Sherif Bundo
Sherif Bundo | |
|---|---|
| Lindi | tetor 1956, 15 viti jo i saktë dita jo e saktë Bënjë, Dëshnicë, Përmet, Shqipëri |
| Kombësia | Shqiptar |
| Shkollimi | Universiteti i Tiranës, Universiteti i Poitiers |
| Profesioni | Ekonomist, profesor, publicist, shkrimtar, politikan |
| Njohur për | Akademik dhe publicist në fushën e financës dhe kontabilitetit |
Vepra të shquara | Financë, Teoria dhe drejtimi i portofolit, Dollia shqiptare |
| Titulli | Profesor, Doktor i Shkencave |
Sherif Bundo (i lindur më 15 tetor 1956, në Bënjë, Dëshnicë, Përmet) është ekonomist, profesor, doktor i shkencave, publicist, shkrimtar dhe politikan shqiptar. Ai ka mbajtur funksione të larta akademike dhe shtetërore, përfshirë detyrën e Dekanit të Fakultetit të Ekonomisë në Universitetin “Luarasi” dhe deputet i Kuvendit të Shqipërisë.
Jeta dhe arsimi
[Redakto | Redakto nëpërmjet kodit]Sherif Bundo ka lindur në Bënjë të Dëshnicës më 15 tetor 1956. Arsimin tetëvjeçar e kreu në vendlindje, ndërsa gjimnazin në Këlcyrë (1975). Në vitin 1980 u diplomua në Fakultetin e Ekonomisë, Universiteti i Tiranës, në degën Kontabilitet-Financë. Në vitin 1991 mori titullin Doktor i Shkencave në ekonomi dhe në vitin 1999 u bë Profesor në fushën e financës. Në vitin 1995 përfundoi studimet e thelluara DESS në Universitetin e Poitiers, Francë.
Karriera akademike
[Redakto | Redakto nëpërmjet kodit]- Pedagog në Fakultetin e Ekonomisë, Universiteti i Tiranës (1989–2024).
- Profesor i ftuar në Universitetin e Poitiers, Francë (2001–2025).
- Dekan i Fakultetit të Ekonomisë, Universiteti “Luarasi”, Tiranë (nga nëntori 2024).
- Anëtar i Akademisë Shqiptare të Arteve dhe Shkencave (2024).
- Lektor i lëndëve: Financë, Kontabilitet Financiar, Drejtim Portofoli, Sigurime, Fiskalitete, Financa Ndërkombëtare.
- Anëtar i bordeve shkencore të mbi 30 konferencave kombëtare e ndërkombëtare.
Karriera profesionale
[Redakto | Redakto nëpërmjet kodit]- Ekonomist dhe drejtor finance në Skrapar (1980–1989).
- Drejtor i Përgjithshëm i INSIG (1988).
- Kryetar i Komitetit për Zhvillimin e Turizmit (1998–2001).
- Drejtor Ekzekutiv i Shoqatës së Kontabilistëve dhe Financierëve të Shqipërisë (2001–2011).
- Kryetar i Shoqatës së Kontabilistëve dhe Financierëve të Shqipërisë (2011–2025).
- Anëtar i Këshillit Kombëtar të Kontabilitetit dhe autoriteteve të mbikëqyrjes së sigurimeve (2004–2009).
Karriera politike
[Redakto | Redakto nëpërmjet kodit]- Deputet i Përmetit në Kuvendin e Shqipërisë (1997).
- Kryetar i Komisionit të Politikave Ekonomike të Partisë Socialiste të Shqipërisë (1996–2008).
- Këshilltar i Ministrit të Financave (2001–2003).
- Këshilltar i Ministrit të Transportit (2002–2004).
- Këshilltar i Ministrit të Industrisë dhe Minierave (2003–2005).
Veprimtaria botuese
[Redakto | Redakto nëpërmjet kodit]Sherif Bundo është autor dhe bashkautor i mbi 38 librave në fushat e financës, kontabilitetit, sigurimeve, fiskalitetit dhe letërsisë. Disa prej botimeve kryesore:
- Financat e firmës në biznes (1992, bashkautor).
- Enciklopedi e Ekonomisë, Financës dhe Drejtimit (1996–2004).
- Financë (2005, ribotuar disa herë si tekst bazë në Universitetin e Tiranës).
- Teoria dhe drejtimi i portofolit (2017).
- Fiskalitetet (2012, 2014).
- Teoria dhe praktika e sigurimeve (2014, bashkautor).
- Dollia shqiptare (2024, monografi antropologjike).
- Fara e Revoltës (roman, 2023).
- Sepetet e gjyshes (novela, 2025).
- Brenga e babait (roman, 2025).
Gjithashtu ka botuar mbi 114 artikuj shkencorë dhe mbi 200 artikuj publicistikë.
Tituj nderi dhe dekorata
[Redakto | Redakto nëpërmjet kodit]- Titulli “Mjeshtër i Madh”, akorduar nga Presidenti i Shqipërisë (2022).
- Diplomë Mirënjohjeje nga Universiteti i Shkodrës (2018).
- Diplomë Nderi nga Qeveria e Shqipërisë (2016).
- Çmimi “Vepra më e mirë studimore” për librin Dollia shqiptare (2025).
Jeta personale
[Redakto | Redakto nëpërmjet kodit]Sherif Bundo është martuar me Burbuqe Bundo (Çuedari). Ata kanë dy fëmijë: Ariona (diplomuar në inxhinieri financiare, Francë) dhe Eni (diplomuar në informatikë, Francë).