Përdoruesi diskutim:KKTK
Shto temëKjo faqe këtu është vetëm për diskutim mbi përdoruesin KKTK. Wikipedia nxit diskutimin mes vullnetarëve të saj dhe nuk do të censurojë komente bazuar në pikëpamjet ideologjike ose politike. Wikipedia nuk do t’i ndryshojë komentet. Ato ose do të publikohen, ose do të fshihen nëse nuk u binden rregullave kryesore.
|
Të gjitha komentet u nënshtrohen këtyre rregullave:
|
Këshilli i Kosovës për Trashëgimi Kulturore
Në pajtim me të Ligjin për Trashëgiminë Kulturore nr. 02/88 /2006, bazuar në nenin 4 të këtij ligji, në bazë të vendimit të Kuvendit të Kosovës nr. 02-3865-1/07 dhe të Përfundimit të Kryesisë së Kuvendit të Republikës së Kosovës, nr. 03-P-074/k, të dt. 18.02.2009, dhe me qëllim të përcaktimit të rregullave të organizimit, funksionimit dhe të fushëveprimtarisë së Këshillit të Kosovës për Trashëgimi Kulturore të Republikës së Kosovës, më datën 17.03.2009, u miratua kjo:
RR E G U LL O R E PËR PUNËN E KËSHILLIT TË KOSOVËS PËR TRASHËGIMI KULTURORE
Kreu I Dispozitat e përgjithshme
Neni 1 Kjo rregullore përcakton organizimin dhe funksionimin e Këshillit të Kosovës për Trashëgimi Kulturore (më tej: Këshilli), të themeluar nga Kuvendi i Republikës së Kosovës.
Neni 2
2.1. Këshilli, bazuar në këtë ligj, është organ profesional i pavarur, i cili ka për qëllim drejtimin, koordinimin dhe zhvillimin e trashëgimisë kulturore nëpërmjet funksionalizimit të sistemit ligjor dhe bërjes së strukturës menaxhuese integruese efikase për studim, vlerësim, mbrojtje, konservim/restaurim, prezantim dhe shfrytëzim të trashëgimisë kulturore, në pajtim me norma, parime dhe standarde ndërkombëtare.
2.2. Anëtarët e Këshillit emërohen nga Kuvendi i Republikës së Kosovës, në pajtim me Ligjin për Trashëgiminë Kulturore.
Neni 3
Këshilli bashkëpunon me Kryeministrinë, me Ministrinë e Kulturës, Rinisë dhe Sportit, me Ministrinë e Mjedisit dhe Planifikimi Hapësinor, me Ministrinë e Arsimit, Shkencës dhe Teknologjisë, me Ministrinë e Jashtme, me Ministrinë e Tregtisë dhe Industrisë dhe me institucionet e tjera lokale, kombëtare dhe ndërkombëtare.
Kreu II
PËRBËRJA E KËSHILLIT TË KOSOVËS PËR TRASHËGIMI KULTURORE
Neni 4
4.1 Këshilli përbëhet nga ekspertë me përvojë nga fusha e trashëgimisë kulturore.
4.2 Këshilli përbëhet prej 7 anëtarëve, të cilët zgjidhen për një mandat tre (3) vjeçar, me mundësi të rizgjedhjes, duke respektuar përbërjen etnike të Kosovës 4.3 Këshilli zgjedh kryetarin dhe nënkryetarin e Këshillit, me shumicë votash. 4.4 Mbledhjet i udhëheq kryetari i Këshillit, ndërsa në mungesë të tij/saj nënkryetari ose i autorizuari i tij/saj.
Kryetari i Këshillit
Neni 5
5.1 Kryetari i Këshillit për punën e Këshillit i përgjigjet Kuvendit të Republikës së
Kosovës.
5.2 Mandati i kryetarit zgjat 3 (tre) vjet. 5.3 Kryetari kujdeset për mirëvajtjen e punës së Këshillit. 5.4 Thërret dhe kryeson mbledhjet e Këshillit. 5.5 Lëshon urdhëresë për zbatimin e planit financiar. 5.6 E përfaqëson Këshillin para personave të tretë. 5.7 Nënshkruan vendimet, konkluzat dhe procesverbalet e Këshillit. 5.8 Kryen edhe punë të tjera të cilat janë në interes të Këshillit.
Nënkryetari i Këshillit
Neni 6
6.1 Mandati i nënkryetarit zgjat 3 (tre) vjet. 6.2 Nënkryetari e zëvendëson kryetarin në rast të mungesës së tij/saj.
Sekretariati
Neni 7
7.1 Sekretariati i Këshillit përbëhet nga Udhëheqësi ekzekutiv, Sekretari dhe Njësia Operative. 7.2 Sekretariatin e zgjedh Këshilli, përmes procedurave të rekrutimit, sipas rregulloreve
të Kuvendit të Republikës së Kosovës.
