Tonin Shiroka

Tonin Shiroka (13 maj 1932 – 2006) ishte një shkrimtar, piktor dhe skenograf shqiptar, i njohur për kontributin e tij të rëndësishëm në letërsinë dhe artin për fëmijë. Ai u shqua si një nga figurat më të rëndësishme të kulturës shqiptare për fëmijë.

Arsimi dhe karriera

I lindur në Tiranë, Shqipëri, Shiroka ndoqi studimet e tij fillestare dhe të mesme në Liceun Artistik "Jordan Misja" në degën e pikturës. Talenti i tij për artin dhe letërsinë u shfaq që në moshë të re, duke botuar vjersha dhe përralla në revista letrare për fëmijë. Ai jo vetëm që shkruante, por edhe ilustronte me përkushtim veprat e tij.^[1]

Pas përfundimit të studimeve, ai punoi si skenograf në Teatrin e Kukullave në Tiranë, ku dha një kontribut të çmuar për vite me radhë, deri në daljen e tij në pension. Përveçse një skenograf^[2] i talentuar, ai ishte një ilustrues i shquar i librave për fëmijë dhe bashkëpunoi me revista të ndryshme në këtë fushë.

Veprat

Në fushën e letërsisë për fëmijë, Tonin Shiroka ishte një autor i frytshëm, duke botuar mbi 40 pjesë për Teatrin e Kukullave. Ai gjithashtu krijoi shumë emisione dramatike për "Orën e Fëmijëve" në radio dhe televizion. Dashuria e tij për përrallën dhe skenën e fëmijëve pasqyrohet në të gjitha krijimet e tij.^{[nevojitet citimi]}

Ndër librat e tij më të njohur^{[sipas kujt?]} për fëmijë janë:

"Tre kecat dhe ujku" (përralla, 1964)^[3]
"Shokët besnikë" (përralla, 1965)
"Kujdes, këndez" (përrallë në vargje, 1972)
"Fëmijët e rrugicës sime" (roman, 1973)^[4]
"Këndej erdhën dhe këtej ikën" (roman, 1979)^[5]^[6]
"Burreci mëndjemadh" (përralla, 1982)^[7]

Gjithashtu, ai botoi edhe metoda si:

"Skena e vogël e kukullave"
"Skenografia dhe kultura"
"Kultura dhe jeta"
"Ngjyros" (Sh. B. Uegen)
"Përralla" 1, 2, 3 (Sh. B. Uegen, Tiranë 2009)

Vdekja dhe trashëgimia

Kontributi i Tonin Shirokës në artin dhe letërsinë shqiptare mbetet i paçmuar, veçanërisht në fushën e letërsisë dhe teatrit për fëmijë. Ai vdiq në Tiranë në vitin 2006, në moshën 74-vjeçare, duke lënë pas një trashëgimi të pasur për brezat e rinj të lexuesve dhe artistëve shqiptarë.^[1]

Referime

^ ^a ^b "Tonin Shiroka - shkrimtari, piktori dhe skenografi i talentuar i Teatrit të Kukullave". Gazeta Tema. 2025-01-30. Marrë më 2025-01-31.
^ https://www.bksh.al/details/116951/
^ https://www.bksh.al/details/116958/
^ https://www.bksh.al/details/116948/
^ https://openlibrary.org/authors/OL991238A/Tonin_Shiroka/
^ https://books.google.fr/books/about/K%C3%ABtej_erdh%C3%ABn_dhe_k%C3%ABtej_ik%C3%ABn.html?id=II1inQEACAAJ&redir_esc=y/
^ https://www.bksh.al/details/116947/

[:0-1] "Tonin Shiroka - shkrimtari, piktori dhe skenografi i talentuar i Teatrit të Kukullave". Gazeta Tema. 2025-01-30. Marrë më 2025-01-31.

[2] ttps://www.bksh.al/details/116951/

[3] ttps://www.bksh.al/details/116958/

[4] ttps://www.bksh.al/details/116948/

[5] ttps://openlibrary.org/authors/OL991238A/Tonin_Shiroka/

[6] ttps://books.google.fr/books/about/K%C3%ABtej_erdh%C3%ABn_dhe_k%C3%ABtej_ik%C3%ABn.html?id=II1inQEACAAJ&redir_esc=y/

[7] ttps://www.bksh.al/details/116947/

[1]

[2]

[3]

[4]

[5]

[6]

[7]