Vala e Madhe e Kanagavës

Vala e Madhe e Kanagavës (神奈川沖浪裏, Kanagava-oki nami ura, "Nën Valën pranë Kanagavës"), e njohur gjithashtu edhe si Vala e Madhe ose thjeshtë Vala, është një gravurë në bllok druri nga artisti japonez Hokusai. Ajo është publikuar ndërmjet viteve 1830 dhe 1833^[1] në Periudhën e vonshme Edo si shtypja e parë e serisë së Hokusait Tridhjetë e gjashtë pamje të malit Fuxhi (富嶽三十六景, Fugaku sanxhūrokkei). Kjo është puna më e famshme Hokusait, dhe një nga veprat më të njohura të artit japonez në botë. Ajo përshkruan një valë të madhe që kërcënon anijet në brigjet e prefekturës Kanagava. Ndërsa nganjëherë supozohet të jetë një cunami, vala është, siç sugjeron titulli i pikturës, me shumë të ngjarë të jetë një valë e madhe mashtruese.^[2] Ashtu si në të gjitha shtypjet në këtë seri, ajo përshkruan zonën përreth Malit Fuxhi në kushte të caktuara, dhe mali vetë duket në sfond.

Konteksti

Arti Ukijo-e

Artikulli kryesor: Ukijo-e

Ukijo-e është një zhanër japonez i blloqeve të shtampave prej druri (ose gdhendjes) dhe pikturës, duke u prodhuar kryesisht midis shekullit të XVII dhe shekullit të XX dhe duke shfaqur motive të peizazheve, tregimeve nga historia, teatri Kabuki, dhe lagjet e kënaqësisë.

Teknika e shtypjes në blloqe druri u paraqait në Japoni në shekullin e VIII nga Kina dhe është përdorur kryesisht për ilustrimin e teksteve budiste.^[3] Nga shekulli i XVII teknika filloi të përdoret për ilustrimin e poezisë dhe romancës.^[3] Ishte kjo periudhë që me të vërtetë pa ngritjen e stilit të njohur si Ukijo-e, e cila pasqyronte jetën dhe interesat e klasave më të ulëta të shoqërisë; tregtarët, artistë dhe rōninë(samurai pa mjeshtër/padron), të cilët ishin duke zhvilluar artin dhe letërsinë e tyre në zonat urbane të tilla si Edo (sot Tokio), Osaka dhe Sakai, në një lëvizje të quajtur më vonë Ukijo, bota lundrues.^[4]

Piktura

Përshkrimi

Kjo është një lloj shtypje joko-e, që është e një formati të peizazhit e prodhuar në në madhësi ōban, e rreth 25 cm e lartë dhe 37 cm e gjerë.^[5]

Përbërja perfshin tre elemente kryesore: detin e përfshirë nga një stuhi, trea anije dhe mali. Ai përfshin nenshkrimin në këndin e sipërm të majtë.

Mali

Mali me një kulm të mbuluar me dëborë është Mali Fuxhi, i cili në Japoni është konsideruar si i shenjtë dhe një simbol i identitetit kombëtar,^[6] si dhe një simbol i bukurisë.^[7] Mali Fuxhi është një figurë ikonë në shumë paraqitje japoneze të vendeve të njohura (meisho-e), siç është rasti në serinë Hokusait Tridhjetë e gjashtë pamje të malit Fuxhi, e cila hapet me skenën aktuale.

Ngjyra e errët rreth malit Fuxhi duket se tregon se skena ndodh herët në mëngjes, me diellin në rritje nga prapa vëzhguesit, duke e ndriçuar kulmin me dëborë të malit. Ndërsa retë e stuhishme duket të jenë të varura në qiell mes shikuesit dhe malin Fuxhi, nuk duket të ketë shi si në skenën në plan të par ashtu edhe në malin Fuxhi, i cili në vetvete duket tërësisht pa re.^[2]

Shiko edhe

Referime

^ "Kanagawa-oki nami-ura 神奈川沖浪裏 (Under the Wave off Kanagawa)" (në anglisht dhe japonisht). British Museum. Marrë më 19 korrik 2010.
^ ^a ^b Cartwright, H.E.; Nakamura, H. "What kind of a wave is Hokusai's Great wave off Kanagawa?". Notes and records (në anglisht). Royal Society. doi:10.1098/rsnr.2007.0039. Arkivuar nga origjinali më 5 shtator 2015. Marrë më 7 korrik 2010.
^ ^a ^b Fleming & Honour 2006, f. 706.
^ "A History of the Ujiyo-e Woodblock Print" (në anglisht). ukiyoe-reproductions.com. Arkivuar nga origjinali më 6 shkurt 2013. Marrë më 5 korrik 2010.
^ "Katsushika Hokusai: The Great Wave at Kanagawa" (në anglisht). Metropolitan Museum of Art. Marrë më 7 korrik 2010.
^ "Under the Wave off Kanagawa (The Great Wave) by Hokusai (1760–1849)". fujiarts.com (në anglisht). Marrë më 10 korrik 2010.
^ "El Monte Fuji como Objeto Artístico" (në spanjisht). Nipponia. Marrë më 7 korrik 2010.

Lidhje të jashtme

[british-1] "Kanagawa-oki nami-ura 神奈川沖浪裏 (Under the Wave off Kanagawa)" (në anglisht dhe japonisht). British Museum. Marrë më 19 korrik 2010.

[royal-2] Cartwright, H.E.; Nakamura, H. "What kind of a wave is Hokusai's Great wave off Kanagawa?". Notes and records (në anglisht). Royal Society. doi:10.1098/rsnr.2007.0039. Arkivuar nga origjinali më 5 shtator 2015. Marrë më 7 korrik 2010.

[mundial706-3] Fleming & Honour 2006, f. 706.

[reproductions-4] "A History of the Ujiyo-e Woodblock Print" (në anglisht). ukiyoe-reproductions.com. Arkivuar nga origjinali më 6 shkurt 2013. Marrë më 5 korrik 2010.

[metmuseum-5] "Katsushika Hokusai: The Great Wave at Kanagawa" (në anglisht). Metropolitan Museum of Art. Marrë më 7 korrik 2010.

[6] "Under the Wave off Kanagawa (The Great Wave) by Hokusai (1760–1849)". fujiarts.com (në anglisht). Marrë më 10 korrik 2010.

[7] "El Monte Fuji como Objeto Artístico" (në spanjisht). Nipponia. Marrë më 7 korrik 2010.

[1]

[2]

[3]

[4]

[5]

[6]

[7]