Valbon Limani

Valbon Limani
Kryetar i Komunës së Gostivarit
Titullar
Në detyrë 8 Korrik 2024
Paraprirë nga	Arben Taravari
Kryetar i Këshillit të Komunës së Gostivarit
Në detyrë 26 Nëntor 2021 – 8 Korrik 2024
Pasuar nga	Namik Durmishi
Të dhëna vetjake
U lind më	Gostivar, RS Maqedonia, Jugosllavia
Partia politike	Aleanca për Shqiptarët
Punësimi	Endokrinolog

Valbon Limani (i lindur më 19 maj 1980) është politikan dhe mjek nga Gostivari, Maqedonia e Veriut. Aktualisht ushtron funksionin e ushtruesit të detyrës së kryetarit të Komunës së Gostivarit.

Biografia

Dr. Valbon Limani ka lindur më 19 maj 1980 në Gostivar. Është specialist në endokrinologji dhe punon në Klinikën Universitare të Endokrinologjisë, Diabetit dhe Çrregullimeve Metabolike në Shkup.

Në vitin 2008 diplomoi në Fakultetin e Mjekësisë në Universitetin e Trakisë, ndërsa në vitin 2019 përfundoi specializimin për endokrinologji në Klinikën Universitare të Endokrinologjisë, Diabetit dhe Çrregullimeve Metabolike në Shkup.

Gjatë periudhës 2022–2024 ishte i angazhuar si asistent në Fakultetin e Shkencave Mjekësore pranë Universitetit Shtetëror të Tetovës.

Karriera politike

Më 26 nëntor 2021, Limani u zgjodh kryetar i Këshillit Komunal të Komunës së Gostivarit, funksion të cilin e ushtroi deri më 8 korrik 2024.

Më 8 korrik 2024, ai mori funksionin e ushtruesit të detyrës së kryetarit të Komunës së Gostivarit, pasi u votua nga Këshilli me 22 vota për dhe 9 kundër. Do të qëndrojë në këtë post deri në zgjedhjet e ardhshme lokale në tetor 2025.

Aktivitetet tjera

Dr. Limani është anëtar i:

• Shoqatës Shkencore të Endokrinologëve dhe Diabetologëve të Maqedonisë,
• Asociacionit Evropian për Studimin e Diabetit (EASD).

Në sektorin civil:

• Kryetar i bordit drejtues të shoqatës “Most” (2014–2016)
• Anëtar i bordit të OJQ-së “Qendra Evropiane për Zhvillim, Tolerancë dhe Bashkëpunim”

Jeta personale

Dr. Valbon Limani është i martuar dhe ka tre fëmijë.

Lidhje të jashtme

• Komuna e Gostivarit – Faqja zyrtare