Lidhja Demokratike e Kosovës

Lidhja Demokratike e Kosovës
Udhëheqësi	Isa Mustafa
Kuvendi	28 / 120
Komunat	8 / 38

Lidhja Demokratike e Kosovës shkurt LDK është parti politike në Kosovë.

Si parti politike shikuar nga jashtë dhe si lidhje shqiptare brenda Kosovës u formua më 23 dhjetor të vitit 1989 në Prishtinë nga një grup intelektualësh.

Historia

Artikulli kryesor: Historia e LDK-së

Ibrahim Rugova ka qenë kryetar i partisë që prej themelimit dhe deri në janar 2006, kur Rugova u nda nga jeta. LDK, u formua si bashkim i intelektualëve dhe popullit të Kosovës, në kohën e shpërbërjes së Lidhjes Komuniste të Kosovës. LDK u angazhua për një Kosovë të pavarur, demokratike dhe të lirë. LDK-ja prej fillimit e deri më 2007 ishte forca kryesore politike në Kosovë. LDK ka fituar të gjitha zgjedhjet e zhvilluara në Kosovë si lokale ashtu edhe parlamentare në vitet 2000, 2001, 2002 dhe 2004. LDK ka shënuar një rënie të lehtë të elektoratit kohë pas kohe, ndërsa pas vdekjes së Rugovës, një pjesë e partisë ndahet dhe formon një parti të re politike, që reflektohet edhe me humbje të elektoratit. LDK-ja udhëheqë me 5 ministri në qeverinë e Kosovës dhe mban postin e presidentit të Kosovës. Në zgjedhjet e para parlamentare të pas-luftës (2001), LDK me 48 % të votave të fituara kishte hyrë në koalicion të gjerë me PDK (26 %) dhe AAK (7%). Ndërsa pas zgjedhjeve të (2004), formon koalicion qeveritar me AAK (për ti dhënë AAK postin e kryeministrit) duke lënë PDK në opozitë. Pas vdekjes së kryetarit Ibrahim Rugova (edhe president i Kosovës) në janar 2006, LDK-ja udhehiqet nga Fatmir Sejdiu. Pas zgjedhjeve të 2007, LDK hyn në koalicion me partinë e saj rivale PDK, koalicion ky që prishet pas dorëheqjes së Fatmir Sejdiut nga posti i Presidentit të Kosovës. Në Kuvendin e partisë që u mbajt në nëntor të vitit 2010, kryetar i LDK-së me shumicën e votave të delegatëve zgjidhet Isa Mustafa. Në zgjedhjet nacionale që pasuan në dhjetor 2010, LDK fiton 27 mandate deputetësh dhe për herë të parë kalon në opozitë

Numri i mandateve në Kuvendin e Kosovës:

• 2001-2004: 47
• 2004-2007: 47
• 2007-2010: 25
• 2010-2014: 27
• 2014-2017: 30
• 2017-  : 25

Personalitete nga LDK

• Ibrahim Rugova - Presidenti i parë i Kosovës (24 maj 1992 deri më 21 janar 2006)
• Fehmi Agani
• Fatmir Sejdiu - President i Kosovës 2006 - 2010
• Fadil Ferati - Nënkryetar i LDK (2006-2010), Kryetar i degës së LDK-së në Istog 1997-2010 dhe kryetar i Istogut 1999-2010
• Isa Mustafa - Kryetar i LDK-së (nga dhjetori 2010) dhe Kryetar i Prishtinës Kryeminister i Kosoves 2015 2017
• Sabri Hamiti - Nënkryetar i parë i LDK-së (nga dhjetori 2010)
• Ismet Beqiri - Sekretar i LDK-së (nga dhjetori 2010)
• Lutfi Haziri
• Nekibe Kelmendi
• Eqrem Kryeziu
• Skënder Hyseni
• Agim Veliu
• Gazmend Muhaxheri

Lidhje të jashtme

• Faqja zyrtare e LDKsë