Namazi

Namazi - është shtylla e dytë e Islamit, obligim i cili i shpallet Muhammedit a.s. gjatë udhëtimit të tij i njohur si Miraxhi. Namazi është obligim për të gjithë muslimanët të cilët jan të aftë psiqikisht dhe fizikisht (për të gjymtit fizikisht namazi është i obliguar por me lehtësime). Obligimi vendimtar i namazit është abdesi, pa marrjen korrekte të abdesit namazi është i pa pranueshëm. Obligim gjithashtu është që namazi të falet në kohën e vet e cila shpallet nëpërmjet Ezanit. Gjat kryerjes së namazit muslimanët kthehen kah Qabja.

Argumente mbi faljen e namazit

Artikulli kryesorë: Ajete Kur'anore mbi faljen e namazit

Artikulli kryesorë: Hadithe mbi faljen e namazit

Falja e namazit bëhet duke u bazuar në rregullat e dala nga dy burimet kryesore të legjislacionit islam, pra Kur'anit dhe hadithit. Muslimanët gjat tëgjitha veprimeve para, gjat dhe pas faljes së namazit bazohen në këto dy burime. nësë në ndonjë veprim keto dy burime janë me deklarim jo direkt, të pa kuptueshëm për masën atëherë merret parasyshë konkluzioni i dijetarëve islamë të cilët janë legjitim dhe të pranueshëm.

Namazi Sipas Medhhebit Hanefi

Krijuesi ynë, All-llahu xh.sh.thotë: 14. Ka shpëtuar ai që është pastruar, 15. Që ka permendur emrin e Zotit të vet dhe që është falur, 16. Por ju I jepni përparësi jetës së kësaj bote, 17. Ndersa jeta tjetër është më e mirë dhe e përherëshme! ( Ajete nga sureja A’LA). 1. Kanë shpëtuar besimtarët, 2. Të cilët gjatë namazit janë të përulur… 9. Dhe të cilët e ruajnë namazin e tyre 10. Të tillët janë trashigimtarët 11. Trashiguesit e Firdeusit, ku do të banojnë pergjithmonë.

I Dërguari I Fundit, Muhammedi a.s. ka thënë: Gjëja e pare për të cilën do të jape llogari robi ( I All-llahut) në Ditën e Ringjalljes është namazi. Nëse I ka kryer namazet sipas rregullave, atëherë do të jetë i shpetuar dhe i suksesshem. Nëse namazet do të jenë të paplota (të mangëta), do të përjashtohet nga mirësia dhe do të jetë I humbur. Nëse do të ketë diçka të paplotësuar nga farzet (obligimet e domosdoshme), All-llahu i Lartmadhëruar do t’u thotë (melekëve ): - Shihni se a ka kryer robi Im ndonjë namaz vullnetar, me të cilin do t’ia kasha plotesuar farzin. Pastaj edhe veprat tjera do të gjykohen në të njëjtën mënyrë. Gjithashtu ka thënë: Shtylla e fesë është namazi … Dhe: … Islam është 1. Të dëshmosh se s’ka hyjni tjetër pos All-llahut dhe se Muhammedi është i dërguari I Tij; 2. Ta kryesh faljen; 3. Ta japish zekatin; 4. Ta agjërosh muajin Ramadan dhe 5. Ta kryesh haxhin nëse ke mundësi. Tabela e rekateve. Rekate Namazi Sunnet Farz Sunnet Vitri Sabahu 2 2 Dreka 4 4 2 Ikindia 4 4 Akshami 3 2 Jacia 4 4 2 3

