Shtjefëni

Vrasja me gurë e Sh. Shtjefnit. Mozaik në Katedralen e Këlnit.

Shën Shtjefni apo Shën Stefani tek ortodoksët, (lindi rreth vitit 1, vdiq në Jeruzalem 33/34) ca ishte sipas Besëlidhjes së Re një dhjak i bashkësisë së Jeruzalemit. Është martiri i parë ,proktomartiri i krishterimit dhe nderohet si nga kisha katolike ashtu edhe nga kisha ortodokse, dhe pikërisht për këtë kremtohet menjëherë pas lindjes së Jezusit.Qe proktomartir sepse ishte krishteri i pare që dha jetën e tij për të dëshmuar fenë e tij dhe për përhapjen e Ungjillit. Martiri i tij përshkruhet në Veprat e apostujve ku paraqitet qartazi si thirrja e tij në shërbim të dishepujve si edhe martirizimi i tij,i bërë me vrasje me gurë, në praninë e Palit të Tarsosit (Saulit) perpara kthimit të këtij.

Qe arrestuar në periudhën pas Rrëshajave dhe e vranë me gur. Në të realizohet në mënyrë shembullore figura e martirit si imitues i Krishtit; ai sodit lavdinë e të Ringjallurit, shpall hyjninë, i beson shpirtin e tij, fal vrasësit e tij. Sauli dëshmitar i vrasjes së tij me gurë do të marrë trashëgiminë shpirtërore duke u bërë Apostull i njerëzve. (Mesh. Rom).

Pajtor: Diakonëve, Furrtarëve, Dhimbje koke

Etimologjia: Shtjefën = kurorë, i kurorëzuar, nga greqishtja Emblema: Palmë, Gurë

Që nga viti 560 eshtrat e tij besohet të jenë vendosur në kriptën e Shën Lorencit jashtë mureve të Romës, pranë tij është varrosur edhe kryedhjaku roman Laurenci.

Dita e përkujtimit

Dita e festës së Sh. Shtjefnit është festë e urdhëruar kishëtare dhe kremtohet më 26 dhjetor, për këtë ajo quhet shpesh si dita e dytë e Krishtlindjes.

Shenjt mbrojtës

Katedralja e qytetit te Shkodres mban emrin e proktomartirit Shen Shtjefni.

Sh. Shtjefni është shenjt mbrojtës i disa vendeve dhe qyteteve në Itali.

Shiko edhe

• Shenjtori

Lidhje të jashtme

• Enciklopedia katolike: Sh. Shtjefni.