Portet e Shqipërisë
Portet kryesore e Shqipërisë janë në Durrës, Shëngjin, Vlorë dhe Sarandë.[1]
Portet në bregdetin shqiptar kanë funksionuar që në kohët e lashta, si në Dyrrah, Ulqin, Tivar, Aulonë (Vlorë), Apoloni, Onhezmi (Sarandë) etj. Gjatë periudhës së principatave u ngritën skela të vogla kryesisht në grykat e lumenjve në Shirgj (Bunë), Shëngjin, Shufada (Mat), Rodon, Bashtovë (Shkumbin), Pirg dhe Spinaricë, zhvillimi i të cilave u frenua gjatë periudhës së pushtimit osman.
Gjatë viteve 1928-1934 u ndërtua porti detar i Durrësit dhe disa pontile druri në Sarandë, Vlorë e Shëngjin, të cilat u shkatërruan gjatë Luftës së Dytë Botërore.
Portet kryesore
[Redakto | Redakto nëpërmjet kodit]Porti i Shëngjinit
[Redakto | Redakto nëpërmjet kodit]Porti i Shëngjinit ndodhet në veriperëndim të Shqipërisë, rreth 8 km nga qyteti i Lezhës. Nga qershori i vitit 2009 është aktivizuar linja e tragetit Shëngjin - Bari i Italisë. Ky fakt e shndërron portin edhe në vendkalim kufitar duke bërë të nevojshme ndërtimin e terminalit për trajtimin e udhëtarëve dhe trageteve, stacionimin e policisë kufitare dhe doganave. Qeveria shqiptare e ka caktuar atë të Shëngjinit si portin preferencial për Republikën e Kosovës.
Porti i Durrësit
[Redakto | Redakto nëpërmjet kodit]Porti i Durrësit ndodhet në Shqipërinë e mesme. Ky është porti me i madh dhe i rëdësishëm i vendit dhe shërben si vendkalim kufitar që në kohë të hershme. Ka lidhje trageti të përditshme me portin e Barit dhe lidhje disa ditë në javë me portet e Ankonës dhe Triestes në Itali. Nga viti 1945 deri në vitin 1952, u rindërtua porti i Durrësit dhe disa kalata betoni në Vlorë, Sarandë e Shëngjin. Gjatë bregdetit Jon janë ndërtuar kalata e pontile në gjirin e Spilesë në Himarë dhe në Sasaj. Porti kryesor i vendit mbetet ai i Durrësit.
Porti i Vlorës
[Redakto | Redakto nëpërmjet kodit]Porti i Vlorës është porti i dytë më i madh në Shqipëri dhe ndodhet në jug të Shqipërisë. Ka lidhje trageti të rregullta me portin e Brindizit në Itali.
Porti i Sarandës
[Redakto | Redakto nëpërmjet kodit]Porti i Sarandës është porti i katërt në Shqipëri dhe ndodhet në jug të vendit. Ka lidhje trageti me ishullin e Korfuzit në Greqi.
Portet e karburanteve
[Redakto | Redakto nëpërmjet kodit]Porto Romano
[Redakto | Redakto nëpërmjet kodit]Porti i karburanteve MBM gjendet në Porto Romano, Durrës.[2]
Petrolifera
[Redakto | Redakto nëpërmjet kodit]Porti i karburanteve Petrolifera Italo Albanese Sh.A. gjendet në Gjirin e Vlorës.[3]
Portet tjera
[Redakto | Redakto nëpërmjet kodit]Porti i Himarës
[Redakto | Redakto nëpërmjet kodit]Porti i Himarës ndodhet në jug të Shqipërisë në rrethin e Vlorës. Ndonjëherë shërben si vendkalim kufitar pasi aty mbërrijnë dhe nisen anije turistike nga Korfuzi i Greqisë.
Statistika
[Redakto | Redakto nëpërmjet kodit]| Porti | Volumi i mallrave të përpunuara
(2021) |
Trafiku i pasagjerëve
(2021) |
|---|---|---|
| ton | gjithsej | |
| Durrës | 6,191,738 | 688,586 |
| Vlorë | 121,743 | 101,017 |
| Shëngjin | 226,309 | |
| Sarandë | 63,791 | |
Shih edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ↑ Ibrahimi, Krenar (dhjetor 2009). "Albanian Port Sector and the Corridor VIII". researchgate.net (në anglisht). Marrë më 11 gusht 2022.
{{cite web}}: Mirëmbajtja CS1: Gjendja e adresës (lidhja) - ↑ "About - Location". Porti MBM. Marrë më 2022-08-11.
- ↑ "PIA". www.gruppopir.com (në anglisht). Marrë më 2022-08-11.
{{cite web}}: Mirëmbajtja CS1: Gjendja e adresës (lidhja) - ↑ "Transporti Detar – Instituti i Transportit". Marrë më 2022-08-11.
{{cite web}}: Mirëmbajtja CS1: Gjendja e adresës (lidhja)