Memli Kelmendi

Biografia

Memli Kelmendi Lindi ne Pejë ne vitin 1986. Shkollen e ulët dhe te mesme e perfundoi në Pejë. Që nga femijërija e hershme filloi të shquhej në lemin e muzikës: Fitues I festivalit të femijëve Peja 99; Fitues I festivalit të të rinjeve Peja 2000. Pas komponimeve të ndryshme në studion e tij private korri suksese me kengetarë të ndryshem të të gjitha zhanreve. Komponoi shumë kengë për fëmije dhe disa herë u shperblye me vendet e para, si në “Lyra Fest”, "Fluturat", "Festivali mbarëkombëtar i muzikës për fëmijë "Vihuela Fest", "Ylberi", "Planeti", "Dëbora", "Hareja", etj. Me pastaj ishte pjesëmarrës në shumë festivale ku ndër te tjera është pjesëmarrës i rregult në festivalin e këngës së vjetër qytetare “Zambaku I Prizrenit”.

Pa dyshim që hapat e parë dhe shtytjen e madhe e pat nga babi i tij Xhevat Kelmendi- kantautor I njohur pejan. Diplomoi me sukses në Akademinë e Muzikes - Drejtimi i pergjithshëm në Prishtinë (2010). Ndërsa Studimet postdiplomike – Master i përfundoj në Shkup për Music Production/Sound Engineering në klasën e prof,Valentino Skenderovskit.

Gjatë kohës së studimeve mësoi Muzikën e filmit në klasën e prof, Darko Marinovskit, ku u shqua si studenti me I dalluar. Ka kompozuar vepra të ndryshme muzikore si: Muzikë për Film, Teater, Tv etj. Është prezantuar disa here ne festivale te ndryshme si kompozitor I muzikes elektronike, Në festivalin ndërkombëtar Remusica 2009 me vepren elektronike “Another Noise” (Flaut dhe Elektronike), Në Vitin 2010 në Ohër në festivalin per muziken elektroakustike me vepren “OhridSomnia”, Në vitin 2011 në Festivalin “Tingujt e Flautit”, gjithashtu edhe në Teatrin e Qytetit të Pejes në kuadër te netëve “Ditët e Kulurës Pejane”, festivalin nderkombëtar "ReMusica 2013" dhe ne shume vende te tjera si kompozitorë dhe dirigjent.

Memli ne krijimtarinë e tij ka edhe disa vepra te muzikës elektronike si: “Passage through the Life”, “True-s”, “M2”, “Silent Dream”, “Another Noise”, "M2", "SePse (Kor, elektronike dhe orkester) etj. Memli është kompozitor I muzikës për film, teater.

Ne vitin 2008, gjithashtu ka komponuar, edituar, miksuar muziken e filmit të metrazhit te shkurter "Anarchy" i cili me sukses u prezantua ne disa festivale jashte vendit. Në vitin 2011 kompozoi muzikën e një filmi dokumentar gjerman të metrazhit të shkurtër “Secret Of The Universe” ku me shumë sukses u prezantua ne Shkup, dhe u vlersua nga kritikë të ndryshëm. Ne vitin 2011 gjithashtu ka kompozuar muziken e metrazhit te shkurter “Windows XP”. Në vitin 2011, kompozoi muzikën e filmit të shkurtër shqiptar “Basement (Bodrumi)”. Në vitin 2012 komponoi muzikën e filmit të shkurtër "3 Ngjyra, Homazh per Kieslowskin" në regji të Gent Begollit, dhe aktualisht është duke punuar në filmin e shkurtër "Era" të Besim Ugzmajlit.

Në vitin 2010 Komponoi muzikën për një shfaqje teatrale “STOP”, ndërsa në vitin 2011 kompozi muzikën për shfaqjen “Vëlla, Vëlla, Kosi me $” ne regji te Ahmet Jakupit. Në vitin 2013 kompozoi muzikën për shfaqjen "Oh Karmella" në regji të Ekrem Sopit, për shfaqjen "Obelisku pa adresë" në regji të Halil Gashit, në shfaqjen "Pushkatimi" të Ekrem Kryeziut (kreu montazhin muzikorë), dhe së fundi komponoi muzikën për shfaqjen teatrale "Nata e Helverit" në regji të Ben Apollonit.

