Shefqet Bruka

Nga Wikipedia, enciklopedia e lirë
Jump to navigation Jump to search
Shefqet Bruka 1963 - jeton
Kryetar i Këshillit të Qarkut Kukës 2007-2011

Emri: Shefqet
Mbiemri: Bruka
Lindi më: 1 janar 1963
Vendlindja: Kukës
Profesioni: Politikan

Jeta e hershme dhe fillimet në politikë[redakto | përpunoni burim]

Lindi në vitin 1963, në fshatin Resk të Ujmishtit në Kukës. Arsimin fillor e kreu në fshatin e tij të lindjes, ndërsa atë të mesëm në qytetin e Kukësit. U diplomua në Universitetin e Tiranës në vitin 1986, Fakulteti i Mjekësisë, dega stomatologji. Punoi fillimisht në Poliklinikën e Kukësit. U transferua në fshatin Kalis të Kukësit, si doktor i qendrës shëndetësore atje. Në janar të vitit 1991, i bashkohet Partisë Demokratike, dhe zgjidhet përfaqësues i Ujmishtit në degën e Kukësit. Në vitin 1994 zgjidhet Kryetar i Degës së PD, Kukës.

Kryetar i Këshillit të Rrethit Kukës, 1996-2000[redakto | përpunoni burim]

Pas zgjedhjeve vendore të 20 Tetorit 1996, Shefqet Bruka u zgjodh Kryetar i Këshillit të Rrethit Kukës. Mandati i tij rastisi me një ndër periudhat më të vështira në historinë e Kukësit, me trazirat që shpërthyen në Mars të '97, dhe krizën e Kosovës në vitet '98-'99. Lufta në Kosovë kulmoi me bombardimet e NATO-s mbi ushtrinë serbe. Në shenjë hakmarrjeje, serbët dëbuan nga trojet e tyre rreth një milionë shqiptarë, e afro 200 mijë prej tyre gjetën strehë në Kukës. Bruka bashkërendoi punën e Kombeve të Bashkuara me qeverinë shqiptare në dhënien e ndihmës ndaj refugjatëve. Ishte në kontakt të vazhdueshëm me aktorët politikë ndërkombëtarë dhe ata vendas. Pas përfundimit të luftës propozoi kandidimin e Kukësit për çmimin Nobel për paqe. Në vitin 2000 si përfaqësues i Unionit të Drejtuesve të Pushtetit Lokal propozoi ndërtimin e rrugës Durrës-Kukës deri në kufi me Kosovën, pasi plani fillestar e dërgonte rrugën deri në Pukë. Pas përfundimit të mandatit, Bruka punoi pranë disa organizatave ndërkombëtare, SFD dhe UNDP/AMAE.

Kryetar i Këshillit të Qarkut Kukës 2007-2011[redakto | përpunoni burim]

Pas zgjedhjeve vendore të vitit 2007, Shefqet Bruka u zgjodh Kryetar i Këshillit të Qarkut Kukës. U bë nxitës i projekteve të zhvillimit në Qarkun e Kukësit të tilla si programi i zhvillimit ndërkufitar me Kosovën dhe Malin e Zi, investime në infrastrukturë si përfundimi e përurimi i aeroportit të Kukësit, ndërtimi i rrugëve Kukës-Peshkopi dhe Kukës-Shishtavec, mbështetje për fermerët dhe blegtorët e qarkut Kukës, dhe mbështetje për turizmin. Arritja më e madhe e tij si Kryetar i Këshillit të Qarkut Kukës megjithatë mbetet digjitalizimi i Kadastrës së Qarkut Kukës. Pas një pune 1-vjeçare për mbledhjen, përzgjedhjen dhe digjitalizimin e qindra hartave, Bruka shpalli zyrtarisht në qershor të vitit 2010 digjitalizimin e plotë të kadastrës së Qarkut Kukës, duke e kthyer këtë qark në të parin që ofron këtë shërbim për qytetarët e vet. Në numrin e 14 Janarit të vitit 2011 të revistës "Klan" u përzgjodh si një nga 10 personalitetet e vitit 2010 pikërisht për shkak të punës në digjitalizimin e kadastrës.

Referenca[redakto | përpunoni burim]

Lidhje te jashtme[redakto | përpunoni burim]

http://www.qarkukukes.gov.al