Mënyra e faljes së Namazit

Ngrejmë duart deri te pulpat e veshëve duke thënë All-llahu Akbar. Ngritja e duarve vetëm nje herë është, në tekbirin fillestar. Transmetohet nga Alkama: që unë kam falur namaz mbrapa Abdull-llah ibn Mesud r.a. ai nuk I ka ngritur duart para rukus pas rukus dhe un e pyeta pse nuk I ngrin duart, ai ka thënë, unë kam falur namaz mbrapa Profetit s.a.u.s., Ebu Bekrit r.a. dhe Omerit r.a., ato nuk I ngrinin duart perveç se në tekbirin fillestar. Nesaiu. Thotë Asim bin Kuleib: kam falur mbrapa Aliut r.a. dy vite namaz, dhe ai nuk I ngrinte duart perveç se në tekbirin fillestar. Tahaviu. Vendosim dorën e djathë mbi të majtën poshtë kërthizës dhe themi Subhaneken. Eshtë nga tradita profetike të vendosësh dorën e djathtë mbi të majtën në namaz nën kërthizë. Ahmed dhe Ebu Davud nga Ali. Themi me zë të ulët Eudhu-Bismi L-lahi, Fatihanë dhe një sure tjetër. Kur jemi mbrapa Imamit nuk lexojmë as fatiha as nje sure tjetër, vetem heshtim. Imami është për të të prirë ty në namaz. Kur aim err tekbir merr edhe ti tekbir, kur ai të lexojë ti hesht… Muslim. Zejd b. Thabit tha: Nuk ka lexim së bashku me imamin në asnjë gjë. Muslim. Profeti tha: Kush ka imam, leximi i imamit është lexim për të. Duke thënë All-llahu Akbar biem në Ruku dhe themi Subhane Rab-bijel Adhim 3 herë. Duke u ngritur nga rukuja themi Semi’All-llahu limen hamiden, Rab-bena lekel hamd. Pastaj biem në sexhde duke thënë All-llahu Akbar (duhet të bëjmë kujdes që balli dhe hunda të prekin në tokë) dhe themi tre here Subhane Rab-bijel A’ëla. Duke thënë Allahu Akbar ngrihemi nga sexhde dhe ulemi me qetësi duke thënë Rrabbi gfirli dy herë. Pastaj biem në sexhde për herë të dytë duke thënë Allahu Akbar. Pastaj ngrihemi direkt duke thënë Allahu Akbar (Fundi i një rekati). Tani menjëherë themi Bismi’L-lahi, Fatiha dhe një sure. Pastaj bëjmë të njëjtat veprime si tek rekati i parë. Pas sexhdes së dytë ulemi dhe themi Ettehijatu Lil-lah. Ngrejmë gishtin tregues duke mos e lëvizur kur themi La ilahe il-l’Allah dhe pastaj e ulim atë. Pastaj ngrihemi për në rekatin e tretë duke thënë All-llahu Akbar. Nëse jemi në namazet farz themi vetëm Fatihanë përkundrazi themi edhe një sure tjetër në çdo rekatë. Pasi mbarojmë sexhden e dytë të rekatit të tretë ngrihemi menjëherë për në rekatin e katërt. Të njëjtat veprime bëjmë si në rekatin e tretë deri në përfundimin e sexhdes së dytë. Pas sexhdes së dytë ulemi si në rekatin e dytë dhe themi Ettahijatu Lil’ah, Salavatët (All-llahum-me Sal-li ala Muhammad……….deri në fund) dhe duatë. Themi Es-selamu alejkum ue rahmet’Ullah duke kthyer kokën në fillim nga krahu i djathë pastaj nga krahu i majtë (gjatë kthimit të kokës shikimi duhet në supe). Fund

Shënim: 1.Ngritja e duarve bëhet vetëm një herë gjatë namazit vetëm në tekbirin fillestar. Kështu ka transmetuar Abd’Allah ibn Mas’ud nga Profeti S.A.U.S. Tirmidhi 2.Nuk lexojme as fatihanë dhe as ndonjë sure tjetër kur jemi të lidhur pas Imamit. Sepse ka thënë Allahu në Kuran: “Kur të lexohet Kurani, dëgjoni dhe heshtni” A’ëraf 204. Dhe ka thënë Profeti S.A.U.S: “ Kur ai (imami) lexon heshtni”. Muslim nga Abu Musa Ashari. Ka thënë Profeti S.A.U.S “leximi i imamit është për të dhe për Muktediun”. Ibn Maxha. Dhe ka thënë Abd’Allah ibn Umar “Mjafton për ty leximi i imamit”. Muat-tah Imam Malik. Dhe ka thënë A’ta bin Rabah “nuk ka lexim asgjë pas Imamit”. Muslim 3.Kur imami mbaron suren Fatiha në namazet me zë dhe thotë Ue la dal-lin, themi Amin me zë të ulët. Ashtu ka transmetuar Uail ibn Huxhr dhe Abd’Allah ibn Mas’ud. Tirmidhi dhe Ahmad.

Pjesët e namazit

Artikulli kryesor: Falja e namazit

Namazi, si lutje e organizuar dhe e caktuar sipas rregullave islame, ka disa pjesë përbërëse të cilat e përcjellin para dhe gjat kryerjes dhe pa të cilat namazi nuk llogaritet.

Para faljes së namazit rregull dhe element kryesorë për faljen e namazit pa të cilin jo që nuk pranohet namazi por edhe njeriu i vetedijshem nëse falë namaz llogaritet mëkatarë është abdesi.

