Pema e Jeniçerëve

Nga Wikipedia, enciklopedia e lirë
Jump to navigation Jump to search
Pema e Jeniçerëve
AutoriJason Goodwin
Titulli origjinalThe Janissary Tree
PërkthyesiFari Laçka
GjuhaShqip (Origjinali në Anglisht)
Seria1
Botuesi
Botimi2006
Botimi shqip2013
Faqe332
ISBN978-9928-152-09-1
Pasuar ngaGuri i gjarpërit

Pema e jeniçerëve, një nga romanët më të bukur historik të shkruar vitet e fundit, nga historiani dhe shkrimtari i njohur anglez Jason Goodwin,është perkthyer në 40 gjuhë të ndryshme,duke perfshirë edhe atë shqipe. Protagonisti kryesorë është detektivi osman Jashim.

Ngjarja[Redakto | Redakto nëpërmjet kodit]

Gjithë historia e Pemës së jeniçerëve bazohet në një ngjarje të vërtetë. Në qershor të vitit 1826, sulltani Mahmud II shpërbën dhe vret mijëra prej trupave jeniçere që dikur kishin qenë elita e forcave ushtarake të Perandorisë Osmane, por që me kalimin e kohës ishin kthyer në elementë turbullues dhe kishin dalë jashtë kontrollit të sulltanit. Dhjetë vjet më vonë, trupat e reja të modernizuara sipas modelit perëndimor, të cilat zëvendësuan jeniçerët, duhet të paraqesin para njerëzve disa manovra dhe taktika ushtarake gjatë një parade. Dhjetë ditë para kësaj ngjarjeje, katër nga oficerët zhduken. Njeri prej tyre gjendet i vdekur. Kryekomandanti ia beson detyrën për të zgjidhur këtë mister Jashimit. Ndërkohë vritet konkubina e re e sulltanit dhe vidhen edhe xhevahiret e nënës së tij. Jashimi duhet të hetojë tri raste të ndryshme në të njëjtën kohë. Për shkak të këtij misioni, këmba e Jashimit shkel në vende të ndryshme si: ambasada, xhami dhe nëpër rrugët e rrugicat e Stambollit. Për të zgjedhur këto vrasje, Jashimi kërkon ndihmën e ambasadorit polak dhe gruas së ambasadorit rus. Ai zbulon se rastet kanë lidhje me njëri–tjetrin dhe përfshijnë jo vetëm intrigën për hakmarrje nga ana e jeniçerëve të mbetur gjallë dhe të fshehur diku, por edhe luftën për pushtet midis eunukëve të pallatit dhe orvatjet pa fund të ushtarakëve për demokratizimin e jetës, shoqërisë dhe vendit. Në libër permendet edhe figura te famshme shqiptare,Ali Pashë Tepelena dhe karakteri luftarak i popullit shqiptarë.[1]

Vlersime[Redakto | Redakto nëpërmjet kodit]

Në vitin 2007, libri Pema e Jeniçerëve është nderuar me çmimin Edgar Allan Poe [2] për novelën më të mirë të vitit.

Referimet[Redakto | Redakto nëpërmjet kodit]

  1. ^ ""Pema e jeniçerëve": Ali Pasha një luan në oborrin e sulltanit". Arkivuar nga origjinali origjinali më 30 tetor 2013. Marrë më 28 mars 2014. Mungon ose është bosh parametri |language= (Ndihmë!)
  2. ^ http://www.theedgars.com/edgarsDB/index.php