmon ekipin mjekësor duke marrë Nurian me helikopter.
3	"Jo përsëri" (Otra vez no)	Daniel Barone	Ibai Abad, Laia Foguet, and Jan Matheu	qershor 20, 2025 (2025-06-20)
Ekipi i regbit udhëton për të luajtur një seri ndeshjesh kualifikuese në Torino, ku Rokeja vazhdon të përballet me ngacmime dhe mbetet jashtë formacionit titullar. Kur zëvendësohet në fushë dhe ndihmon në fitimin e ndeshjes, ai flet për homofobinë në media. Më vonë, ai dhe Sebasi kanë marrëdhënie intime. Zoe rifillon kontaktet me Xheniferin, ish-të dashurën e saj, dhe i tregon se nuk dëshiron të qëndrojë në QPL pas vdekjes së shoqes së saj Jaiza në një aksident makine që ajo shkaktoi. Ajo pranon se ndihet e lodhur gjithë kohën. Trajneri i thotë Zoes se Renata duhet të ndalojë konkurrimin, por nuk jep detaje të mëtejshme. Amaja përpiqet të zbulojë ku është dërguar Nuria, por Izabela njofton se ajo është marrë në shtëpi dhe se aksidenti i saj ishte për shkak të nivelit të ulët të sheqerit në gjak. Nëna e Nurias shmang kërkesën e Amajas për t'u takuar me të. Amaja kërcënon Peken, Klaudian dhe Xheniferin, të cilat mohojnë se i kanë dhënë ndonjë drogë Nurias, dhe i sjell shqetësimet për dopingun Izabelës, e cila refuzon të ndërmarrë masa. Renata i tregon Amajas videon që ka marrë natën e kaluar, dhe më pas ndjek Xheniferin dhe e sheh duke i dhënë droga Zoes. Ajo thërret Agjencinë Anti-Doping për të bërë një raport.
4	"Më mirë të ndalesh këtu" (Es mejor que te detengas aquí)	Daniel Barone	Ibai Abad, Laia Foguet, and Jan Matheu	qershor 20, 2025 (2025-06-20)
Kristjani kthehet, duke thënë se i është lejuar të rikthehet në ekip pas një periudhe intensive stërvitjeje me Ikerin. Ai dhe Amaja bien dakord ta rindërtojnë marrëdhënien e tyre, megjithëse Fatima vazhdon të flirtojë me të. Agjencia Anti-Doping mbërrin për të mbledhur mostra nga sportistët, dhe Xheniferi u tregon të gjithëve se Amaja ishte përgjegjëse për thirrjen e tyre, përpara se të përjashtohet nga QPL-ja pasi rezulton pozitive në testin për doping. Shumë nga mostrat e tjera gjithashtu rezultojnë pozitive, por njëra nga mjeket e QPL-së rrëfehet se ajo ishte ajo që kontaktoi agjencinë. Izabela largohet për të shmangur ndjekjen penale. Rokeja dhe Amaja dyshojnë se Kristjani mund të ketë përdorur substanca për të rritur forcën në një kohë kaq të shkurtër, por ai tregohet mbrojtës dhe testi i tij del negativ, për habinë e tij. Amaja refuzon të kërkojë falje dhe ai i jep fund lidhjes. Rokeja fiton sponsorizimin e dytë nga Olimpo. Zoe largohet për të shmangur testimin, por kapet më vonë dhe rezultatet tregojnë vetëm praninë e THC-së brenda niveleve të lejuara. Agjencia Anti-Doping gjen droga në dollapin e Amajas dhe i thonë se, megjithëse Izabela u dha një adresë të rreme, ata zbuluan se Nuria ndodhet në Andorrë. Amaja ndan bindjen e saj se Izabela e ka fshehur të vërtetën për atë që ndodhi me Nurian, por agjencia e injoron këtë dhe e skualifikon atë nga garat.
5	"Ty nuk mund të të thotë njeri asgjë" (A ti no se te puede decir nada)	Ibai Abad	Ibai Abad, Laia Foguet, and Jan Matheu	qershor 20, 2025 (2025-06-20)
Izabela arrestohet dhe Hana, një nga përzgjedhësit e Olimpos, bëhet drejtoresha e re e QPL-së dhe vendos një rregull të ri me tolerancë zero, duke instaluar kamera sigurie dhe një orar ndalese (curfew) për sportistët. Amaja pretendon se Olimpo i dha Rokes sponsorizimin sepse është homoseksual. Hana sjell një ekip dokumentar për të ndjekur udhëtimin e ekipit të regbit drejt Kupës së Botës, ku ekipi mohon çdo homofobi dhe fillon të ndiejë xhelozi për vëmendjen që i jepet Rokes. Në një festë të fshehtë, Kristjani i tregon Fatimas se ai ka fituar bursën e fundit nga Olimpo. Sebasi flet me Zoen, e cila e këshillon se fshehja e seksualitetit të tij do t'i shkaktojë vetëm dhimbje, dhe më vonë ai pajtohet me Roken. Renata dehet dhe i rrëfen Zoes se është interseks dhe nuk mund të konkurrojë më për shkak të efekteve që ka trajtimi për uljen e testosteronit në trupin e saj. Amaja gjen një çelës për sirtarin e Nurias, ku zbulon se ajo do të sponsorizohej nga Olimpo. Në këmbim të heqjes së sanksioneve nga Agjencia Anti-Doping, Amaja informon Hanën për vendndodhjen e festës, dhe Policia arreston shpërndarësin e drogës përgjegjës për epideminë e dopingut në QPL. Më vonë, Amaja e sheh Kristjanin duke bërë seks me Fatimën. Zoe hallucinon Jaizën gjatë stërvitjes dhe bie pa ndjenja, duke e shtyrë Hanën ta quajë mashtruese dhe të insistojë që ajo të largohet nga ekipi i heptatlonit. Dora e Rokes thyhet nga Çarli gjatë stërvitjes dhe i thuhet se nëse luan në Kupën e Botës, rrezikon të dëmtohet përgjithmonë.
