Ariana Grande

Ariana Grande

Ariana Grande-Butera (e lindur më 26 qershor, 1993), e njohur si Ariana Grande ( /ˌɑriːˈɑːnə ˈɡrɑːndeɪ/), është një këngëtare, kantautore dhe aktore amerikane. Grande cilësohet si nje prej zërave më të mirë të gjeneratë së saj. Ajo ka fituar shumë çmime, përfshirë një Grammy Award, një Brit Award etj.

Grande e filloi karrierën e saj në Broadway në muzikalin 13, kur ishte 15 vjeçe. Në 2009, ajo fitoi rolin e Cat Valentine në Nickelodeon në serinë televizive Victorious. Pas katër sezonesh, shfaqja u kancelua.

Në 2013, Grande nxorri këngën “The Way”, nga albumi i saj i parë, “Yours Truly”, një kolaborim me rreperin Mac Miller, me të cilin ajo do të lidhej në 2016 dhe do të ndahej në 2018. Kënga debutoi Billboard Hot 100 në numrin 10 dhe arriti numrin 8 në javët e ardhshme. Grande lançoi “Yours Truly” në shator të 2013. “Yours Truly” debutoi në numrin 1 në listën amerikane të albumeve Billboard 200. Albumi u konplimentua nga fansat dhe kritikët.

Në 2014, Grande lëshoi albumin e saj të dytë, “My Everything” në gusht të 2014, i cili gjithashtu arriti vendin e parë në Amerikë. Albumi përbante kënge si “Problem”, e cila debutoi ne vendin 3 në Billboard Hot 100 dhe më vonë arriti vendin 2, “Break Free” me Zedd dhe “Bang Bang” me Jessie J dhe Nicki Minaj që arritën numrin 4, “Love Me Harder” me The Weeknd që arriti numrin 7 dhe “One Last Time” që arriti numrin 13.

Në 2016, Grande lëshoi këngën “Dangerous Woman” si single-i i parë nga albumi me të njëjtin emër. Kënga debutoi në vendin 10 dhe më vonë arriti numrin 8. Kënga e bëri atë të ishte artisti apo artistja e parë në historinë e listës Billboard Hot 100 që të debutonte single-t e para të tre albumeve të para në Top 10. Grande lëshoi albumin “Dangerous Woman” në maj të të njëjtit vit. Albumi debutoi në vendin 2. Albumi përmbante single si “Into You” që arriti numrin 13, “Side To Side” me Nicki Minaj që arriti numrin 4 dhe “Everyday” me Future që arriti numrin 54.

Në 2018, Grande lëshoi këngën “No Tears Left To Cry” si single i parë nga albumi i saj i katërt “Sweetener”. “No Tears Left To Cry” debutoi në numrin 3, kështu, Grande zgjati rekordin e saj si artisti/artistja e parë që debuton single-t e para nga katër albumet e saj të para në Top 10. Gjithashtu, kënga u lavdërua nga kritikët dhe fansat. Grande më pas lëshoi “God Is a Woman” si single i dytë nga “Sweetener”. Kënga debutoi në numrin 11 dhe më vonë arriti numrin 8. Në gusht te 2018, Grande lëshoi “Sweetener”, albumin e saj të katërt, i cili debutoi në numrin 1 dhe u lavdërua masivisht nga kritikët. Grande lëshoi “Breathin” si single i tretë dhe i fundit nga “Sweetener”. “Breathin” arriti numrin 13.

Në nëntor të 2018, Grande surprizoi fansat me këngën “Thank U, Next”, single i parë nga albumi i saj i pestë me të njëjtin emër. Kënga ishte një hit masiv. Ajo debutoi në numrin 1, duke u bërë debutimi më i lartë i saj dhe kënga e parë e aaj që arrin numrin 1. “Thank U, Next” qëndroi në pozicionin e parë për shtatë javë. Grande lëshoi “7 Rings” si single i dytë nga “Thank U, Next” në janar 2019. Kënga u bë numër 1-shi i dytë për Grande. Ajo qëndroi në numër 1 për 8 javë. Në shkurt të 2019, Grande lëshoi albumin e saj të pestë, “Thank U, Next”. Albumi debutoi në numrin 1 dhe qëndroi për dy javë. Në të njëjtën ditë, Grande lëshoi “Break Up With Your Girlfriend, I’m Bored” si single i tretë nga “Thank U, Next”. Kënga debutoi në numrin 2, pas “7 Rings”. Në të njëjtën javë, “Thank U, Next” ishte në pozicionin e tretë. Kështu, Grande me tre këngë në tre pozicionet e para, arriti një rekord i cili u arrit vetëm nga The Beatles. Kështu ajo u bë artistja e pare solo dhe artistja e parë femër që të zinte tre pozicionet e para.