Në vitin 2008 ishte edhe kryeredaktor i një televizioni loal në Pejë, “Pro-Tv”, ku kryente edhe shumë funskione të tjera si: Montazhë, Grafikë dhe Producent. Perpos Audio Produksionit, Memli ka edhe nje Video Produksion "Night Sound Records - Production", ku deri me tani ka realizuar edhe shume video klipe private.

Ai është gjithashtu edhe anëtar dhe bashkëpuntor i shumë studiove në Maqedoni dhe rajon. Vlen te permenden edhe kompozimet e tij te suksesshme qe janë përformuar në festivalin e famshem te muzikës elektronike ne Oher, (Ohrid Summer festival). Ne opusin krijues të Memlit padyshim hyjnë edhe këngët për fëmijë ku shumë herë eshtë shpërblyer me vendet e para.

Momentalisht është duke punuar në Shkollen e Mesme të Muzikës “Halit Kasapolli” ku ligjëron disa lëndë si: Korr, Muzika në Teknologji, Njohje e Literaturës Muzikore, Piano Obligat dhe Lexim Partiturave, gjithashtu është edhe udhëheqës I Orkestrës së Shkollës. Si udheheqes dhe dirigjent I Korrit te Shkolles u prezentua në shumë mediume, duke realizuar vepra te njohura te kompozitoreve shqiptar dhe atyre te huaj. Vlenë të përmendet koncerti me korin dhe orkestrën e shkollës së mesme të Muzikës "Halit Kasapolli" në kishen katolike "Shën Katarina" në Pejë, ku Memli dirigjoi 16 vepra të kompoitorëve shqiptarë dhe të huaj. Ky koncert pati prezantim shumë të sukseshëm. Me mjaft sukses është prezantuar në Prizren për nderë të "Dashnor Xërxës" dhe së fundi ne festivalin ndërkombëtar të muzikës klasike "ReMusica 2013". Memli është anëtar dhe orkestrues në orkestren e qytetit të Pejës (Orkestër e formuar ne vitin 2013). Kompozoi vepren elektroakustike "Black & White" veper e cila hapi festivalin DAM nga Kori i shkolles se mesme te muzikes. Morri poashtu pjese si dirigjent edhe ne festivalin ReMusica me 5 vepra korale. Memli Kelmendi eshte kompozitor i telenevoles se pare kosovare "Stinë Dashurie" dhe kolonës zanore "Një Dashuri" poashtu nga ky serial.

Film

• Anarchy (a film by Denis Berisha)2008 ;
• Secret Of The Universe, 2011 ;
• The Basement (Podrumi), 2011
• 3 Ngjyra, Homazh per Kieslowskin, 2012 ;
• ERA, 2013 ;
• Kravata, 2013 ;
• Manual per inicimin e luftes se trete boterore, 2013 ;
• Burri, 2013
• Daydream, 2014
• Kësulkuqja, 2014 ;

Dokumentar

• Brenda ka dritë, 2014;

Teatër

• STOP Droga, 2010 ;
• Vëlla,vëlla,kosi me dollarë, 2011 ;
• Oh Karmella, 2013 ;
• Obelisku pa adresë, 2013 ;
• Pushkatimi, 2013 ;
• Nata e Helverit, 2013 ;
• Njeriu qe pa vdekjen me sy, 2014 ;

Elektroakustike

• Passage Through the life (Voice & Elektronike), 2009 ;
• Another Noise (Flaut & Elektronike), 2009 ;
• True-s (Piano, Duduki & Elektronike), 2010 ;
• OhridSomnia, 2011
• Silent Dream (Elektronike), 2011
• M2 (Piano & Eleketronike), 2012
• ...SePse (Orchestra,Choir & Electronic ), 2013
• Thunderstorm in D (2014)
• Behind ... (2014)
• Black & White (dedicated to DAM Festival) 2014

Choir

• Vemi, Vemi (SATB) 2014
• When I Was Your (SATB), 2014
• Stine Dashurie _ Kjo dashuri (SATB), 2014
• In/out (2014)

Sound Design

• Anarchy, 2008
• Secret Of The Universe, 2011
• Anibar Movies, 2012
• Daydream, 2014
• Brenda ka dritë, 2014

References

• [1]
• [2]
• [3]
• [4]
• [5]
• [6]
• [7]