Ridvan Bode

Stampa:Kutia Politikan Ridvan Bode, (lindur më 26 qershor 1959 në Korçë) deputet i Partisë Demokratike në Kuvendin e Shqipërisë.

Bode mbaroi Shkollën e Mesme të Përgjithëshme Gjirokastër në vitin 1978.

Në vitin 1979 filloi studimet në Universitetin Bujqësor Kamëz dega financë nga ku u diplomua në vitin 1983. Nga viti 1983 deri në vitin 1990 punon si përgjegjës i degës së financës në një ndërmarrje në Prrenjas. Në vitet 1991-1992 Bode ishte pedagog i Analizës Financiare në Universitetin Bujqësor. Në vitet 1992-1995 ndoqi ciklin e thelluar pasuniversitar në Montpelie, Francë të cilin e përfundoi me rezultatin më të lartë "Magna Cum Laude".

Në vitet 1995-1996 Bode ishte Drejtor i Drejtorisë së Përgjithëshme të Doganave në Ministrinë e Financave dhe më pas deri në vitin 1997 ai ishte Ministër i Financave.

Në vitin 1997 Bode zgjidhet Sekretar i Përgjithshëm i Partisë Demokratike të Shqipërisë.

Në shtator 2005 Ridvan Bode emërohet Ministër i Financave në Qeverinë e Shqipërisë detyrë të cilën e mbajti deri në shtator të vitit 2013.

Ridvan Bode mban titullin shkencor Doktor i Shkencave Ekonomike.

Shiko edhe

Grupi Parlamentar i Partisë Demokratike të Shqipërisë