Wikipedia:Kuvendi

Emërimi i artikujve të personave që nuk kanë emra shqiptarë

Më rra në sy ky artikull i Karl Gustav Jungut dhe pashë se emri i tij është ngatërruar me emrin e nipit të tij që shkruhet "Carl Gustav Jung", d.m.th Karl Gustav Jungu është gjyshi i Carl Gustav Jungut. Prandaj po mendoja se duhet të vendosni një rregull për emërtimin e artikujve të tillë. A duhet ti shkruajmë emrat në formën origjinale (p.sh Sigmund Freud) apo ti përkthejmë në shqip (p.sh Sigmund Frojd)? Shpresoj të jem shprehur qartë! :) – Zamxr

@Zamxr, emrat e huaj në Wikipedian shqip shkruhen në gjuhën origjinale, përveç se në disa raste të veçanta të treguara këtu. --Olsi (diskutimet) 3 janar 2021 22:41 (CET)

Përkthimi i termave teknikë që nuk ekzistojnë në gjuhën shqipe

Përshëndetje, jam duke përkthyer artikullin e tramvajeve nga versioni Anglez i Uikipedia-s, por kam hasur në një problem: ka shumë terma të cilët nuk kanë përkthime 1:1 në shqip. Kjo është për shkak se në trojet shqiptare nuk kemi sistem të tillë transporti. Alternativa e vetme është përshkrimi me disa fjalë i këtyre objekteve/koncepteve, por kjo e bën artikullin të tingëllojë shumë të panatyrshëm, sidomos kur flitet për të njëjtën gjë disa herë. E vetmja mundësi tjetër që po më vjen në mend është shpikja e fjalëve të reja, por s'besoj se do të pranohej (+ kjo është punë e Akademisë kompetente, jo e ndonjë personi të panjohur në internet). Çka duhet të bëj në këtë rast? Po ashtu, kam edhe një pyetje: A është e mundur që të mbaj emrat origjinalë të organizatave dhe personave? Më duket pak i panevojshëm shkrimi fonetik i *çdo* fjale të huaj. --KushËshtëAi (diskutimet) 30 dhjetor 2020 18:25 (CET)

@KushËshtëAi, me të vertetë është një problem i madh mungesa e disa fjalëve në gjuhën shqipe. Megjithatë unë të sugjeroj që në fillim t'i përshkruash objektet/konceptet me disa fjalë dhe të vendosësh në kllapa ose një fjalë të përafërt në shqip, ose nëse nuk është e mundur, një fjalë të huaj, të cilën mund ta përdorësh më pas më poshtë në artikull, por gjithnjë duke e shkruar me shkrim të pjerrët. Shpikja e fjalëve të reja është ide e mirë, por nëse këto fjalë nuk kuptohen nga ata që kuptojnë shqip, atëherë s'kanë ndonjë vlerë. Sa i përket shkrimit të emrave të personave apo organizatave, në Wikipedian shqip ata shkruhen në gjuhën e tyre origjinale, përveç rasteve kur këta emra përmbajnë shkronja jolatine. --Olsi (diskutimet) 3 janar 2021 22:49 (CET)