Moisiu

Gjendeni tek artikulli Moisiu. Për shprehjet e ngjashme në shkrim, kuptim apo tingëllim, shikoni këtu.

Musa me Dhjetë urdhëresat.

Musa (hebr. מֹשֶׁה Moshe; arab. موسى, Mūsā) ishte një hebre biblik, udhëheqës fetar, ligjprurës, profet, prijës ushtarak dhe historian. Mendohet që Moisiu të ketë jetuar në qindvjeçarin e VII p.e.r. Ai mbahet si shkruesi i Torahs, apo pesë librave të parë të Biblës (Zanafillës, Daljes, Levitikëve, Numrave, dhe Ligjit të përtërirë) dhe është një profet i rëndësishëm në Judaizëm, Krishterim, Islam dhe Bahaizëm. Moisiu sipas përçimeve biblike ështëi dërguari i Perëndisë që nxori popullin izraelit nga skllavëria e Egjptit dhe e priu atë për 40 vjet në tokën e zgjedhur të premtuar nga Perëndia përmes Detit të Kuq dhe shkretëtirës. Ai poashtu në një zbulesë hyjnore në Malin e Sinait mori ligjet e shkruara nga vetë dora e Perëndisë me dhjetë urdhëresat.

Sipas Torës Moisiu vdiq në moshën 120 vjeçare (sipas kohëmatjes kalendarike hebraike në vitin 2488, apo në vitin 1272 p.e.r.), pasi pá tokën e premtuar dhe pa mundur ta shkelte atë i urdhëruar nga Perëndia.

Emri Musa (hebr. Moshe) do të thotë "i shpëtuari nga ujrat".

Historia

Gjetja e Musës nga Termutis, bija e faraonit. Tablo nga Edvin Long.

Sipas Biblës, Musa lindi nga një grua hebraike e cila e fshehi atë në kohën kur faraoni i Egjiptit urdhëroi vrasjen e të gjithë djemve judenj të sapolindur.