Të drejtat LGBT në Mal të Zi

Nga Wikipedia, enciklopedia e lirë
Jump to navigation Jump to search
Mal i Zi (harta me ngjyrues jeshil)

Të drejtat LGBT në Mal të Zi janë të garantuara nëpërmjet legjislacionit kundër diskriminimit. Personat gej, lezbike, biseksualë dhe transgjinorë në Mal të Zi përballen me sfida ligjore që personat jashtë këtij komuniteti nuk i përjetojnë. Aktiviteti seksual brenda gjinisë së njëjtë është ligjor në Mal të Zi. Të mirat ekonomike brenda një çifti homoseksualësh nuk gëzojnë mbrotje ligjore sikurse çiftet heteroseksuale të martuara.

Çështjet[redakto | përpunoni burim]

Legalizimi i homoseksualitetit[redakto | përpunoni burim]

Mali i Zi e ka dekriminalizuar aktivitetin seksual brenda gjinisë së njëjtë në 1977.

Njohja e martesave dhe bashkëjetesës civile brenda gjinisë së njëjtë[redakto | përpunoni burim]

Martesat brenda së njëjtë gjini nuk njihen ligjërisht pasi kushtetuta në vend i ndalon martesat brenda së njëjtës gjini. Në 13 nëntor 2012 zëvendëskryeministri Dusko Markovic u shpreh se qeveria do të përgatisi një projektligj për të mundësuar njohjen ligjore të martesave për çiftet brenda së njëjtës gjini.[1]

Mbrojtja ligjore[redakto | përpunoni burim]

Në 27 korrik 2010 parlamenti malazes miratoi Ligjin kundër Diskriminimit që përfshin orientimin seksual dhe identitetin gjinor si motive të ndaluara për diskriminim. Kjo ishte një nga kërkesat e parashtruara nga Bashkimi Europian për procesin e anëtarësimit.[2]  Gjithashtu personat gej dhe lezbike nuk janë të përjashtuar nga shërbimi ushtarak.

Çështjet sociale[redakto | përpunoni burim]

Gejtë dhe lezbiket ndeshin diskriminim dhe ngacmim në Mal të Zi. Qëndrimet homofobike janë rrënjësisht të ngulitura në shoqërinë malazese.

Kultura gej[redakto | përpunoni burim]

Skena e komunitetit LGBT dhe hapësira për ti manifestuar të drejtat e këtij komuniteti është shumë e ngushtë dhe e vogël. Parada e parë e Krenarisë në Mal të Zi është zhvilluar në 24 korrik 2013 në qytetin bregdetar të Budvës dhe ky aktivitet ka shkaktuar shumë reagime në publik.[3] Në 20 tetor 2013 një paradë tjetër u zhvillua në kryeqytetin e Podgoricës, ku policia arrestoi protestuesit kundër gejve.[4]

Referenca[redakto | përpunoni burim]