Sevim Arbana

Nga Wikipedia, enciklopedia e lirë
Jump to navigation Jump to search

Sevim Arbana, lindur më 1951, është një nga aktivistet e para të lëvizjes demokratike në Shqipëri dhe themeluese e organizatës Useful to Albanian Women (UAW). Ajo është gjithashtu një aktiviste për të drejtat e njeriut që mbështet grupe në nevojë dhe ishte themeluese e lëvizjes për paqe, Gruaja Ura për Paqe dhe Mirëkuptim, në Ballkan.[1]


Biografia[Redakto | Redakto nëpërmjet kodit]

Ajo vjen nga një familje me histori aktivizmi. Në 1939 babai i saj u bashkua me Ushtrinë Çlirimtare e cila luftoi kundër Fashistëve Nazistë, pastaj u bashkua me Partinë e Legalitetit anti-komunizëm në 1943. Ai vuajti shumë si rezultat të besimeve të tij dhe u burgos si "armik i shtetit" për dhjetë vjet në Shqipërinë e Enver Hoxhës. Ndërsa Sevim u rrit, persekutimi që ajo dhe familja e saj pësuan nga qeveria rezultoi në vështirësi ekonomike dhe shoqërore, madje dhe vështirësi në dëshirën e saj për të ndjekur shkollimin në Shkollën e Arteve në Tiranë. Ajo jeton me moton "një botë tjetër është e mundur" dhe kur shikon historinë e saj dhe gjërat që ka arritur që atëherë, mund të shohësh mënyrën në të cilën kjo mantra ka ushqyer punën e saj.[2]

Aktivizmi[Redakto | Redakto nëpërmjet kodit]

Gjatë periudhës së tranzicionit drejt demokracisë, Sevim Arbana ishte një nga aktivistet e para të lëvizjes demokratike në Shqipëri. Në vitin 1993, ajo themeloi OJQ-në Useful to Albanian Women (UAW). Nën drejtimin e saj, shumë projekte të rëndësishme filluan që të merrnin jetë, duke përfshirë një qendër rehabilitimi për fëmijët e rrugës, një fushatë kundër trafikimit të vajzave dhe grave shqiptare, dhe Klubin e parë të Grave në Shqipëri. Si një aktiviste për të drejtat e njeriut, ajo mbështet gratë e margjinalizuara, fëmijët e varfër dhe të pastrehë dhe të moshuarit. Në 1997, ajo u zgjodh presidente e OJQ-së Forum, OJQ-ja e parë ombrellë në vend. Ndërtimi i një sere nga një OJQ e grave ishte ideja e saj,një ide që solli një mesazh të paqes në kohë lufte. Lulet u dhuruan dhe u shpërndanë si dhurata në koncerte dhe aktivitete. Gjatë luftës në Kosovë, organizata e saj mbështeti 3800 shqiptarë të Kosovës me ushqim, strehim dhe ndihma të tjera humanitare, dhe tregoi se gratë dinë të kombinojnë përkushtimin dhe profesionalizmin, thjeshtësinë dhe sinqeritetin në të gjitha veprimet e tyre. Pas përfundimit të luftës në Kosovë, duke bashkëpunuar me sukses me grupe të tjera feministe, Sevim Arbana së bashku me një mik dhe Woman in Black iniciuan Woman Bridge for Peace and Understanding” midis grupeve të ndryshme etnike në Serbi, Mal të Zi, Maqedoni, Kosovë dhe Shqipëri .[3]

Referim[Redakto | Redakto nëpërmjet kodit]

  1. ^ "Sevim Arbana (Albania) | WikiPeaceWomen – English". wikipeacewomen.org (në anglisht). Arkivuar nga origjinali origjinali më 22 shkurt 2020. Marrë më 2021-03-27.
  2. ^ Balkanista, The (29 prill 2018). "The Balkanista meets Sevim Arbana". The Balkanista (në anglisht). Marrë më 2021-03-27.
  3. ^ "Sevim Arbana (Albania) | WikiPeaceWomen – English". wikipeacewomen.org (në anglisht). Arkivuar nga origjinali origjinali më 22 shkurt 2020. Marrë më 2021-03-27.