Gjeografia e Shteteve të Bashkuara të Amerikës

Shtetet e Bashkuara të Amerikës shtrihen në kontinentin e Amerikës Veriore. Ato shtrihen mes Oqeanit Atlantik dhe Paqësor. Përfshijnë pjesën qendrore, jugore, skajin veriperëndimor - Alaskën dhe ishujt e Havajeve në Oqeanin Paqësor. SHBA në veri kufizohen me Kanadanë, ndërsa në jug me Meksikën, përkatësisht lumin Rio Grande, i cili është lumë kufitar mes këtyre dy shteteve. Shtrirja në mes Oqeanit Atlantik dhe Oqeanit Paqësor ka bërë që SHBA të kenë pozitë mjaft të përshtatshme gjeografike në Amerikën veriore. Përmes këtyre oqeaneve SHBA kanë lidhje të mirë komunikative me Evropën, Amerikën Jugore, Australinë, Azinë dhe vëndet tjera .

Vullkani i shuar Mount Hood,

relievi

Tërësitë kryesore të relievit të SHBA-ve janë malet Kordilere, Apalashe dhe Ultësira e Madhe Qendrore.

Malet Kordilere janë male të reja dhe të larta, të cilat shtrihen në pjesët perëndimore të SHBA-ve. Këto male janë të pasura me xehe plumbi, zingu, ari, nikeli, bakri, fuqi uji etj. Ato dallohen me lartësi të madhe , bukuri natyrore dhe me parqe të njohura , ku ndër më të njohurit është parku i Jelustonit.

Mallet Apalashe janë male të vjetra , të ulëta dhe zënë pjesën lindoe të SHBA-ve. Shtrihe në drejtim verilindje-jugperëndim. Në krahasim me Kordileret janë shum më kominikative. Dallohen me pasuri të mëdha hekuri , thëngjilli, nafte etj. Lumenjtë e këtyre maleve janë të shkurtër, por kanë sasi të madhe uji. Në pjesën e poshtme të tyre janë të përshtatshëm për lundrim.