Qeveria Rama I

Skeda:Kabineti-Rama.jpg

Kabineti i qeverisë Rama në një fotografi zyrtare me Presidentin Bujar Nishanin (2013)

Qeveria Rama-Meta erdhi në detyrë pas fitores së koalicionit PS-LSI në zgjedhjet e 23 qershorit 2013. Përfundimi i detyrës parashikohet në vitin 2017 kur do të zhvillohen edhe zgjedhjet e ardhshme parlamentare. Përpara saj në detyrë ishte qeveria Berisha-Meta, e cila qeverisi për katër vitet e mëparshme. Detyra kryesore në formimin e qeverisë ishte në duart e Edi Ramës, kryetari i partisë që në koalicion kishte më shumë vota, i cili është edhe kryeministër. Ilir Meta mban postim e kryetarit të parlamentit.

Përbërja e qeverisë

• Kryeministër – Edi Rama
• Zëvendëskryeministër - Niko Peleshi
• Ministër i Mbrojtjes - Mimi Kodheli
• Ministër i Punëve të Brendshme - Saimir Tahiri
• Ministër i Punëve të Jashtme - Ditmir Bushati
• Ministër i Integrimit Evropian - Klajda Gjosha
• Ministër i Financave - Shkëlqim Cani
• Ministër i Transportit dhe Infrastrukturës - Edmond Haxhinasto
• Ministër i Zhvillimit Urban dhe Turizmit - Eglantina Gjermeni
• Ministër i Arsimit dhe Sportit - Lindita Nikolla
• Ministër i Drejtësisë - Nasip Naço
• Ministër i Kulturës - Mirela Kumbaro
• Ministër i Mirëqenies Sociale dhe Rinisë - Erion Veliaj
• Ministër Shteti për Inovacionin dhe Administratën Publike - Milena Harito
• Ministër i Shëndetësisë - Ilir Beqaj
• Ministër i Energjisë dhe Industrisë - Damian Gjiknuri
• Ministër i Mjedisit - Lefter Koka
• Ministër i Bujqësisë, Zhvillimit Rural dhe Administrimit të - Edmond Panariti
• Ministër Shteti për Marrëdhëniet me Parlamentin - Ermonela Felaj
• Ministër Shteti për Çështjet Vendore - Bledi Çuçi

Përkatësia politike

Përkatësia politike e anëtarëve të qeverisë është nga Partia Socialiste dhe Lëvizja Socialiste për Integrim (LSI)

Kronologji e ngjarjeve kryesore

2013

• 13 Shtator 2013 - Kryeministri Edi Rama gjatë një vizite në Republikën e Kosovës, mban një fjalim në parlamentin e saj. Fjalimi i Ramës ngjalli një sërë kritikash dhe reagimesh për faktin se ky i fundit nuk e pëmendi fare, duke e anashkaluar, rolin dhe kontributin e Ibrahim Rugovës në shtetndërtimin dhe dhënien e lirisë për popullin e Kosovës, duke cituar nga ana tjetër Rexhep Qosen. Fjalimi provokativ i Ramës shkaktoi largimin e menjëhershëm të deputetëve të LDK-së nga salla e Kuvendit. Reagime pati nga shqiptarët brenda dhe jashtë Kosovës. Ndër të tjera reagoi edhe, Sali Berisha, ish kryetar i Partisë Demokratike të Shqipërisë duke e quajtur vizitën "një akt përçarës të paimagjinueshëm[...]"
• Negociatat sekrete të qeverisë Rama për të sjellë armët kimike të Sirisë në Shqipëri.
• Vjedhja e serverit te tatimeve dhe 20 milione deklaratave tatimore të qytetarëve.
• Epidemia e shpërthimeve të tritolit dhe vrasjeve.
• Perdorimi i aeroporteve dhe bazave te tjera te ushtarake per trafik droge.

2014

• Gusht 2014 - Në zyrën/përfaqësinë e deputetit Koço Kokëdhima në Sarandë, shpërthen një skandal seksual pedofilie. Sekretari i Deputetit Kokëdhima, 62 vjeçari Agron Cane akuzohet dhe me anë të një videoje demonstrohet se ka përfituar seks në këmbim të punës dhe se po kërkonte seks me fëmijën minorene të një qytetareje që kërkonte punë, çka edhe e ka shtyrë qytetaren për të denoncuar sektetarin e deputetit Kokëdhima. Prokuroria ka nisur hetimet dhe dyshon edhe për raste të tjera pedofilie dhe kërkesash seksuale.
• 06 shtator 2014 - Erion Veliaj, Ministër i Mirëqenies Sociale dhe Rinisë, martohet me Ajola Xoxën në kalanë e Gjirokastrës, sipas hetimeve të mediave të ndryshme, duke i deklaruar dhe faturuar shpenzimet e dasmës private si një aktivitet kulturor, çka sipas sipas ligjit përbën abuzim me pushtetin. Për më tepër nuk kuptohet se si është e mundur që një momument publik dhe pjesë e trashëgimisë botërore mbrojtur nga UNESCO si kalaja e Gjirokastrës, arrihet të shfrytëzohet për aktivitete private nga ana e pushtetarëve. Më 17 shtator Genc Pollo në funksionin e kryetarit të Komisionit për Edukimin dhe Mjetet e Informimit Publik, jep një deklaratë për mediat ku zbulon një letër kërcënuese të Erion Veliaj drejtuar TV Agon, i cili ka kryer edhe hetime mbi paratë publike të përdorura për dasmën private të Ministrit Erion Veliaj.

• 17 shtator 2014 – Gjykata Kushtetuese shpall si të papajtueshëm me Kushtetutën e Republikës së Shqipërisë vendimin nr.354, datë 04.06.2014 të Këshillit të Ministrave “Për ngritjen e bazës së të dhënave IMEI për regjistrimin e numrave IMEI të aparateve celulare, që përdoren në rrjetet e shërbimeve të komunikimeve të lëvizshme”. Për këtë vendim të qeverisë pati debate publike dhe kritika të ashpra ndaj qeverisë për shkak të shkeljes së lirive dhe të drejtave themelore të privatësisë sl individit.