Telekomunikacioni

Një antenë parabolike e komunikimit satelitor në objektin më të madh për komunikim satelitor në Raisting, Bavaria, Gjermani.

Vizualizimi nga OpteProject i rrugëve të ndryshme me anë të një pjesë të internetit.

Telekomunikacioni është transmetimi i informacionit në distanca të konsiderueshme për të komunikuar. Në të kaluarën, telekomunikacioni përfshinte përdorimin e sinjaleve vizuale, të tilla si fenerë, sinjale tymi, dhe heliograf optike, apo mesazhe audio nëpërmjet rënive të daulleve në mënyrë të koduar, dhe shembuj të tjerë të ngjajshme. Në kohën moderne të energjisë elektrike dhe elektronikës, telekomunikacioni tani përfshin edhe përdorimin e pajisjeve elektrike të tilla si telegrafi, telefoni, dhe teleshkruesi, përdorimin e radio dhe komunikimi me mikrovalë, si dhe fibrat optikë dhe elektronika e tyre e lidhjes, plus përdorimin e satelitëve dhe Interneti.

Historia

Ka qenë një përpjekje konstante e njerëzimit për të pasur një komunikim sa më efikas dhe në të njejtën kohë për t’iu shmangur çdo varësie, qoftë fizike apo psikologjike. Një tendencë e ngjajshme mund të shihet edhe në evolimin e telekomunikimeve. Nevoja për lëvizshmëri dhe shpejtësi të madhe në një hapsirë gjithmonë të ndryshueshme ka qenë e një rëndësie të madhe. Fillimi i mileniumit të ri ka dëshmuar që bota e telekomunikimeve ka ndryshuar shumë nga e kaluara. Shpërthimi i madh në teknologjitë pa tela dhe ato broadband në vitet e fundit ka pushtuar imagjinatën e teknologëve në tërë botën. Me tendencat çdo herë e më të mëdha dhe me teknologjitë dinamike, ndryshimet sa vinë e rriten, të udhëhequra gjithmonë nga dëshira e njerëzve për të pasur një komunikim sa më të mirë dhe mundësi të lëvizshmërisë. Me mundësitë e reja për lëvizshmëri dhe shërbimet broadband avancimet në teknologjitë telekomunikuese rriten në mënyrë eksponenciale.