Shqiptarët në Norvegji

Shqiptarët në Norvegji përbëjnë një komunitet të konsiderueshëm të diasporës shqiptare. Shumica prej tyre janë mërgimtarë nga Kosova dhe Shqipëria.

Shpërndarja

Bazuar në të dhënat e Statistisk Sentralbyrå të vitit 2018, paraqiten rreth 18.500 shqiptarë të shpërndarë gjeografikisht në territorin e Norvegjisë të përbërë nga 15.642 shtetas kosovarë dhe 2.111 persona me kombësi shqiptare. Numri i saktë i shqiptarëve në vend mund të jetë më i lartë, duke përfshijë shqiptarët nga Maqedonia e Veriut, ose territoret e tjera që flasin shqip në Gadishullin Ballkanik, por të dhënat në Norvegji nuk paraqesin informacion mbi prejardhjen etnike . Konfliktet historike në Ballkan, veçanërisht Lufta e Kosovës, krijuan lëvizje të mëdha të popullatës së shqiptarëve etnikë në vend dhe vende të tjera. Rreth 6.000 shqiptarë nga Kosova u evakuuan në Norvegji nga Maqedonia e Veriut në 1999.^[1]

Rajonet me përqendrimin më të rëndësishëm të shqiptarëve janë Akershus, Buskerud, Oslo, Ostfold dhe Rogaland kryesisht në Norvegjinë jugore. Në numër më të vogël gjenden në rajonet Finnmark, Sogn og Fjordane dhe Nordland Qyteti, rajoni dhe zona metropolitane e Oslos në Norvegjinë e Jugut mbeten destinacionet kryesore të migrantëve shqiptarë në vend.

Statistika

Qytetet e Norvergjise Fylker i Norge	Shtetas Shqiptare 2018^[2]	Shtetas Kosovare 2018^[2]
Akershus	315	2,298
Aust-Agder	12	304
Buskerud	64	1,545
Finnmark	9	31
Hedmark	19	426
Hordaland	107	389
Møre og Romsdal	54	151
Nordland	31	87
Oppland	43	319
Oslo	1,010	2,924
Østfold	132	2,792
Rogaland	106	1,220
Sogn og Fjordane	10	39
Telemark	27	750
Troms	50	51
Trøndelag	36	356
Vest-Agder	43	940
Vestfold	43	1,020
Norvegjia	2,111^[3]	15,642^[3]