UNIX

Unix (i regjistruar si UNIX®, disa herë i shkruar si Unix osë Unix®) është një sistem operativ për kompjutera fillimisht i ndërtuar në vitin 1969 nga një grup punëtorësh të AT&T në Bell Labs, që përfshinte Ken Thompson, Dennis Ritchie dhe Douglas McIlroy. Sot sistemet Unix janë të ndarë në degë të ndryshme, gjatë viteve AT&T si dhe kompani të tjera fitim prurese ose jo kanë kontribuar në ndërtimin e mëtejshëm.

Në vitin 2007, zotëruesit e markës së regjistruar UNIX® është The Open Group, një korporatë standardësh për industrinë. Vetëm sistemet që janë plotësisht të pajisur më certifikatë Single UNIX Specification kualifikohen si "UNIX®" (të tjerët quhen "Unix system-like" ose "Unix-like").

Gjatë fundit të viteve 1970 dhe fillimit të viteve 1980, influenca e Unix në qarkun akademik bëri që Unix të përdorej në shkallë të gjerë (sidomos varianti BSD, i cili e ka origjinën nga University of California, Berkeley) ndërsa në fushën tregtarë, më i njohuri është Sun Microsystems. Sot, përkrah sistemeve Unix të certifikuara, sistemet operativë Unix-like si Linux dhe BSD janë shumë të përhapure. Shpesh, "Unix tradicional" mund të përdorët për të përshkruar një sistem Unix që ka karakteristikat e Version 7 Unix ose UNIX System V.