Thimi Filipi

Skeda:Thimi Filipi.JPG

Thimi Filipi (Korçë, 1926 - 1 korrik 1990) ka qenë një aktor i mirënjohur shqiptar.

Jetëshkrim

Thimi Filipi ka lindur në qytetin e Korçës në vitin 1926. Rolet e tij të para do të jenë në trupat jo profesioniste në qytetin e Korçës. Gjatë Luftës së Dytë Botërore mori pjesë në formacionet partizane, ku punon për krijimin teatrove partizane. Me mbarimin e luftës fillon punë në spitalin e Korçës. Mbaron kursin për aktrim dhe fillon të luajë disa role me teatrin profesionist të qytetit. Në vitin 1954 fillon punën si aktor profesionist pranë teatrit “Andon Zako Çajupi”. Roli i tij i parë do të jetë në dramën Lulja e kujtimit. Më tej do të vazhdonin një sërë rolesh që do ta bënin shumë të njohur tek publiku.

Në kinematografi do të interpretojë në më se 30 filma artistikë dhe televizivë. Roli i tij i parë në kinematografi do të përkojë me filmin e parë, tërësisht shqiptar, Tana, në rolin e sekretarit të partisë. Do të pasonin role të tjera, si ai i Nezirit, tek filmi Përballimi, Fahredini tek Njeriu me top, Xhemal Struga tek Ballë për ballë, Nashua tek Si gjithë të tjerët, Gramozi tek Asgjë nuk harrohet, babai i Irenës te Pranvera s’erdhi vetëm etj. Më 1986 mori Çmimin “Aleksandër Moisiu”.

Ndahet nga jeta në Korçë, në 1 korrik të vitit 1990.

Për meritat e tij artistike, më 5 gusht të vitit 1991 Thimi Filipi nderohet me titulli i lartë “Artist i Popullit” (pas vdekjes).

Filmografia

• [Apasionata] == Tarja babai i Mires
• Vrasje ne gjueti - 1987... Xha Llazi.
• Rrethi i kujtesës - (1987)
• Tri ditë nga një jetë - (1986)... xha Shimo
• Enveri ynë - 1985
• Asgjë nuk harrohet - (1985)... Gramozi, kryetari i grupit hetimor
• Nata e parë e lirisë - (1984)... Komisari
• Shirat e vjeshtës - (1984)... Ustai
• Fraktura - (1983)... Gjyshi
• Njeriu i mirë - (1982)... shoku Astrit
• Si gjithë të tjerët - (1981)... usta Nashua
• Vëllezër dhe shokë - (1980)... babai i Vasos
• Shoqja nga fshati - (1980)... Shefi i bujqësisë
• Një ndodhi në port - (1980)... Petro
• Mësonjëtorja - (1979)... xha Vani
• Ballë për ballë - (1979)... Xhemal Struga
• Njeriu me top - (1977)... Fahredini
• Përballimi - (1976)... Neziri
• Nusja dhe shtetrrethimi - (1974)... xha Jani
• Yjet e netëve të gjata - (1972)... Xhandari
• I teti ne bronz - (1970)... Ballist
• Vitet e para - (1965)... Gjika, Sekretari i partisë
• Tana - (1958)... Sekretari i Partisë
• Mysafiri - (1979)... Akrepi
• Gunat përmbi tela... Kapedani
• Militanti - (1984)... Babai i Visar Shundos
• Pranvera s’erdhi vetëm- (1988)... Babai i Irenës
• Dollia e dasmës time... Babai i nuses
• Streha e re... Shoku Dane, Kryetari i Kooperatives
• Në kufi të dy legjendave - (1981)
• Kush vdes në këmbë... Bujku