Universiteti i Shën Andreut
| latinisht: Universitas Sancti Andreae apud Scotos | |
| Motoja | ΑΙΕΝ ΑΡΙΣΤΕΥΕΙΝ |
|---|---|
| Lloji | Universitet publik |
| Themelimi | 1413 |
| Studentë | 10,660 (2014-15) |
| Kampusi | Shën Andre, Skoci |
| Faqja zyrtare | www.st-andrews.ac.uk |
Universiteti i Shën Andreut (en: University of St Andrews) është një universitet kërkimor publik në qytetin e Shën Andreut, në qarkun Fife, Skoci. Ai cilësohet si një Universitet e Moçëm, pasi është insitucioni më i vjetër i arsimit të lartë në Skoci dhe i treti më i vjetër në botën anglofone (pas Oksfordit dhe Kembrixhit). Universiteti i Shën Andreut u themelua diku mes viteve 1410 dhe 1413, kur Papa Benedikti XIII lëshoi një urdhër papnor, që i jepte klerikëve Augustinian të drejtën për të themeluar një institucion arsimor.
Universiteti është i përbërë nga një disa institucione të vartësisë, ku vlen të përmendim tre kolegje (Kolegji i Bashkuar, Kolegji i Shën Marisë, dhe Kolegji i Shën Leonardit) dhe 18 shkolla, të organizuara në katër Fakultete.[1] Viti akademik është i ndarë në dy semestra, të njohur si "Martinmas" dhe "Candlemas". Gjatë sezonit shkollor, studentët dhe stafi i Universitetit përbëjnë mbi një të tretën e popullsisë së qytetit të Shën Andreut.[2] Ndonëse, relativisht i vogël në numër, trupi studentor përfaqson mbi 120 nacionaliteteve, nga ku mbi 45% vijnë nga vende jashtë Britanisë.[3] Studentët e Universitetit janë të njohur për ruajtjen e traditave të lashta të Universitetit, ku mund të përmendet aktivitete si "Raisin Weekend" dhe "May Dip", apo veshja e një kostumi akademik të veçant.[4]
Gjatë viteve Universiteti ka nxjerrë matematikanë të shquar, shkencëtarë, teologë, filozofë dhe politikanë të rëndësishëm, nga të cilët mund të përmendim ish-Ministrin e Parë të Skocisë, Alex Salmond; Sekretari e Shtetit Britanik për Mbrojtjen, Michael Fallon; apo çiftin princëror Uilliam dhe Katherinë, Duka dhe Dukesha e Kembrixhit. Gjashtë fitues të çmimit Nobel janë në mesin e alumnave Universitetit të Shën Andreut.
Lidhje të jashtme
[Redakto | Redakto nëpërmjet kodit]Burim i të dhënave
[Redakto | Redakto nëpërmjet kodit]- ↑ "University of St Andrews: Governance". University of St Andrews. Marrë më 10 gusht 2014.
{{cite web}}: Mungon ose është bosh parametri|language=(Ndihmë!) - ↑ "The University today". Arkivuar nga origjinali më 1 qershor 2007. Marrë më 3 janar 2013.
{{cite web}}: Mungon ose është bosh parametri|language=(Ndihmë!) - ↑ "International". Marrë më 12 gusht 2014.
{{cite news}}: Mungon ose është bosh parametri|language=(Ndihmë!) - ↑ "The low-down on our traditions". Arkivuar nga origjinali më 2 shkurt 2013. Marrë më 3 janar 2013.
{{cite web}}: Mungon ose është bosh parametri|language=(Ndihmë!)