Zef Çoba

Nga Wikipedia, enciklopedia e lirë
Zef Çoba

Zef Çoba (Shkodër, l. 1951) është kompozitor dhe mjeshtër kori shqiptar, i famshëm për kompozimin e këngës "Xhamadani vija vija".

Biografia[Redakto | Redakto nëpërmjet kodit]

Që në fëmijëri ka manifestuar pasionin e tij për muzikën. Ka mbaruar studimet në Akademinë e Arteve në Tiranë, në vitin 1974, në degën e dirigjimit koral, nën drejtimin e pedagoges Rozmari Jorganxhi.

Pas mbarimit të shkollës, punoi në qytetin e Peshkopisë e më pas në Shkodër me detyrën e përgjegjësit të muzikës, pranë Shtëpive të Kulturës së këtyre qyteteve. Ka studiuar trashëgiminë e pasur folklorike, kryesisht të trevave ku ka punuar, si dhe në mënyrë autodidakte ka zhvilluar studime në fushën e kompozicionit.

Në vitin 1989, me vendim të “Lidhjes së Shkrimtarëve dhe Artistëve” të Shqipërisë, del në profesion të lirë si kompozitor. Në vitin 1991 fillon punë në Radio – Shkodra, gazetar i emisioneve dhe programeve muzikore, si dhe kryeredaktor.

Qe nga viti 2003 punon në Universitetin e Arteve Tiranë ne Fakultetin e Muzikës, pedagog në lëndët e dirigjimit koral, klasës korale, muzikë dhome, harmoni etj.

Në vitet 1997 deri 2001, jep kontributin e tij si dirigjent i korit ”Dom Mikel Koliqi” të Kishës Katedrale në Shkodër. Në vitin 2004 drejton korin e Kishës Katedrale “Shën Pali” në Tiranë. Qe nga viti 2010 e ne vazhdim është drejtues i Korit të Kishës së Shën Françeskut në Gjuhadol, Shkodër.

Ka qenë anëtar i bordit të fondacionit SOROS dega Shkodër (1997-2000), anëtar i bordit te

fondacionit PRO HELVETIA Tiranë (2002 – 2004), anëtar i bordit CREATIVE CITY me qendër në Shkodër (2004-2008). Që në vitin 1983, është sekretar i muzikës për Degën e Lidhjes së Shkrimtarëve dhe Artistëve në Shkodër. Ka kompozuar vepra e pjesë të ndryshme vokale e instrumentale, muzikën e 16 filmave artistikë, muzikë për teatër, këngë në stil të traditës së këngës qytetare shkodrane, për fëmijë etj. shumë prej të cilave kanë fituar popullaritet absolut. Ka kompozuar një cikël me romanca vokale të titulluar “Kënga e njeriut”; ciklin me këngë korale për fëmijë “E drejta dhe e shtrembra”, shumë përpunime këngësh popullore për kor, për solistë dhe kor etj. Është autori i këngës "Djali kumbares" me tekst te Fadil Krajes dhe kompozitori i kenges shume te njohur“Xhamadani vija vija”, te cilën e ka kompozuar ne vitin 1993.

Në vitin 1999 ka themeluar në Shkodër Shoqatën MIQTE E MUZIKES “ROZAFA EXPRESSION” e cila  ka katër seksione: Korin e të rriturve ”Rozafa Expression”, seksionin e  këngëtarëve popullorë “Në lulishten e këngës shkodrane”, grupin vokal të fëmijëve “Loja e notave muzikore” dhe seksionin “Miqtë e Muzikës”. Kori i kësaj Shoqate ka zhvilluar e zhvillon një aktivitet artistik e kulturor, kombëtar e ndërkombëtar, duke marre pjese me sukses ne festivale e veprimtari te rëndësishme..

I eshte besuar detyra për ngritjen e Akademisë se Arteve ne Shkodër, me datën 8.10.2012 me dekret te Presidentit te Republikës emërohet Rektor i saj. Jep leksione pranë Fakultetit te Muzikës te kësaj Akademie, në lëndët e Edukimit Koral dhe harmoni.

Në drejtim, gjithnjë është karakterizuar nga një punë me disiplinë e kërkesa të larta artistike, për këtë në turnetë e zhvilluara si brenda dhe jashtë vendit, është vlerësuar me konsiderata të larta.

Tituj nderi[Redakto | Redakto nëpërmjet kodit]

  • Mban titullin Akademik « Profesor »,i dhëne nga Komisioni i Vlerësimit te Titujve Akademik (6.09.2012).
  • Mirënjohja e qytetit » - nga Këshilli Bashkiak i qytetit Shkodër, me 8.11.2014 
  • “Mirënjohje” dhënë nga Perfekti i Qarkut Shkodër  me rastin e 100 vjetorit te pavarësisë (27.11.201).
  • Anëtar i Bordit të Forumit Ballkanik të Muzikës Korale”
  • Ambasador për paqen” - dhënë nga Federata Universale e Paqes.
  • Anëtarë i Lidhjes së Shkrimtareve dhe Artisteve të Shqipërisë, që në vitin 1978
  • Sekretar i muzikës i Lidhjes se Shkrimtarëve dhe Artistëve te Shqiperise dega Shkodër, që nga viti 1983.
  • Nderi i Kulturës Dibrane”- dhënë nga Këshilli Bashkiak Peshkopi(2011)
  • “Anëtar nderi” i Shoqatës Kulturore Artistike “BESA” në Mal të Zi.
  • “Anëtar nderi” i Shoqatës “Madonna di San Giovanni” Ripatransone-Itali.
  • Madre Teresa”- dhënë nga Instituti Italian i Kulturës Tiranë
  • “Naim Frashëri” i Klasës III - Urdhër i dhënë nga Presidiumi i Kuvendit Popullor me 07.09.1989
  • Kryetar nderi” i Shoqatës “Rrok Jakaj”- Shkodër
  • Kryetar i Shoqatës  Miqtë e Muzikës „Rozafa Expression“- Shkoder
  • Anëtar i Bordit Artistik të Teatrit Migjeni - Shkoder
  • Anëtar i Bordit të TV Rozafa Shkoder, etj

Referime[Redakto | Redakto nëpërmjet kodit]