Shqiptarët e Sanxhakut

Shqiptarët e Sanxhakut të Pazarit të Ri kanë një histori të gjatë dhe komplekse. Në të kaluarën, kjo zonë ishte pjesë e vilajetit të Kosovës gjatë Perandorisë Osmane. Pas shpërbërjes së Perandorisë, Sanxhaku u nda midis Serbisë dhe Malit të Zi, duke ndikuar në asimilimin dhe shpërnguljen e shqiptarëve.

Shqiptarët në Sanxhak janë përballur me një histori të dhimbshme dhe komplekse të fshehjes së identitetit të tyre nga pushtuesit serbë dhe malazezë. Jo vetëm që ata u debuan nga një pjesë e tokave të tyre shqiptare, por presioni i vazhdueshëm politik dhe social, shpesh i shoqëruar me kërcënime dhe diskriminim, i ka detyruar shumë prej tyre të mos deklarohen si shqiptarë dhe të fshehin gjuhën e tyre, duke e bërë të harrueshme.

Dokumentari i Marin Memës ka ndriçuar një pjesë të kësaj situate të ndjeshme, duke treguar se atje ka njerëz që thonin se ishin shqiptarë, ku tregonin për gjysherit e tyre që flisnin gjuhën shqipe rrjedhshëm dhe vishnin shallin, plisin, tirqet dhe xhamadanin, të cilat janë veshje tipike popullore të Shqipërisë së veriut, si zona e Malësisë së Madhe, Tropoja dhe trevat shqiptare, si disa pjesë të Kosovës. Por ata tregojnë se ishin të detyruar të asimiloheshin si boshnjakë.

Gjithashtu, kryeministri i Kosovës, Albin Kurti, për 111-vjetorin e pavarësisë së Shqipërisë, postoi një foto me flamurin e Sanxhakut në një mënyrë për mbështetje të shqiptarëve të "vjetër" në ato troje.

Shiko edhe

• Shqiptarët
• Sanxhaku