Rogova

Nga Wikipedia, enciklopedia e lirë
Jump to navigation Jump to search
Rogova
Fshat
Vendndodhja
Rogova is located in Kosova
Rogova
Rogova
Administrimi
Shteti Flamuri Kosovë
Komuna Gjakovë
Kryetari i Komunës Ardian Gjini
Të dhëna dhe statistika
Krahina etnografike/gjeografike Has
Lartësia 306 m (m.n.d.)
Zona Kohore UTC+1
Verore UTC+2
Koordinatat 42° 19′ 46″ Veri

20° 34′ 47″ Lindje

Rogova është një vendbanim në komunën e Gjakovës, Kosovë.

Rogova është njëra ndër fshatërat më të mëdha në Kosovë. Numëron afro 7000 banorë dhe 850 shtëpi. Shtrihet në pjesën Jug-perëndimore të Dukagjinit. Ndodhet 15 km larg prej Gjakovës në magjistralen Gjakovë-Prizren.

Rogova eshte nje fshat i cili ka një pozicion gjeografik shumë të përshtatshëm, i cili shtrihet në anën e Hasit, përkatësisht në rajonin jugperëndimor të Kosovës, Drinin e Bardhë, i cili kalon shumë afër tij, duke pasur parasysh atë si një vend tipik me karakteristika shumë të mira bujqësore dhe të frytshme. Rogova njihet si një territor i banuar në një periudhë të hershme, 2.500 vjet e vjetër, që e bën këtë vend të lashtë dhe tipik Ilir, ku gjurmimet arkeologjike të bëra në vitin 1972, e vërtetuan këtë. Fshati Rogovë është i kufizuar me fshatra të tjera: Romajën, Ujzin, Pnishin, Muhadrin, dhe në Anadrini me Xërxën, Fortesën, Celinën, Krushën e Madhe, etj.

Hyrja e Rogovës prehet prej Drinit të Bardhë në anën e djathtë të tij dhe mu aty gjendet pazari më i madh i asaj zone. Ky pazar ndodhë ditën e Premte dhe aty shitet gjithçka prej kafshëve deri tek veturat. Rogova përshkak të madhësisë që ka, posedon infrastrukturë tipike të një qyteze dhe posedon: shkollë fillore, shkollën e mesme, Postë, Bankë, Ambulantë, etj. Qendra e fshatit është shumë e frekuentuar, në dy anët e rrugëve ka kafiteri dhe dyçane të ndryshme. Peisazhin e Rogovës e pasuron Pashtriku i cili mbulon gjithë prapavijën. Të gjithë banorët e këtij fshati thirren me mbiemër të fisit e jo të kabiles ose të lagjes. Thuhet se ky fshat ishte mjaft i zhvilluar e këtë e dëshmojnë mbetjet e hamamit (banjat publike), xhamisë, si dhe mbetjet e Kullës së Pogës dhe Kamzës së Urës. Në pjesën qëndrore të Rogovës gjendet xhamia e shek.XVI, e cila quhet xhamia e Hasan Pashë Jemishxhiut. Gjatë viteve të fundit kjo xhami ka pasur disa renovime të cilat janë ndërmarrë prej vetë komunitetit. Enterieri i xhamisë ka dekor tipik, karakteristikë për të janë pllakat e gurit me mbishkrime arabe, mbetje nga xhamia e shekullit XVI.




Lidhje të jashtme[redakto | përpunoni burim]