Sputnik (agjenci lajmesh)

Logoja e agjencisë së lajmeve Sputnik.

Sputnik (shqiptimi rusisht: më parë Zëri i Rusisë dhe RIA Novosti, emërtimi rrjedh nga rusishtja спутник, "satelit") është një agjenci lajmesh dhe shërbim transmetimi radiofonik rus në pronësi të shtetit. U themelua nga agjencia e lajmeve ruse Rossiya Segodnya, në pronësi të qeverisë, më 10 nëntor 2014. Me seli në Moskë, Sputnik mban zyra rajonale editoriale në Uashington, D.C., Kajro, Pekin, Paris, Berlin, Madrid, Montevideo dhe Rio de Janeiro. Sputnik e përshkruan veten si të fokusuar në politikën dhe ekonominë globale dhe synon një audiencë ndërkombëtare.

Sputnik përshkruhet shpesh nga akademikët dhe gazetarët si një media propagande ruse. Në vitin 2016, Neil MacFarquhar i The New York Times shkroi: "Qëllimi themelor i dezinformatsiya, ose dezinformimit rus, thanë ekspertët, është të minojë versionin zyrtar të ngjarjeve - madje edhe vetë idenë se ekziston një version i vërtetë i ngjarjeve - dhe të nxisë një lloj paralize politike." Qeveria ruse hedh poshtë vlefshmërinë e pohimeve të tilla. Në fillim të vitit 2019, Facebook hoqi qindra faqe në platformën e tij të mediave sociale që paraqiteshin si faqe lajmesh të pavarura, por në të vërtetë ishin nën kontrollin e punonjësve të Sputnik.

Sputnik operon faqe lajmesh, që paraqesin raportime dhe komente, në 31 gjuhë, duke përfshirë anglishten, spanjishten, arabishten dhe serbishten. Faqet e internetit përmbajnë mbi 800 orë materiale transmetimi radiofonik çdo ditë, dhe shërbimi i saj i lajmeve ofron shërbim 24/7.

Sputnik u ndalua në Bashkimin Evropian në shkurt të vitit 2022 (së bashku me RT) pas pushtimit rus të Ukrainës. Kompanitë e teknologjisë dhe shërbimet e mediave sociale iu përgjigjën pushtimit duke hequr Sputnik nga platformat e tyre, ndërsa shumë versione si ai francez, gjerman dhe grek kanë mbyllur operacionet e tyre.

Shiko edhe

• RT (rrjet televiziv)
• Channel One (Russia)