Burjatia

Burjatia, zyrtarisht Republika Burjate (rusisht: Респу́блика Буря́тия, Respublika Burjatija; burjatisht: Буряад Республика, Burjaat Respublika) është republikë anëtare e Federatës Ruse, e ndodhur në kufi me Mongolinë.

Burjatia ka një sipërfaqe prej 351.300 km² që shtrihet në rajonin jug-qendror të Siberisë, përgjatë Liqenit Baikal. Kufizohet me rrathët e Irkutskut (P/VP/V) dhe Çitës (VL/L/JL/J) dhe me Republikën e Tëvasë (P); në jug preket me Mongolinë. Kryeqytet është Ulan-Ude, qendër që në mos për tjetër shquhet për bustin madh të kokës së Leninit.

Në Burjati jetojnë 981.238 banorë, prej të cilëve dy të tretat janë rusë dhe vetëm 27,8 % janë burjatë, banorë titullarë të republikës. Burjatët janë të afërt me mongolët dhe flasin një gjuhë të së njëjtës familje.

Republika Burjate është vend i ftohtë me temperaturë vjetore nën zero. Pasuritë nëntokësore janë ari, volframi, zinku, urani, etj.