Rrethi i 82-të çiklistik i Shqipërisë

Rrethi i 82-të çiklistik i Shqipërisë është edicioni i 82-të i garës tradicionale të çiklizmit rrugor në Shqipëri, i cili u zhvillua nga data 26 maj deri më 30 maj 2025. Gara përfshiu pesë etapa me një distancë totale prej 763 kilometrash, duke kaluar nëpër disa qytete kryesore të vendit .

Ky edicion shënoi një moment të veçantë për sportin shqiptar, pasi u zhvillua gjatë vitit të 100-vjetorit të themelimit të Federatës Shqiptare të Çiklizmit , themeluar në vitin 1925.

Pjesëmarrësit

Në këtë edicion morën pjesë 15 skuadra çiklistike, me gjithsej 96 sportistë nga Shqipëria dhe vende të ndryshme të botës. Çiklistët garuan si për renditjen individuale, ashtu edhe për atë ekipore.

Itinerari

Gara përbëhej nga pesë etapa që përfshinin një kombinim të terreneve të sheshta dhe me ngjitje malore. Më poshtë paraqiten të dhënat për secilën etapë:

• Etapa 1 (26 maj 2025): Tiranë – Rrëshen – Shkodër, 151 km

• Etapa 2 (27 maj 2025): Shkodër – Elbasan, 188 km (etapa më e gjatë)

• Etapa 3 (28 maj 2025): Elbasan – Vlorë, 149 km

• Etapa 4 (29 maj 2025): Vlorë – Himarë – Vlorë, 153 km (etapa më e vështirë me ngjitje të shumta)

• Etapa 5 (30 maj 2025): Vlorë – Fier, etapat përmbyllëse ku u shpallën fituesit e garës

Rëndësia

Rrethi Çiklistik i Shqipërisë është një nga garat më të vjetra të çiklizmit në Evropë, me edicionin e parë të zhvilluar në vitin 1925. Që nga viti 2017, është pjesë e kalendarit të UCI Europe Tour, në kategorinë 2.2, duke e renditur atë ndër garat ndërkombëtare me rëndësi për zhvillimin e çiklizmit profesionist në Shqipëri dhe rajon.

Gara ka një rol të rëndësishëm në promovimin e sportit, kulturës dhe turizmit shqiptar, si dhe në evidentimin e talenteve të reja në çiklizëm .