Jump to content

Polakiuria

Nga Wikipedia, enciklopedia e lirë

Polakiuria (e njohur edhe si urinim i shpeshtë) është një shenjë klinike e karakterizuar nga lëshimi me frekuencë të lartë të sasive të vogla të urinës. Bëhet fjalë për gjendjen klinike karakterizuar nga nevoja për të urinuar më shpesh se zakonisht. Shkaku më i zakonshëm i urinimit të shpeshtë për gratë dhe fëmijët është një infeksion i traktit urinar. Shkaku më i zakonshëm i frekuencës së urinimit tek meshkujt e moshuar është hipertrofia beninje e prostatës (një prostatë e zmadhuar).

Urinimi i shpeshtë është i lidhur me episode urgjence urinare, pra nevoja e papritur për të urinuar. Shpesh shoqërohet, por jo domosdoshmërisht, me mosmbajtje urinare dhe poliuri (çlirimi i një vëllimi të madh urine në 24 orë). Megjithatë, në shumicën e rasteve, polakiuria shkakton jashtëqitje sasish normale urine.

Përkufizimi[Redakto | Redakto nëpërmjet kodit]

Numri normal i urinimeve në ditë ndryshon sipas moshës së pacientit. Te fëmijët e vegjël, për shembull, urinimi 8 deri në 14 herë në ditë konsiderohet normale. Kjo frekuencë urinimi zakonisht ulet në rreth 6-12 herë në 24 orë për fëmijët më të rritur dhe më tej ulet në 4-6 herë në ditë tek adoleshentët.

Shkaqet[Redakto | Redakto nëpërmjet kodit]

Shkaqet më të zakonshme të urinimit të shpeshtë janë:

  • Cistiti intersticial
  • Infeksioni i traktit urinar (UTI)
  • Hiperplazia beninje e prostatës (veçanërisht tek meshkujt e rritur ose të moshuar)
  • Inflamacion/ infeksion uretral
  • Inflamacion/infeksion vaginal
  • Përdorimi i barnave diuretike

Shkaqet më pak të zakonshme të urinimit të shpeshtë përfshijnë:

  • Përdorimi i alkoolit
  • Pije që përmbajnë kafeinë
  • Ankthi ose reagime të tjera të forta emocionale, për shembull trauma psikike
  • Shtatzania
  • Obeziteti
  • Diabeti mellitus në kontroll të dobët metabolik
  • Kanceri i fshikëzës
  • Tumori i rajonit të legenit
  • Gurët në veshka
  • Sindroma e fshikëzës tepër aktive
  • Barnat psikiatrike (p.sh. clozapine)
  • Radioterapia në legen
  • Goditja cerebri
  • Sëmundje të tjera të trurit ose të sistemit nervor qendror dhe periferik
  • Hiperkalciuria

shtatzëni dhe te njerëzit obezë, mekanizmi i mundshëm etiologjik lidhet me goditjen mekanike të organeve të brendshme ndaj fshikëzës.

Diagnoza[Redakto | Redakto nëpërmjet kodit]

Diagnostikimi i shkakut themelor kërkon një vlerësim të kujdesshëm dhe të plotë. Në përgjithësi, testet që duhen kryer për të përjashtuar shkaqet e mundshme të listuara më sipër përfshijnë: një analizë të plotë të urinës, urinokulturë, citologji urinare në tre mostra, një ekzaminim urodinamik duke përfshirë cistometrinë dhe një studim të presionit dhe rrjedhës së fshikëzës, cistoskopinë, ekzaminimin me ultratinguj të veshkave dhe traktie urinar me vlerësimin e stagnimit të urinës në fshikëz pas urinimit, dhe ndonjëherë disa teste specifike që verifikojnë funksionalitetin e sistemit nervor periferik.

Mjekimi[Redakto | Redakto nëpërmjet kodit]

Mjekimi ndryshon sipas shkakut të polakiurisë. Në disa raste mund të jetë e nevojshme të merren antibiotikë dhe anti-inflamatorë ose qetësues për të lehtësuar çrregullimin.

Artikuj të lidhur[Redakto | Redakto nëpërmjet kodit]

Poliuria