Mujsharja në shkollë

Bullizmi në shkollë është një llojë bullizmi i cili zhvillohet në hapësira edukimi dhe aplikohet me dhunë psikologjike ose fizike që ndodh zakonisht tek femijët dhe adoleshentët. Bullizmi mund të ketë efekte si zemërim, depresion, stres dhe vetëvrasje.

Bullizëm do të thotë kryerje e sjelljeve agresive dhe të pa dëshirueshme mes nxënësve të moshës shkollore, të cilat përfshijnë mungesë reale ose imagjinare të balancës mes tyre.

Çfarë do të thotë mungesë balance reale ose imagjinare mes nxënësve? Në këtë rast do t’i referohej konkretisht të pasurit e një avantazhi apo pike të fortë kundrejt tjetrit qoftë kjo reale apo jo. Përgjithësisht ndodh që sjelljet bullizuese përsëriten dhe shtohen me kalimin e kohës dhe kjo shton viktimat e bullizmit.

Midis formave që merr kjo sjellje e pa dëshiruar, 3 janë kryesoret:

• Bullizmi verbal, të flasësh apo të shkruash në mënyrë kërcënuese dhe agresive, si p.sh.:, mund të flitet për faktin se sa është kthyer në zakon për djemtë të thërrasin njëri - tjetrin me emrin e nënave të tyre.
• Bullizmi social, pra dëmtimi i imazhit (reputacionit) të dikujt apo marrëdhënieve personale të një personi tjetër.
• Bullizmi fizik, dëmtimi fizik i një personi apo objekti personal të tij nuk është më diçka e re.

Bullizmi dallohet kur:

• Fëmija ka shenja të ndryshme në trup dhe nuk di ti shpjegojë.
• Fëmija kërkon para pa ndonjë arsye të bindshme.
• Fëmija nuk deshiron të shkojë në shkollë apo nuk ka deshirë të luajë me miqtë e tij.
• Fëmija dëshiron që të ndryshojë mënyren e të shkuarit në shkollë dhe kur ai do të ndërrojë partnerin e rrugës.
• Fëmija vjen vonë nga shkolla.
• Fëmija ka dëme materiale si çanta.

Bullizmi mund të ndodhë kudo dhe në çdo kohë, prezenca apo jo e një mësuesi, prindi apo psikologu shkollor nuk eliminon mundësinë e ndodhjes së këtij fenomeni, por të ndihmojë në uljen e numrit të rasteve që ndodhin çdo ditë në shkollat.

Ndër faktorët riskues që të bëjnë të jesh pre e këtij fenomeni mund të përmendim:

• të qenurit i izoluar në rang shoqëror apo edhe thjeshtë një tip që preferon të qëndrosh vetëm;
• të qenurit me aftësi të veçanta;
• të shihesh si tip që nuk mund të vetëmbrohet;
• të jesh nxënës me vetëbesim të ulët;
• të pasurit kanë më pak shokë, etj.

Ndërsa mes faktorëve që mund të të bëjnë një bullizues renditen:

• Të qenurit një person i cili shqetësohet për popullaritetin e tij në grup dhe pëlqen të dominojë duke qenë një udhëheqës apo drejtues grupi (sidomos vihen re kur nuk zgjidhen nga bashkëmoshatarët por vetëzgjidhen dhe rregullat vendosen nga vetë ata).
• Gjithashtu persona të cilët nuk mund të identifikojnë apo të identifikohen me ndjenjat apo emocionet e të tjerëve, janë lehtësisht agresiv dhe bien po lehtësisht nën presionin e bashkëmoshatarëve, mund të kthehen në bullizues për të ruajtur imazhin e tyre.
• Nuk përjashtohen nga ky grup, nxënës të cilët përveç sjelljeve agresive, mund të kenë probleme të ndryshme në familje, përfshirje të ulët të prindërve në edukimin e fëmijës apo mbarëvajtje në shkollë, etj.
• Gjithashtu vlen të përmendet se riskohen të përfshihen në grupin e bullizuesve edhe ata fëmijë të cilët kanë mendime negative për të tjerët, kanë vështirësi në ndjekjen e rregullave apo udhëzimeve apo kanë shokë të cilët bullizojnë.

Si mund ta parandalojmë bullizmin?

• Duhet të dimë se si t’ju flasim fëmijëve për bullizmin, të sigurohemi që ata e kanë kuptuar çdo të thotë bullizëm dhe të kuptojnë se në asnjë moment nuk duhet ta pranojnë atë.
• Nëse duam të ndihmojmë fëmijët, atëherë duhet të përpiqemi të jemi edhe shokët e tyre, të tregojmë interes për jetën e tyre shkollore, aktivitetet e përditshme, shokët, ecurinë e çdo dite apo edhe shqetësimet e tyre.
• Të inkurajojmë fëmijët të bëjnë atë çfarë ju pëlqen është diçka që prindërit dhe mësuesit po e harrojnë shpesh, duke u kthyer në një garë prindërish e mësuesish, fëmijët janë ata që nuk zgjedhin thuajse asnjëherë çfarë realisht pëlqejnë e më pas ndeshen me reagimet e pritshmërive të tyre nëse nuk janë aty ku duhet!
• Po sikur të mund t’ju modelojmë fëmijëve se si mund të trajtojnë të tjerët me mirësjellje dhe respekt, dihet tashmë që fëmijët modelojnë sjelljet që shohin.