Bamir Topi

Bamir Myrteza Topi, lindi më 24 prill të vitit 1957 në Tiranë, është politikan shqiptar dhe presidenti aktual i Shqipërisë. Është i martuar me Teuta Topi dhe ka dy vajza, Nada Topi e Etida Topi.

Edukimi

Pas përufndimit të ciklit shkollor me rezultate të larta, z. Topi ka punuar fillimisht në Petrelë të Tiranës dhe nga viti 1984 në Institutin Shkencor të Kërkimeve Veterinare. Ka kryer studimet për doktoraturë në Itali dhe ka qenë Drejtor i Institutit Shkencor të Kërkimeve Veterinare në vitet 1992-1996. Ka fituar titullin e lartë “Profesor” në vitin 1995. Në fushën profesionale z. Topi ka një aktivitet të madh punimesh shkencore dhe botime të shumta.

Aktiviteti politik

Në tri Legjislatura është zgjedhur deputet i Kuvendit të Shqipërisë nga radhët e Partisë Demokratike të Shqipërisë. Dy herë është zgjedhur kryetar i Grupit Parlamentar të PD-së. Në dy mandate është zgjedhur nënkryetar i PD-së. Në periudhën 1996 – 1997 ka ushtruar detyrën e ministrit të Bujqësisë dhe Ushqimit.

Ka qenë anëtar i Komisionit Parlamentar për Veprimtaritë prodhuese, Tregtinë dhe Mjedisin. Bamir Topi ka publikuar shumë botime shkencore në periodikun shqiptar dhe të huaj, si dhe analiza politike aktuale.

Aktiviteti presidencial

Skeda:Bamir Topi - president.jpg

Figura presidenciale e Bamir Topit

Bamir Topi u zgjodh president i Shqipërisë më 20 korrik të vitit 2007 nga Parlamenti i Shqipërisë duke marrë 85 vota kundrejt rivalit Neritan Ceka që arriti të merrte vetëm 5 vota. Presidenti Bamir Topi mori në dorezim detyrën nga paraardhësi i tij presidenti Alfred Moisiu më 24 korrik të vitit 2007 pas betimit në Kuvend.

Tituj nderi

• Doctor Honoris Causa nga Universiteti i Prishtinës (25 janar 2008)
• Qytetar Nderi i Prishtinës nga Kuvendi Komunal i Prishtinës (26 janar 2008)

Lidhje të jashtme

• Foto
• Kryetari i Shqipërisë

Ministra të Shqipërisë

para	Bamir Topi		pas
Ministër i Bujqësisë dhe Ushqimit
	1996	1997