Pjesët që e përbëjnë namazin janë:

1. Tekbiri Fillestar
2. Të ndenjurit në këmb
3. Rukuja
4. Sexhdeja
5. Të ndenjurit ulur
6. Dalja nga Namazi

Gjëra që prishin Namazin Prishja e Abdestit Zbulimi i Auretit (minimumi 1/4 e pjesës nga aureti) gjatë Namazit. Këtu duhet pasur shumë kujdes kurrizi. Kthimi i gjoksit drejt një drejtimi tjetër përveç Kiblës. Folja në namaz (këtu futen dhe rënkimet e të sëmurit). Thotë Zeid Ibn Arkam r.a. Ne në namaz flisnim me njëri-tjetrin deri sa zbriti ajeti I Kur’anit: ‘’ dhe qëndroni drejt në këmbëpërpara Allahut të përulur.‘’ (Bekare, 238) me të cilën u urdhëruam të heshtim dhe na u ndalua të flisim në namaz. Muslim Ngrënja dhe pirja në Namaz. "Ngrënje quhen të gjitha ushqimet që arrijnë masën e një kokrre bizeleje". Bukhari Të bërit e ndonjë veprimi të tepërt që nuk ka lidhje me namazin (I njëjti veprim 3 herë në një rukne). Muslim Të qeshurit me zë të lartë e prish namazin dhe abdestin. Të qeshurit me zë të ulët dhe që dëgjohet nga vet personi prish vetëm Namazin. Ndërsa buzqeshja nuk e prish namazin. Gabimi i qartë në leximin e Kuranit (aq sa ndryshohet kuptimi i ajetit.) Falja e Namazit të mashkullit krah për krah me femrën qoftë edhe nëna e tij e prish namazin. Në qoftëse Imami falet në një vend me lartësi sa një parakrah nga niveli ku falet xhemati atëherë namazi është i pa vlefshëm. E ka ndaluar profeti s.a.u.s që imami te ngrihet ne diçka dhe njerrzit të jen poshtë tij në namaz. Darë Kutni. Ardhja e mundesise se perdorimit te ujit, per ate person qe po fal namaz me tejmum, kjo e prish namazin.

Si falet namazi

• Rregullat e faljes së namazit nga femrat

Të falurit e namazit për femra ka dallim nga të falurit e namazit për meshkuj jo vetëm në mënyrën e të falurit por edhe në kushtet e kohës së faljes së namazit. Me kohën e faljes së namazit nënkuptohet periudha kohore dhe jo koha brenda ditës.

Namazi në përgjithësi është obligativ për tëgjith muslimanët të moshës së pjekur. Në këtë gjithpërfshirje nuk marrin pjesë njerëzit me të meta psiqike sepse islami i ka liruar nga tëgjitha përgjegjësitë dhe obligimet, por nuk lihen anash njerëzit me të meta fizike këta njerëz kanë lehtësime në faljen e namazit pra se prap e kan të obliguar.

Gratë kan një statut të posaçëm në këtë drejtim. Grave u është e ndaluar falja e namazit gjat kohës së menstruacioneve dhe gjat kohës së lehonisë, sepse namazi kërkon pastërti jo vetëm psiqike e shpirtërore por edhe pastërti fizike.

• Rregullat e faljes së namazit nga meshkujt

Namazi sipas kohës

Lutjet (namazet) ditore të muslimanëve:

Emri	Koha	Sunete	Farze	Sunete të fundit	Vitër
SABAHU	Para lindjes së Diellit	2 Rekat	2 Rekat	s'ka	s'ka
YLEJA	Pasdite gjer ne Iqindi	4 Rekat	4 Rekat	2 Rekat	s'ka
IQINDIA	Pas dreke gjer në perëndim të Diellit	4 Rekat	4 Rekat	s'ka	s'ka
AKSHAMI	Pas perëndimit te Diellit gjer në Jaci	s'ka	3 Rekat	2 Rekat	s'ka
JACIA	Nga akshami gjer në mesnatë	4 Rekat	4 Rekat	2 Rekat	3 Rekat

Namazet tjera

• Namazi i së premtes
• Namazi i fitër bajramit
• Namazi i kurban bajramit
• Namazi i teravive
• Namazi i të vdekurit
• Namazi i faliminderimit
• Namazi i Istihares
• Namazi i Tesbihit

Namazet sipas obligimit

• Namazet farz
• Namazet vaxhib
• Namazet synet
• Namazet nafile

Shih dhe këtë

• Falja e namazit
• Kibla

Lidhje të jashtme

• Kohët E Faljes Për Qytetet E Botës
• Falja e Namazit për fillestarë
• Namazi
• Namazi
• Video film shqip, Namazi

إسلام

Ky artikull nga Feja Islame është një faqe cung. Mund të ndihmoni Wikipedian duke e përmirësuar.