SHFMU "Gjon Serreçi", Ferizaj

Shkolla Fillore e Mesme e Ulët "Gjon Serreçi" Ferizaj
Vendndodhja
Ferizaj, Komuna Ferizaj Kosova
Të dhëna
Lloji	Shkollë publike

SHFM "Gjon Serreçi" është shkollë fillore dhe shkollë e mesme e ulët në Ferizaj, Komuna Ferizaj, Kosovë. Kjo shkollë është një nga institucionet arsimore më të mëdha në qytet, me rreth 2,500 nxënës dhe afro 150 mësimdhënës. Shkolla është themeluar në vitet 60 të shekullit të kaluar dhe ka një histori të pasur me një kontribut të ndjeshëm në edukimin e brezave të rinj në këtë komunë.

Historiku

Shkolla e tretë fillore u themelua  vitin 1960-61, në ndërtesën e Shkollës së nxënësve në ekonomi, e cila gjendej në Pjesën lindore të qytetit, në afërsi te  nxënësve  të  medresës, ku në këtë vend gjendej edhe mulliri, ne afërsi të stacionit hekurudhor.  Nxënësit erdhën nga Shkollat fillore" Tefik Çanga" dhe "Peko Tepavçeviq", nga  -  katër paralele.  Mësuesit e parë ishin: Petar Radunoviqi, Matej Serreçi,. Vera Katiniqi, Sylejman Riza, Sami Soveja etj. Drejtori parë kësaj shkolle ka qenë Ndoc Deda, ndërsa zëvendës drejtor Zagorka Vuçkoviqi. Ndihmës nëpunësi ishte Sveta  Katorçeviqi. Shkolla ka punuar në rangun e ciklit te ulet prej klasës I-IV. Pas skadimit të afatit të ish drejtorit, për drejtor të ri u emërua Lepka Sheshlia,  ndërsa për zëvendës Sami Sojeva dhe Mustafë Idrizi. Shkolla  kishte sekretarin  dhe arkëtarin e vet, funksion të cilin e kryente Veselinka Vishnjiq. Me rastin e  shtimit të numrit të nxënësve, prapë problem akut u bë lokali shkollor, prandaj  Kuvendi Komunal bëri një gjest human ku e liroi ndërtesën e ish normales dhe  kështu dukshëm u zbut problemi i lokalit shkollor, sepse në këtë shkollë gravitonin nxënësit e rajonit të tretë dhe te katërt të qytetit.  Mësimi zhvillohej në dy gjuhë: në Gjuhën Shqipe dhe serbokroate. Lirimi i ish  ndërtesës së shkollës normale është bërë në vitin 1963/64.Me migrimin e popullsisë nga fshatrat dhe nga terrenet e territorit te krahinës u arsyeshme q shkolla te zgjerohej dhe ta ketë ciklin e larte. Sipas te gjitha gjasave numri paraleleve ishte rritur shumë, prandaj kërkohej që edhe  kuadri profesional te rritej edhe te bëhej seleksionimi adekuat.  

Mësuesit e pare te shkollës kanë qenë: 1.Petar Radullovigi, i notuar, 2.Vukosava  Stojkoviqi, e notuar, 3.Aleksander Bullatovigi, i notuar, 4.Vera Katniqi, e notuar,  5.Antoneta Karahasani, e notuar, 6.Matej Serçi. i notuar, 7.Sami Soveja, i notuar, 8.Sylejman Riza, i notuar, 9.Jusuf Hyseni, i panotuar, 10.Huma Jusufi, e panotuar, 11.Emine Salihu, e panotuar.

Vjen të përmendet se mësuesit e panotuar kanë qenë të pakualifikuar, ndërsa ata të notuarit kanë qenë të kualifikuar dhe kanë qenë të notuar nga ana e lnspeksionit të Kuvendit Komunal, si notues i personelit arsimor.

Shih edhe

• Arsimi në Ferizaj
• Arsimi në Kosovë