6	"Gjithmonë ke qenë e preferuara ime" (Siempre has sido mi favorita)	Ibai Abad	Ibai Abad, Laia Foguet, and Jan Matheu	qershor 20, 2025 (2025-06-20)
Zoe, Kristjani dhe Rokeja dërgohen në selinë qendrore të Olimpo-s në Andorrë, ku prezantohen para mediave si brezi i ardhshëm i yjeve elitare të sportit. Amaja bën që Çarli t'i ndjekë dhe shtiret si Nuria për të fituar hyrje në ndërtesë. Pas një përballjeje me Kristjanin dhe përpjekjeve të dështuara për të gjetur Nurian, të cilën ajo beson se mbahet në objekt, siguria e nxjerr jashtë. Jana vazhdon të këmbëngulë se Zoe nuk është "material për Olimpo-n", dhe Hugo i tregon Zoes se ai e mbrojti nga kapja për doping nga AAD-ja dhe se ajo duhet ta marrë seriozisht sponsorizimin e saj. Ikeri ia kalon Kristjanit gjatë një sesioni fotografik dhe një interviste. Hugoja i thotë Rokesë se mund t'ia rregullojnë dorën dhe ta lejojnë të luajë në Kupën e Botës. Ekipi mjekësor i Olimpos i bën Zoes një punksion të palcës së kockës kundër vullnetit të saj dhe, ndërsa përpiqet të arratiset, ajo gjen Nurian që mbahet aty, por detyrohet të ikë para se të mund të flasin. Hugo i ofron Amajas një marrëveshje sponsorizimi dhe ajo e pranon. Kur grupi kthehet në QPL, Amaja sheh Nurian duke u stërvitur në pishinë.
7	"Quhen taktika" (Se llaman tácticas)	Ana Vázquez	Ibai Abad, Laia Foguet, and Jan Matheu	qershor 20, 2025 (2025-06-20)
Amaja e pyet Nurian për atë që i ndodhi, por ajo mbetet e paqartë me insistimin e Hugos. Jana ushtron pushtetin e saj në QPL duke pushuar nga puna staf afatgjatë, përfshirë trajnerin e Zoes dhe fizioterapistin e Rokesë. Fatima shpallet kapitenia e re e ekipit të notit artistik dhe ndahet nga Kristjani, gjë që e shtyn atë të pajtohet me Amajan. Pasi e poshtëron gjatë stërvitjes, Ikeri plagoset nga Kristjani, ndërsa Nuria e tejkalon Amajan në pishinë. Ekipi i dokumentarit planifikon të zbulojë marrëdhënien e Rokesë me Sebasin dhe Hugoja e kërcënon Rokenë që të mos kundërshtojë. Kristjani i tregon Amajas se Olimpo i ka injektuar diçka për të cilën i thanë se do t'i rriste masën muskulore, por ai nuk e di se çfarë ishte. Nuria mohon se e ka parë ndonjëherë Zoen në Andorrë dhe i thotë se injeksioni është i pazbulueshëm dhe u mundëson të mposhtin atletët e tjerë. Pasi dëgjon këtë, Amaja i shpreh Zoes se ndien sikur e gjithë jeta e saj ka qenë humbje kohe nëse Olimpo mund të përdorë droga për t'i kthyer njerëzit në kampionë. Kur transmetohet traileri i dokumentarit, Çarli përdor gjuhë homofobike ndaj Rokesë dhe Sebasit, kështu që Rokeja e rreh brutalisht përpara se të rrëzohet ndërsa gjaku i rrjedh nga dora e thyer.
8	"Amaja ka gjithmonë të drejtë" (Amaia siempre tiene razón)	Ana Vázquez	Ibai Abad, Laia Foguet, and Jan Matheu	qershor 20, 2025 (2025-06-20)
Jana organizon prova për të përcaktuar se cilët atletë do të garojnë në kampionatet botërore të notit artistik dhe atletikës. AAD-ja informon Janën se planifikon të kryejë analiza gjaku te garuesit, gjë që shkakton panik te ajo dhe Hugoja. Mjekët e Olimpos e sigurojnë Hugon se Rokeja është mirë, por shprehin shqetësime për vazhdimin e punës së tyre; megjithatë ai i urdhëron të injektojnë Zoen. Ajo refuzon dhe Hugoja e përjashton nga QPL-ja, pavarësisht se ka fituar garën e 800 metrave në heptatlon. Rokeja i thotë Hugos se trajtimi i ka mpirë çdo ndjesi në trup. Kristjani heq dorë nga Olimpo dhe nga Ikeri për shkak se e mashtruan. Nëna e Amajas e qorton atë për mungesë disipline dhe për faktin se është shpërqendruar nga obsesioni i saj me dopingun në QPL. Amaja e shtyn Fatimën nga shkallët që të mund t'i zërë vendin në duetin e kampionatit me Nurian. Atletët vendosin ta raportojnë Olimpon për eksperimentet që ka kryer mbi ta dhe Zoe i dorëzon AAD-së një mostër të drogës që vodhi nga klinika e tyre. Gjatë garës, Amaja performon në mënyrë të jashtëzakonshme, duke lënë të kuptohet se ajo e ka marrë injeksionin, dhe menjëherë më pas rrëzohet në pishinë.

Lidhje të jashtme

• Olimpo në Netflix
• Olimpo në IMDb
• Olimpo në Metacritic
• Olimpo në Rotten Tomatoes