Sali Berisha

Sali Berisha, Dr. (L. 15 tetor 1944, Tropojë) - doktor, profesor, kardiolog, president dhe kryeministër shqiptar.

Edukimi

Në vitin 1967 mbaroi studimet në Fakultetin e Mjekësisë të Universitetit të Tiranës. Studimet pasuniversitare në fushen e Hemodinamikës, i mbaroi në Paris (Francë).

Karriera

• Prof.Dr.Sali Berisha ka qenë president i Shqipërisë gjatë viteve 1992-1997.
• Në vitin 1968 emërohet si anëtar i Komitetit Evropian për Zhvillim në Shkencat e Mjekësisë.
• Karriera politike e Sali Berishës fillon me lëvizjen studentore të Dhjetorit 1990 në të cilën ai merr pjesë si aktivist i dalluar kundër sistemit qeverisës të Shqipërisë së viteve 1990. Një vit pas fillimit të lëvizjes emërohet kryetar i partisë së dalë nga ajo: Partia Demokratike. Në zgjedhjet e Partisë Demokratike të 1997 rizgjidhet si kryetar, pozicion që ende e mban. Është zgjedhur deputet i Parlamentit Shqiptarë në vitet 1991, 1992, 1997 dhe 2001.
• Zoti Berisha ishte President i vendit në vitin 1996, kur shteti i kontrolluar prej tij lejoi krijimin dhe lulezimin e skajshëm të firmave piramidale që perfundimisht zhvatën kursimet e popullit shqiptar. Ne rolin e Presidentit Sali Berisha garantoi se egzistenca e skemave piramidale ishte e parrezikshme dhe u shpreh se: “ - Paratë e shqiptarëve janë me te pastrat në botë”.
• Kur firmat piramidale falimentuan në fund të vitit 1996 protestat popullore u shkallëzuan deri në piken e një Luftë Civile që u kushtoi jetën më shumë se 2000 vetëve. Presidenti Berisha e la postin vetëm pas thërmimit të plotë të shtetit Shqiptar. E zhytur në një krizë katastrofike në vitin 1997 Shqipëria përjetoi disa nga momentet më kritike që pas shpalljes së pavarsisë. Shperthimi i depove të armëve bëri që pasiguria për jetën të ishte një frikë reale ndër qytetarët.
• Më 3 korrik 2005, koalcioni prej pesë partive të qendrës së djathtë i drejtuar nga Sali Berisha ja arrinë që të fitojë një mazhorancë prej 74 deputetësh nga 140 gjithsej në Kuvend dhe më 8 shtator 2005 me shumicë prej 81 votash të deputetëve zgjidhet Kryeministër i Shqipërisë.

Veprat

• Gjatë viteve 1980-1990, përderisa mbante ligjërata në Universitetin e Tiranës, ai botoi literaturë studiuese, tekste për mësim universitar. Po ashtu gjatë kësaj kohe Berisha botoi artikuj në shkencat e kardiologjisë në Shqipëri dhe jashtë saj. Ka punuar si drejtues dhe profesor në Klinikën e Kardiologjisë të Tiranës. Berisha mban titullin Profesor Doktor.

Jeta private

Sali Berisha është i martuar me Liri Berisha, e cila është pediatre dhe kanë dy fëmijë, një vajzë, Argitën, dhe një djalë, Shkëlzenin. Berisha zotëron gjuhën angleze, frënge, italiane dhe ruse.

Referencat

• 1. Keshilli i Ministrave (Siti zyrtar)

Lidhje të jashtme

• Këshilli i Ministrave
• Sali Berisha - Amëza Zyrtare Presidenciale