Springfield

Stampa:Qytete Springfield është kryeqyteti i tretë dhe aktual i shtetit të Illinois dhe kontesë së Sangmonit me një popullsi prej 116.909 banorësh. Mbi 200.000 persona jetojnë në zonën metropolitane të Springfield, ku përfshihet konteja Sangmon dhe rrethina të kontesë Menard. Springfieldi i ditëve të sotme u themelua rreth fundit të vitit 1810, kohë kur Illinoisi u bë shtet. Banori më i njouhr i Springfield është Abraham Lincoln, i cili jetoi në këtë qytet nga viti 1837 deri sa u transferua në Shtëpinë e Bardhë në vitin 1861. Shumë pika turistike lidhen edhe me të shkuarën e Lincoln në Springfield.

Qyteti drejtohet nga një këshill-bashkiak si formë qeverisjeje. Qeveria e shtetit të Illinoisit gjendet në Springfield. Gjithashtu aty gjenden Asambleja Gjenerale e Illionisit, Gjykata Supreme e Illinoisit dhe Zyra e Guvernatorit të Illinoisit. Në Springfield gjenden dy shkolla të mesme private dhe tre publike.

Historia

Emri origjinal i Springfield ishte Calohun, sipas senatorit të North Carolina, John C. Calhoun. Toka në të cilën sot shtrihet Springfield banohej fillimisht nga tregtarë që erdhën në lumin Sangamon në 1818. Banesa e parë e atij vendbanimi u ndërtua nga John Kelly në 1820, vendndodhja e saj gjendet në veriperëndim të kryqëzimit të rrugëve Second Street dhe Jefferson Street. Në 1821, Calohun u bë përfaqësuesi i kontesë Sangamon ; fal tokës pjellore dhe mundësive të mira për tregti shumë persona nga Kentucky, Virginia, dhe North Carolina shkuan në qytet. Rreth vitit 1832, senatori Calohun nuk kishte më të njëjtin favorizim nga opinioni publik dhe qyteti u riemërua Springfield. Kaskaskia ishte kryeqyteti i parë i Illinoisit, nga 1809 deri në vitin e parë si shtet më 1819. Vandalia ishte kryeqyteti i dytë nga 1919 deri më 1839. Springfield u bë kryeqyteti i tretë dhe aktual i Illinoisit në 1839.