Organizata e Kombeve të Bashkuara

Nga Wikipedia, enciklopedia e lirë
Shko te: navigacion, kërko
Flamuri i OKB-së

Organizata e Kombeve të Bashkuara (shkurt: OKB), është themeluar pas Luftës së Dytë Botërore me qëllim forcimin e bashkëpunimit midis shteteve të botës, zhvillimin ekonomik dhe ruajtjen e paqes në botë. Qendra e OKB-së është në Gjenevë, ndërsa aktivitetet i zhvillon në qendrën e selisë në Nju Jork, SHBA.

Sekretari i përgjithshëm aktual është Ban Ki-moon.

OKB është organizata më e madhe në botë e cila për qëllim ka sigurinë ndërkombëtare, zhvillimin ekonomik dhe barazinë sociale. Ajo u formua në vitin 1945 me iniciativën e shteteve fituese të Luftës së Dytë Botërore (ShBA, Kina, Anglia, Bashkimi Sovjetik dhe Franca) dhe zëvendësoi Ligën e Shteteve e cila ishte formuar në vitin 1919 por nuk ishte tregua efektive për mënjanimin e Luftës së Dytë Botërore. Në fillim në OKB u anëtarësuan vetëm shtetet fituese dhe neutrale të Luftës së Dytë Botërore, por më pas u anëtarësuan edhe shtetet e tjera si Gjermania e Japonia mes tjerash. Fluksi më i madh i anëtarësimit në OKB ishte gjatë viteve 1950-60 kur kolonitë e vjetra u çliruan dhe formuan shtete të pavarura. Sot OKB ka 192 shtete anëtare.

Struktura e sistemit[redakto | redakto tekstin burimor]

  • Asambleja e Përgjithshme e OKB-së, Nju Jork
  • Këshilli i Sigurimit të OKB-së, Gjenevë
  • Këshilli Ekonomik dhe Social i OKB-së
  • Këshilli i Mirëbesimit i OKB-së
  • Sekretariati i OKB-së
  • Gjykata Ndërkombëtare e Drejtësisë, Hagë

Asambleja e Përgjithshme[redakto | redakto tekstin burimor]

Të gjitha shtetet anëtare të OKB-së janë të përfaqësuara ne Asamblenë e Përgjithshme. Ky organ seancat i mban të rregullta nga shtatori deri në dhjetor dhe në të diskutohen problemet e ndryshme globale. Vendimet e rëndësishme te cilat merren ne Asamblenë e Përgjithshme duhet të vendosen nga 2/3 e shumicës kurse ato më pak të rëndësishme vendosen me sistemin 50%+1 dhe çdo anëtare ka të drejtën e një vote. Të gjitha vendimet e këtij organi njihen si Rezoluta.

Këshilli i Sigurimit[redakto | redakto tekstin burimor]

Red right arrow.svg
 Artikulli kryesor: Këshilli i Sigurimit i OKB-së.

Këshilli i Sigurimit i OKB-së është ndër organet më të rëndësishme të Organizatës së Kombeve të Bashkuara, që ka për detyrë mirëmbajtjen e paqes dhe sigurisë në mes të kombeve. Vendimet e këtij organi quhen rezoluta dhe janë të obligueshme. Këshilli i Sigurimit ka pasur takimin e parë në janar 1946. KS mund të përdor edhe forcë në konflikte të armatosura, por të gjitha shtetet permanente duhet të jenë dakord.

Këshilli Ekonomik dhe Social[redakto | redakto tekstin burimor]

Këshilli Ekonomik e Social është përgjegjës për problemet ekonomike, sociale, kulturore, humanitare për të gjithë komunitetin botëror. Veprimtaria e tij zhvillohet për vendet më pak të zhvilluara përmes organeve të specializuara të OKB, si: UNDP (Program për Zhvillimin e Kombeve të Bashkuara), UNHCR (Komisioni i Lartë i Kombeve të Bashkuara për Refugjatët), UNICEF (Fondacioni Ndërkombëtar i Fëmijëve në nevojë), UNESCO (Organizata e Kombeve të Bashkuara për Arsimin, Shkencë e Kulturën).

Këshilli i Kujdestarisë[redakto | redakto tekstin burimor]

Eshte nje organ i suprimuar ne kuadrin e OKB. Ai konsiderohej si teper efektiv ne vitet 60 - 70 gjate kalimit nga sistemi i kolonizimit ne fitimin e pavaresise ne vendet e Afrikes dhe Azise.

Sekretariati[redakto | redakto tekstin burimor]

Sekretariati përbëhet nga Sekretari i Pergjithshëm e sekretarët e tjerë dhe ndjek veprimtarine e gjithë organeve të tjera. Sekretariati zgjidhet një here në çdo pesë vjet nga Asambleja mbi bazën e propozimit te Këshillit të Sigurimit

Gjykata Ndërkombëtare e Drejtësisë[redakto | redakto tekstin burimor]

Gjykata ndërkombëtare e ka qendrën në Hagë dhe përbëhet nga 15 gjyqëtarë që zgjidhen nga Asambleja. Si organ juridik, OKB ka detyrë të vendosë për probleme te ndjeshme.

Shiko dhe këtë[redakto | redakto tekstin burimor]

Lidhje të jashtme[redakto | redakto tekstin burimor]


Organizata e Kombeve të Bashkuara (OKB) Flamuri i OKB-së
Sistemi i OKB-së: Asambleja e PërgjithshmeKëshilli i SigurimitKëshilli Ekonomik dhe SocialKëshilli i MirëbesimitSekretariatiGjykata Ndërkombëtare e DrejtësisëShtetet anëtareVëzhguesit
Rezolutat e OKB-së: Rezoluta e Asamblesë së PërgjithshmeRezoluta e Këshillit të Sigurimit