Lilo Xhimitiku: Dallime mes rishikimesh

Nga Wikipedia, enciklopedia e lirë
[redaktim i pashqyrtuar][redaktim i pashqyrtuar]
Content deleted Content added
No edit summary
No edit summary
Rreshti 5: Rreshti 5:
[[Kategoria:Berat]]
[[Kategoria:Berat]]
[[Kategoria:Lindje 1907]]
[[Kategoria:Lindje 1907]]
[[Kategoria:Fotografë shqiptarë]]

Versioni i datës 22 qershor 2014 00:43

Ilia Xhimitiku ishte një fotograf i shquar nga qyteti i Beratit. Lilo Xhimitiku siç e thërrisnin në Berat lindi më 20 Korrik 1907 në Lagjen Goricë të qytetit të Beratit, në një familje tregtarësh. Në vitin 1925 vëllai i tij i dhuron një aparat 6 x 9 të tipit "Kodak", që e kishte sjellë nga Italia. Ai punoi për pak kohë me Palok Gurashin. Më vonë ai krijoi lidhje të afërta me Marubët (1929–1930, ndërsa kryente shërbimin ushtarak në Shkodër) dhe me fotografë të tjerë. Në vitin 1936 bëri udhëtimin e parë njohës drejt Italisë. Vizitoi Barin, Sicilinë, Napolin, Romën, Firencen, Milanon e Gjenovën. Këtu ai u pajis me materiale dhe aparate nga më moderne të kohës, stampatricën, solucione, letër, vulën e thatë (e njohur e që mbahet e vetmja në llojin e saj). Si njeri me njohje të gjera shoqërore dhe me vizion të qartë nga bota e qytetëruar, ishte i pasionuar sidomos pas portretit dhe natyrës. Më vonë iu kushtua edhe kompozimit, dhe u angazhua në fiksimin e fakteve, ngjarjeve apo ditëve të shënuara.

Fondi i arkivave të Xhimitikut ishte i jashtëzakonshëm. Ai fiksoi ngjarje të rëndësishme të historisë së Shqipërisë në kapërcimin e gjysmës së dytë të shekullit të kaluar. Ndryshimet e rëndësishme të qytetit, restaurimi i Urës së Goricës, ngritja e bustit të Babë Dudës, hyrja e forcave partizane në Berat, ndarja e tapive, vizitën e Hrushovit etj, u fiksuan nga objektivi i tij. Kanë qënë me qindra filma e fotografi origjinale. Por fondi i fotografive të trashëguara prej tij është shumë i kufizuar për arsyen se arkiva në 13 shtator 1944 u dogj së bashku me shtëpinë në Lagjen Goricë, në shkurt 1954 studioja shkatërrohet nga një stuhi dhe në vitin 1962 vërshimet e lumit përmbytin arkivin dhe studion duke u shkatërruar përfundimisht pjesa më cilësore e punës dhjetëravjeçare : arkivin e filmit dhe të fotografive, aparatet dhe makinat e stampimit, pa përmendur letrat dhe materialet e tjera. Po të llogaritësh edhe sekuestrimet, shtetëzimet dhe zhdukjen e shumë dëshmive nga frika e përsekucioneve mund të imagjinohet realisht kontributi i Lilo Xhimitikut dhe përmasat e tij kombëtare.