Qeveria e Përkohshme e Shqipërisë

Qeveria e Përkohshme e Shqipërisë ishte qeveria e parë krijuar nga Kuvendi i Vlorës me 4 dhjetor 1912. Krijimi i saj u vendos nga Kuvendi Kombëtar i Vlorës, i cili me kërkesë të Ismail Qemalit e caktoi vetë përbërjen e qeverisë. Ismail Qemali, veç detyrës së kryetarit të qeverisë, mbajti edhe atë të ministrit të Jashtëm. Kuvendi zgjodhi edhe Pleqësinë, që funksiononte si organ këshillues e mbikëqyrës i qeverisë. Shumë krahina u bashkuan me Qeverinë e Përkohshme të Vlorës duke e njohur atë si qeveri të gjithë Shqipërisë. Qeveria arriti rezultate të rëndësishme në krijimin e aparatit shtetëror dhe në krijimin e një sistemi gjyqësor sipas modeleve evropiane.

Isa Boletini ne rruget e Vlorës.

Flamuri i shtetit të parë shqiptar

Anëtarët e Kabinetit Qeveritar

• Ismail Qemali - Kryeministër dhe Ministër i Jashtëm
• Dom Nikoll Kaçorri - Zv.Kryeministër
• Myfit bej Libohova - Ministër i Brendshëm
• Gjeneral Mehmet Pashë Deralla - Ministër i Luftës
• Abdi bej Toptani - Ministër i Financave
• Dr. Petro Poga - Ministër i Drejtësisë dhe sistemit Gjyqësor
• Dr. Luigj Gurakuqi - Ministër i Arsimit
• Mit'hat Bej Frashëri - Ministër i Punëve Botore
• Pandeli Cale - Ministër i Agrikulturës
• Lef Nosi - Ministër i Post-Telegrafit