7.3 Sekretariati punon në bazë të rregullores përkatëse.
Udhëheqësi ekzekutiv
Neni 8
8.1 Udhëheqësi ekzekutiv i përgjigjet kryesuesit të Këshillit dhe udhëheq Njësinë Operative. 8.2 Është përgjegjës për zbatimin e të gjitha vendimeve të Këshillit. 8.8 Kryen edhe punë të tjera sipas nevojave të Këshillit. 8.9 Sekretari për punën e vet i përgjigjet kryetarit të Këshillit.
Njësia Operative
Neni 9
9.1 Sekretari dhe Njësia Operative kryen punët administrative të Këshillit, përgatit
materialet për mbledhje, harton procesverbalet, vendimet, planin financiar dhe
projektet e Këshillit. Në çdo mbledhje të Këshillit mbahen procesverbalet, të cilat
ruhen në arkivin e shërbimit të administratës dhe për të përgjigjet sekretari.
9.2 Njësia Operative përbëhet nga personeli i përhershëm dhe i kualifikuar, me
përfaqësim të barabartë të komuniteteve dhe të gjinive.
9.3 Sekretari dhe Njësia Operative i përgjigjet Udhëheqësit ekzekutiv të Këshillit.
.
Kuorumi
Neni 10
10.1 Kuorumin e përbën pjesëmarrja e më shume se gjysmës se anëtarëve të Këshillit. 10.2 Vendimi është i plotfuqishëm nëse një çështje përkrahet nga shumica e anëtarëve të
pranishëm.
Humbja e statusit të anëtarit të Këshillit
Neni 11
Anëtari i Këshillit mund ta humb statusin e anëtarit të Këshillit nëse: 11.1 Dënohet për vepër penale. 11.2 Mungon në tre takime radhazi, pa arsye, gjatë vitit. 11.3 Heq dorë personalisht, duke kërkuar shkarkim nga autoriteti që e ka emëruar. 11.4 Nuk e respekton Kodin Civil të Mirësjelljes.
Burimet financiare
Neni 12
Burimet financiare të Këshillit përbëhen nga: 12.1 Buxheti i Konsoliduar i Republikës së Kosovës për Këshillin e Kosovës për
Trashëgimi Kulturore.
12.2 Donacione nga persona apo institucione publike dhe private të çdo lloji, brenda apo
jashtë vendit, të depozituara drejtpërdrejtë në llogari të Këshillit.
12.3 Burime të tjera të ligjshme. 12.4 Çdo fond apo pasuri që do t’i shtohet Këshillit në të ardhmen do të bëhet në bazë të
dispozitave të ligjit të aplikueshëm në Kosovë.
12.5 Çështjet materiale dhe financiare të Këshillit menaxhohen sipas rregulloreve për
planifikim dhe shpenzim të Buxhetit të Konsoliduar të Kosovës.
12.6 Këshili ka llogarinë e vet bankare.
Kreu III
DETYRAT E KËSHILLIT
Neni 13
Këshilli i Kosovës për Trashëgimi Kulturore kryen detyrat vijuese:
13.1 Përpilon strategjinë kombëtare dhe përcakton prioritetet në fushën e trashëgimisë
kulturore, si dhe inicion veprime kërkimore dhe studime shkencore e teknike.
13.2 Ndërmerr masa për përparimin dhe kompletimin e infrastrukturës ligjore, të kuadrit
profesional, shkencor, teknik, administrativ dhe financues, të nevojshme për
identifikim, studim, mbrojtje, konservim/restaurim, prezantim dhe shfrytëzim të
trashëgimisë kulturore.
13.3 Përcakton masat e domosdoshme për mbështetje financiare të trashëgimisë
kulturore për secilin vit nga Kuvendi i Kosovës, nё pajtim me Ligjin për
Trashëgiminë Kulturore.
13.4 Përfaqëson dhe prezanton trashëgiminë kulturore të Republikës së Kosovës në vend
dhe jashtë.
13.5 Promovon vlerat e trashëgimisë kulturore të Kosovës dhe të diversitetit të saj,
përmes bashkëpunimit kombëtar dhe ndërkombëtar.
13.6 Përcakton/ripërcakton kriteret dhe procedurat e vlerësimit, të klasifikimit, të
sistemimit dhe të shpalljes nën mbrojtje me ligj të objekteve, të tërësive, të
komplekseve dhe të mjediseve/zonave të trashëgimisë materiale dhe shpirtërore.
