Jericho

Jericho është grup relativisht i ri roku nga Kosova. Grupi ekziston në një formë apo tjetër që nga viti 1994. Emrin Jericho Walls e mori më 1996, i cili më 2001 u shëndrruar në Jericho. Shfaqja e parë në publik u bë më 1997, kur edhe u inçizua kënga dhe u filmua video spoti i parë This is my home. Stili i tyre, i përafërt me atë të grupit amerikan Rage Against the Machine, njihet si rep metal (ose repkorë). Jericho mund të jetë grupi i vetëm shqiptarë që krijon në këtë rrymë muzikore. Anëtarët e grupit janë Petrit Çarkaxhiu apo Rrusta (këngëtar dhe kompozitor), Nderim Ramadani (solo kitarist), Luan Osmani (bas kitarist), dhe Visar Regja (baterist).

Këngët e Jericho Walls janë në shqip ose anglisht. Ato karakterizohen me tekste plotë zemërim rebelues. Këngët në shqip këndohen në dialektin gegë dhe inkuadrojnë ritme etnike shqiptare nga Kosova. Ndër këngët e pakëta të grupit janë Don’t F*** with Albanians, Freedom, KLA, Zgjohu, dhe Tomlin e nanes. Më 2002 grupi fitoj vendin e parë në koncertin Ritëm e Pop të organizuar nga BBC në Prishtinë.

Burime

• BBC - Jericho në Londër
• Oxygen - Faqe e artit alernativ prishtinas
• - Facebook link