13.7 Përcakton dhe zbaton formën e unifikuar të përnjohjes, identifikimit, evidentimit,
dokumentimit, krijimit të sistemit të informimit dhe të mirëmbajtjes së regjistrit
dhe kartografimit digjital të trashëgimisë arkeologjike, arkitekturore, të luajtshme
dhe shpirtërore.
13.8 Miraton Listën e Objekteve të Trashëgimisë Kulturore për mbrojtje të përhershme,
të propozuar nga Ministria e Kulturës, Rinisë dhe Sportit dhe nga Ministria e
Planifikimit Hapësinor (zonat rrethuese).
13.9 Rishikon, plotëson apo refuzon objektin e trashëgimisë kulturore të propozuar për
mbrojtje të përhershme.
13.10 Përcakton/ripërcakton listën dhe hartën e trashëgimisë kulturore në rrezik. 13.11 Mbikqyr/inicon planet dhe zbatimin e konservimit/restaurimit dhe të menaxhimit të
integruar, duke përfshirë të gjithë aktorët.
13.12 Përcakton kriteret dhe procedurat për autorizim dhe leje të veprimeve hulumtuese,
konservuese/restauruese apo të veprimeve të tjera që ndërlidhen me trashëgiminë
kulturore.
13.13 Përcjell ndryshimet e gjendjes së trashëgimisë kulturore dhe bashkëpunon me
institucionet përkatëse për parandalimin e trafikimit të trashëgimisë kulturore të
luajtshme.
13.14 Themelon komision të pavarur për vlerësimin e kompensimit për ndonjë humbje
financiare në objektet e evidentuara që kanë karakter të mbrojtjes së përkohshme.
Sipas nevojës formon edhe komisione të tjera.
13.15 Inicon programe për ngritje të kuadrit multisektorial, si dhe për zhvillim të
programeve mësimore për trashëgiminë kulturore në të gjitha nivelet shkollore dhe
akademike.
13.16 Siguron bashkëpunim ndërministror, me struktura komunale, me shoqërinë civile
dhe me popullatën.
13.17 Zhvillon politika të finacimit, të nxitjes së investimeve dhe të sigurimit të granteve. 13.18 Siguron mjete apo donacione për raste të veçanta të zbulimit të ndonjë lokaliteti, ku
ka nevojë për ndërhyrje me karakter shpëtimi, si dhe për blerjen e objekteve të
luajtshme me vlera trashëgimore.
13.19 Inicion krijimin e Fondit Nacional për Trashëgimi Kulturore. 13.20 Harton/shqyrton analiza për gjendjen e trashëgimisë kulturore dhe ndërmerr masa
përkatëse.
13.21 Fton ekspertë për konsultime dhe ekspertiza profesionale. 13.22 Planifikon, shqyrton dhe miraton programin dhe raportin e punës së tij. 13.23 Planifikon, shqyrton dhe miraton planin e veprimit dhe raportin e punës njëvjeçare. 13.24 Propozon buxhetin e Këshillit për miratim në Kuvendin e Republikës së Kosovës. 13.25 Shqipton masa për anëtarët e Këshillit dhe i propozon Kuvendit shkarkimin dhe
zgjedhjen e anëtarit të Këshillit.
13.26 Takohet sipas nevojës, së paku një herë në muaj.
Vula dhe logoja Neni 14 Këshilli e ka vulën dhe logon e tij të përcaktuar nga Këshilli.
Periudhat e Raportimit dhe Viti Financiar
Neni 15
15.1. Këshilli paraqet raporte vjetore para Kuvendit të Kosovës ose kurdoherë që
kërkohet prej tij.
15.2. Viti financiar i Këshillit do të përputhet me vitin kalendarik.
Kreu IV Dispozitat përfundimtare Neni 16 Propozimi për ndryshimin ose plotësimin e kësaj rregulloreje mund të bëhet me vendimin e shumicës së anëtarëve të Këshillit.
Dispozita e hyrjes në fuqi Neni 17 Kjo rregullore e punës hyn në fuqi pas miratimit nga Këshilli i Kosovës për Trashëgimi Kulturore dhe pas nënshkrimit nga kryetari i Këshillit.
Kjo Rregullore është miratuar nga Këshillit të Kosovës për Trashëgimi Kulturore në mbledhjen e datës 17.03.2009.
Nis një diskutim me KKTK
Faqet e diskutimit janë faqet ku njerëzit diskutojnë se si ta bëjnë përmbajtjen e Wikipedia sa më të mirë të jetë e mundur. Fillo një diskutim të ri për t'u lidhur dhe bashkëpunuar me KKTK. Ajo që Stampa:GEND: këtu do të jetë publike për të tjerët.